အားသစ်ဝေယှက် တွဲလက်ခိုင်ညီ ရွှေပြည်တော်သစ် မူးယစ်ကင်းစင်

အားသစ်ဝေယှက် တွဲလက်ခိုင်ညီ ရွှေပြည်တော်သစ် မူးယစ်ကင်းစင်

အစဉ်ရွှင်လန်းတက်ကြွနေတတ်သည့် မေသစ္စာတစ်ယောက် ယနေ့ပို ၍ပင်တက်ကြွနေမိသည်။

သြစတေးလျနိုင်ငံမှ Master Battadနှင့် အဖွဲ့ရောက်ရှိ လာမည်။ (၇)ရက်တာ လှည့်လည်မည်။ မြန်မာ့ယဉ်ကျေး မှုအမွေအနှစ်များကို အထူးပြုလေ့လာမည်ဖြစ်ကြောင်း ကြိုသိထားရသည်။ သည် အတွက် မေသစ္စာတက် ကြွနေခြင်းဖြစ် သည်။ ထိုသို့သော ကမ္ဘာလှည့်ခရီးသည် များမှ တစ်ဆင့် “ကမ္ဘာမှာ မြန်မာဟေ့”ဟုဝံ့ကြွားခွင့် ရတော့မည် မဟုတ်ပါလား။ ရောက်လာသမျှသော Forengerများကို မြန်မာတို့၏ စိတ် အလှနှင့်ရုပ်အလှ ကို ပြောပြလမ်းညွှန်ရသော အလုပ်ကို သစ္စာဂုဏ်ယူ သည်။
 လေယာဉ်ဆိုက်တော့ ည၇း၄၅နာရီရှိပေ ပြီ။  မေသစ္စာ ကြာကြာမစောင့်လိုက်ရပါ။ Master Battadနှင့် အဖွဲ့ရောက်ရှိလာသည်။

“Hello…Master …Wearmy Welcome from Myanmar” ဟု ဖော်ရွေပျူငှာစွာ နှုတ်ဆက်မိသည်။

“ဟုတ်ကဲ့..တွေ့ရတာဝမ်းသာပါတယ်။ အခုလို  ဖော်ရွှေ ပျူငှာ စွာ ကြိုဆိုတဲ့အတွက်လည်း ၀မ်းသာကြည်နူးမိပါ တယ်”

Master Battad၏ ပီသကြည်မြသော မြန်မာသံ စစ်စစ်နှုတ် ထွက်စကားကြောင့် မေသစ္စာ အံ့သြ သွားရ သည်။ မေသစ္စာ၏မျက်ဝန်းအလှုပ်ကို အကဲဖမ်း လိုက်နိုင်သော Master Battadက ….

“သြော်….အရမ်းအံ့သြနေသလားခင်ဗျာ၊ကျွန်တော်က သြစတေးလျနိုင်ငံသားဖြစ်ပေမယ့် ရန်ကုန်ချက်မြှုပ်ပါ။ ဒီနိုင်ငံမှာ ကျွန်တော်ဆယ်နှစ်သား အထိ နေထိုင်ခဲ့ပါ တယ်.။ ကျွန်တော့်ဇာတိချက်ကြွေ မွေးရပ်မြေရဲ့ သဘာဝ အလှနဲ့ရိုးရာယဉ်ကျေးမှုအလှတွေကို လေ့လာချင်လို့ အခုလိုလာခဲ့ရတာပါ်။ လေ့လာစရာတွေက များ၊ အချိန်က (၇)ရက်ထဲဆိုတော့ မမေသစ္စာကိုပဲ အားကိုးရတော့ မယ်..”

“ဟုတ်ကဲ့..ရပါတယ်ရှင် အခု… Master Battadတို့ အဖွဲ့အတွက် ဆီဒိုးနားဟိုတယ်မှာ စီစဉ်ထားပါတယ်။ ဒီနေ့ညတော့ ကောင်းကောင်းအနားယူပြီးနောက်နေ့ကျမှဘဲ တိုင်းရင်းသားကျေးရွာကို သွားလည်ကြတာပေါ့ နော်..”

“တိုင်းရင်းသားကျေးရွာဆိုတာ ဘာလဲဟင်…သူက ရွာတစ်ရွာဘဲလား”

“ဟုတ်တယ်လို့ပြောလို့ရပါတယ်။ကျွန်မတို့မြန်မာနိုင်ငံကြီး ဟာ ပြည်ထောင်စုဖွားတိုင်းရင်းသားမျိုးနွယ်စုပေါင်း(၁၃၅) မျိုးနဲ့ဖွဲ့စည်းတည်ဆောက်ထားတာပါ။တိုင်းရင်းသားကျေး ရွာ ဆိုတာကလည်း မြန်မာတစ်နံတစ်လျားမှာ ရှိနေတဲ့ တိုင်းရင်းသားမျိုးနွယ်စုတွေရဲ့ ရိုးရာယဉ်ကျေးမှုကို တစ်နေရာထဲမှာ လေ့လာနိုင်အောင်စီစဉ်ထားတာ လေ။ တိုင်းရင်းသားကျေးရွာကိုရောက်သွားတာနဲ့ မြန်မာနိုင်ငံ တစ်ဝှမ်းလုံးကို ရောက်သွားပြီလို့သတ်မှတ်နိုင်ပါတယ်…”

မေသစ္စာရှင်းပြချက်ကို Master Battadက လက်ခံသွား သည်။ သို့သော် ထင်မှတ်မထားသော ထောင့် ဖြတ်မေး ခွန်းတစ်ခုကို Master Battadက မေးဖြစ်အောင်မေး လိုက်သေးသည်။

“သြော်..ဒါနဲ့မမေသစ္စာကို တစ်ခုလောက်မေးချင်ပါတယ်။ မင်းတို့နိုင်ငံမှာ မူးယစ်ဆေးဝါးတွေကို တရားမ၀င် ထုတ် လုပ်နေတယ်။ရောင်းဝယ်နေတယ်။ ဘိန်းချက်စက်ရုံတွေ လဲ အများကြီးဆိုတာ ဟုတ်ပါသလား…”

မေသစ္စာအကြောက်အကန်ငြင်းလိုက်သည်။ ငြင်းဆိုချက်အတွက်ခိုင်လုံသော အထောက်အထားပြ ရန်ကိုလည်း ခေါင်းထဲတွင် စီစဉ်လိုက်သည်။

“No…..No….ကျွန်မတို့မြန်မာနိုင်ငံဟာ မူးယစ်ဆေးဝါး လုံးဝ ကင်းစင်တဲ့နိုင်ငံတစ်ခုပါ။ ဒေသအလိုက် ဘိန်းမဲ့ ဇုံ တွေကိုလ်ညးကမ္ဘာသိအောင် ကြေငြာပြီးသားပါ။ ဒီ ကိစ္စက ကိုလိုနီစနစ်ကထားခဲ့တဲ့အမွေဆိုးတစ်ခုပါ။ ကျွန်မတို့နိုင်ငံအနေနဲ့ မူးယစ်ဆေးဝါးဆန့်ကျင်ရေးနဲ့ ပတ်သက်လို့ဆောင်ရွက်နေတာတွေ အောင်မြင်နေ တာတွေ ကို အချိန်ရရင်ရသလောက် ရှင်းပြချင်ပါသေး တယ်..။
………………………………………

“ကလင်..ကလင်…” ဖုန်းသံမြည်လို့ကောက်ကိုင်လိုက်သည့်အခါတွင်ထင် မှတ် မထားသော ဘုန်းလက်ျာဖြစ်နေသည်။ ကျောင်းပြီး သည်မှစကာ လုပ်ငန်းခွင်ဝင်သွားသည့်တိုင် ဘုန်းလက်ျာ သည် အချိန်အားရလျှင်ရသလို ဖုန်းဆက် တတ် သည်။  မေသစ္စာဘုန်းလက်ျာနှင့်ထိပ်ထားတို့သည် ငယ်ကျွမ်းဆွေများဖြစ်ကြသည်။ တစ်ယောက်အခက် အခဲရှိလျှင် တစ်ယောက်ကကူညီဖြေရှင်းပေးတတ် ကာ မွေးချင်းထက်ရင်းကြသည်.။ဘုန်းလက်ျာဒုရဲအုပ် အဆင့်ဖြင့် မူးယစ်ဗဟိုတွင် တာဝန်ထမ်းဆောင်နေ သည်။ ထိပ်ထားက မူးယစ်ပြတိုက်မှာတာဝန်ကျသည်။ ဧည့်လမ်းညွှန်ဖြင့်ခြေထောက်ဗွေပါနေသော မေသစ္စာနှင့် လူချင်းတွေ့ရန်ကားခက်လှသည်။

“မေရေ…ငါမန္တလေးကနေဆက်နေတာဟ။ နောက်နှစ်ရက်လောက်နေရင် ငါသင်တန်းဆင်းရတော့မယ်။ သင်တန်းပြီးခွင့်လေးရ တုန်းနင်တို့နဲ့တွေ့မလားလို့။တို့တွေမဆုံဖြစ်တာကြာပြီမဟုတ်လား။ ဟိုထိပ်ထားမရော နင်နဲ့တွေ့ဖြစ်သေးလား…”

“အေး…တွေ့တယ်ဟ။နင်နဲ့မတွေ့ရတာသာကြာနေတာ။နင်..အခုတက်နေတာ ဘာသင်တန်းလဲ..”
“မူးယစ်အထူးအဖွဲ့သင်တန်းပါ…”
“ဟယ်..ဟုတ်လား။ နင်သင်တန်းဆင်းရင်လာဖြစ်အောင် လာခဲ့ဟာ။ အခုငါ လိုက်ပြီး Guideလုပ်ပေးနေရ တဲ့နိုင်ငံခြားသား ဧည့်သည်အဖွဲ့က မူးယစ်ဆေးဝါး အကြောင်းစိတ်ဝင်စားနေတယ်ဟ။ ငါတို့နိုင်ငံမှာ မူးယစ်ဆေး ၀ါးပပျောက်ရေးအတွက် ဘယ်လောက်ကြိုး ပမ်း ခဲ့ရသလဲဆိုတာနင်လာပြီးရှင်းပြဟာ..” “အမလေးမေသစ္စာရယ်။နင်ကလဲ ငါတို့သူငယ် ချင်းတွေ အေးအေးဆေးဆေးတွေ့ရမလားမှတ်တယ်။ တကတဲမှ ပဲ သူကအလုပ်အပ်နေပြီ။ ကဲ..ကဲ…နင်ရမယ့် Guideကြေးထဲက ငါ့ကို ဝေစုတစ်ဝက်ပေးရင်လာခဲ့ မယ်..”

“အေးပါ..ဘုန်းလက်ျာရယ်..နင်ကလဲတကယ်ပဲ ပြောမပြောချင်ဘူး။ မူးယစ်ကင်းစင်နေတဲ့ တို့ရဲ့ရွှေပြည်သစ်ကြီး အကြောင်း ကို ခေါင်းမော့ရင်ကော့ပြီး ပြောပြရတာ နိုင်ငံသား တစ်ယောက်အနေနဲ့ဘယ်လောက်ဂုဏ်ယူဖို့ ကောင်းလိုက်မလဲ။ ငါကနင့်ကို ဂုဏ်ဒြပ်တွေရစေချင်လို့ဟဲ့..သိရဲ့လား..” ………………………………..
မြန်မာနိုင်ငံမူးယစ်ဆေးဝါးဆန့်ကျင်ရေးဆောင်ရွက်မှုများကို ဘုန်းလက်ျာနှင့်မေသစ္စာတို့ရှင်းပြနေသည်။
 “Master ခင်ဗျား. ကျွန်တော်တို့နိုင်ငံမှာ အစိုးရ အဆက်ဆက် ကမူးယစ်ဆေးဝါးနဲ့ပတ်သက်လာရင် ဘယ်အစိုးရကမှ လျစ်လျူရှုမထားခဲ့ ပါဘူး။ ရှေးမြန်မာ မင်းများရဲ့ လက်ထက်ကလည်း ဥပဒေထုတ်ပြန်ပြီး တား မြစ်ခဲ့တယ်။ လွတ်လပ်ရေးရပြီးပြန်တော့လဲ အစွမ်း ရှိသမျှ ကာကွယ်တားဆီးမှုတွေလုပ်ခဲ့ကြပါတယ်။ ဒီဘက် ပိုင်း ကျတော့လည်း နိုင်ငံတော် ငြိမ်ဝပ်ပိပြားရေးအဖွဲ့ ဥပဒေအမှတ် ၁/၉၃အရ မူးယစ်ဆေးဝါးနှင့် စိတ် ကိုပြောင်း လဲ စေသော ဆေးဝါး များဥပဒေ ကိုပြဌာန်းခဲ့ပါတယ်။ အဲဒီဥပဒေရဲ့ရည်ရွယ်ချက်(၅)ချက်အနက်က လူသား မျိုးနွယ် ပျက်သုဉ်းစေမည့် မူးယစ်ဆေးဝါးနှင့်စိတ် ကိုပြောင်း လဲစေတတ်သော ဆေးဝါးများအန္တရာယ်ကို အမျိုးသားရေး တာဝန်တစ်ရပ်အနေနဲ့ ထမ်းဆောင်သွားဖို့ ဆိုတာပါတယ်..”

“အမျိုးသားရေးတာဝန်တစ်ရပ်ဆိုတာ ဘာလဲဟင်..”

“သြော်..ဒီလိုပါ။မူးယစ်ဆေးဝါးရဲ့ဆိုးဝါးလှတဲ့ အန္တရာယ် ကို ပြည်သူတစ်ရပ်လုံးက အမျိုးသားရေးအသိ၊ အမျိုးသားရေးသတိဖြင့် ကာကွယ်တားဆီးဖို့ရာ မှာ နိုင်ငံသား တစ်ယောက်ရဲ့ တာဝန်လို့ဆိုလိုတာပါ..”

“oh good “

“ကျွန်တော်တို့မြန်မာနိုင်ငံမှာ မူးယစ်ဆေးဝါးနဲ့ပတ်သက် လို့ ထုတ်လုပ်မှုပပျောက်အောင် တားဆီးနှိမ်နင်း ခဲ့ပါ တယ်။ ဒီကိစ္စမှာ တပ်မတော်၊ မြန်မာနိုင်ငံ ရဲတပ်ဖွဲ့နဲ့ အကောက်အခွန်တို့က အဓိကတာဝန် ယူဆောင်ရွက်ပါ တယ်။ ကျွန်တော်တို့ရဲတပ်ဖွဲ့အနေနဲ့ တိကျခိုင်မာတဲ့ စီမံချက်တွေရေးဆွဲပြီးမူးယစ်အထူးတပ်ဖွဲ့ဖွဲ့စည်းဆောင်  ရွက်ခဲ့တာမနည်းတော့ပါဘူး။ ရဲမင်းအောင်စစ်ဆင်ရေး၊ ဂုမ္မာန်စစ်ဆင်ရေး၊ နေမင်းအောင်စစ် ဆင်ရေး၊ တံခွန် တိုင် စစ်ဆင်ရေးစတဲ့ စစ်ဆင်ရေးတွေနဲ့ မူးယစ်ဆေးဝါး အန္တရာယ်ကို တားဆီးကာကွယ်ခဲ့ပါတယ်။

“oh…အတော်ကို အလေးထားလုပ်ဆောင်တာပါလား..”

“ဟုတ်ပါတယ်…မူးယစ်ဆေးဆိုတာကလဲ အများသိကြတဲ့ အတိုင်း လူသားအားလုံးရဲ့ရန်သူ၊ လူသား တွေရဲ့ စံနှုန်းတွေကို ပျက်ကြားအောင်ဖျက်ီးနေတဲ့ အဓိကလက်သည်ပါ။ဒီအဖျက်ရန်စွယ်ကို နှိမ်နင်းတားဆီးဖို့ ဆိုရာမှာ မျက်နှာစာအသီးသီးကချဉ်းကပ်နိုင်ဖို့လိုပါတယ်။   ရေရှည် လုပ်ငန်းဖြစ်လို့ အချိန်အား ငွေအားစိုက်ပြီး အားထုတ်ပြီး လုပ်ဆောင်သွားရမှာလည်းဖြစ်ပါတယ်။ ကျွန်တော်တို့နိုင်ငံကတော့ မူးယစ်ဆေးဝါးတိုက်ဖျက်ရေး နဲ့ပတ်သက်ပြီးသူတစ်ပါးအကူအညီရသည်ဖြစ်စေ မရ သည်ဖြစ်စေ မမှိတ်မသုန်ဆောင်ရွက်သွားမှာပါ။ ကျွန် တော်တို့ရည်မှန်းတာက ခရစ်နှစ် ၂၀၁၅မှာဘိန်း လုံးဝပပျောက်ရမယ်။ဒီရည်မှန်းချက်ပေါက်မြောက်အောင် အားသွန်ခွန်စိုက်ကြိုးပမ်းဆောင် ရွက်သွား မယ်ဆိုတာ ရဲရဲကြီးပြောရဲပါတယ်..”

“ဟုတ်ပါတယ်ရှင်…ကျွန်မတို့မြန်မာနိုင်ငံမူးယစ်ဆေးဝါးတိုက်ဖျက်ရေးကို ဘယ်လောက်များအလေးအ နက်ထားပြီးဆောင်ရွက်နေ တယ်ဆိုတာ Masterကိုသက်သေပြစရာရှိတယ်…”

“သက်သေပြမယ်…ဘာနဲ့သက်သေပြမှာလဲ …Miss”

“မူးယစ်ဆေးဝါးပပျောက်ရေးအထိမ်းအမှတ်ပြတိုက်ကြီးနဲ့လေ…”

“oh..wonderful…”

………………………………………………….

မေသစ္စာနှင့်ဘုန်းလက်ျာတို့သည် နိုင်ငံခြာသားဧည့်သည်များကို မူးယစ်ပြတိုက်သို့ လိုက်ပို့ကြလေ သည်။ထိပ်ထားက ဦးဆောင်ကာ မူးယစ်ပြတိုက် အကြောင်းကို ရှင်း လင်းပြောပြနေ သည်။

“ဒီမူးယစ်ပြတိုက်ကြီးဟာ ကျွန်မတို့မြန်မာနိုင်ငံမှာ မူးယစ်ဆေးဝါးကင်းစင်တယ်ဆိုတဲ့ အထိမ်းအမှတ် ပါ။ ပြတိုက်ဖွင့်လှစ်ရခြင်းရဲ့ရည်ရွယ်ချက်ကလာရောက်လေ့လာတဲ့သူအားလုံးကို မူးယစ်ဆေးဝါး၏ ကြောက် မက်ဖွယ် အန္တရာယ်ကြီးမား ပုံနဲ့ ဆက်နွယ်ပေါ်ပေါက်နိုင်သောဆိုးကျိုးခံစားရပုံတို့ကို သိရှိပြီး သင်ခန်းစာယူရှောင် ရှားနိုင်ဖို့ပဲဖြစ်ပါတယ်..”

“Yes good…နိုင်ငံတိုင်းမှာ ဒီလိုမျိုးရှိသင့်တယ်…”

“ရှိသင့်တာတော့ဟုတ်ပါပြီ။ ဒါမျိုးက တမင်ဖန်တီးယူလို့ မရဘူးလေ။ ရင်ထဲမှာ တကယ်ခံယူချက်ရှိမှ ဖြစ်နိုင် တာမျိုးပါ။ မူးယစ်ဆေးဝါးရဲ့ဆိုးကျိုးကိုသိရုံသာသိပြီး ကင်းစင်အောင် မဆောင်ရွက်နိုင်ဘဲနဲ့ ဒီလိုပြတိုက် မျိုးရှိသင့်ပါ့မလား..မစ္စတာ။ ကျွန်မတို့ ရဲ့ ပြတိုက်ကြီး ကမူးယစ်ဆေးဝါးရဲ့ ဆိုးကျိုးတွေကို မြန်မာတွေရဲ့ သဘော ထားအမြင်နဲ့ ထင်ဟပ်ပြတဲ့အထိမ်းအမှတ် လည်းဖြစ်တယ်။ နောက်ပြီး ခေတ်အဆက်ဆက် မူးယစ်ဆေးဝါးပ ပျောက်အောင်ကြိုးပမ်းခဲ့တဲ့သမိုင်းမှတ် တိုင်ကြီးလည်းဖြစ်ပါတယ်။ ပြီးတော့…မြန်မာတို့ ရဲ့နှလုံးသားပြတိုက်ဆို လည်းဟုတ်ပါတယ်..”

“အိုး…နှလုံးသားပြတိုက်..ဟုတ်လား။ သိပ်ထိမိတဲ့ တင်စားချက်ကလေးပဲ။ တို့တစ်ခန်းချင်းလိုက်ကြည့် ချင်တယ်။Youလိုက်ပြပေးနော်..”

နိုင်ငံခြားသား ဧည့်သည်များသည် မူးယစ်ပြတိုက် အတွင်းရှိပြ ကွက်များကို စိတ်ပါဝင်စားစွာ လိုက်လံ ကြည့်ရှုနေကြသည်။ Master Battadကလွှတ် ကနဲ ဝေဖန်လိုက်သည်။

“စိတ်ကူးလေးကမဆိူးပါဘူး။ဒါမျိုးတွေက ဖန်တီးယူလို့ရ တာပဲမဟုတ်လား။ ဒီလိုဝေဖန်လို့စိတ်မဆိုးနဲ့ နော်..”

စိတ်ဆိုးချင်စရာဖြစ်သော်လည်း သဘော ထားပြည့် ၀သောအိမ်ရှင်ပီပီ ထိပ်ထားက အပြုံးမပျက် ဆက် လက်ရှင်းပြသည်။

“စိတ်မဆိုးပါဘူးရှင်၊ တကယ်တော့ ဒါတွေဟာ စိတ်ကူးကောင်းကောင်းနဲ့လုပ်ကြံဖန်တီးပြထားတာ မဟုတ်ပါဘူး။ ကျွန်မတို့နိုင်ငံမှာ အေးချမ်းသာယာ လာတာနဲ့အမျှ ဖွံ့ဖြိုးရေးလုပ်ငန်းတွေကို နိုင်ငံနှင့်အ၀ှမ်း တပြေးညီဖြစ်ထွန်းအောင် ကြိုးပမ်းခဲ့ပါတယ်။ တစ်ဖက် ကလည်း ကမ္ဘာ့လူသားတစ်ရပ်လုံး အားခြိမ်းခြောက်နေ တဲ့ မူးယစ်ဆေးဝါးနဲ့ စိတ်ကိုပြောင်းလဲစေ တဲ့ ဆေးဝါး အန္တရာယ်မှ ကင်းဝေးစေရန် ကြိုးပမ်းမှုကိုလည်း တစ်ပြိုင် တည်းဆောင်ရွက်ခဲ့ကြပါတယ်။ တကယ်တော့ ဒီ မူးယစ်ဆေး ၀ါးဆိုတာ မြန်မာ့မြေက စခဲ့တာ မဟုတ်ပါဘူး။ ဘိန်းဆိုတာ မြန်မာ့မြေရောက်အောင်တိုင်းတစ်ပါး သားတွေက သယ်လာတာပါ။ ဖွံ့ဖြိုးမှုနည်းပါးတဲ့ တိုင်းရင်း သားတွေဟာ စားဝတ်နေရေးအရရော အကြောက်တရားအရပါ ဘိန်းစိုက်ပေးရတာ အမြစ် တွယ်လာခဲ့တာ ထင်ရှားတဲ့သက်သေအထောက် အထားတွေရှိပါတယ်။ အခုတော့ ဒီမူးယစ်ဆေးဝါးရဲ့ အန္တရာယ်ကြီးမားပုံတွေကိုလည်း တိုင်းရင်းသားပြည်သူ တစ်ရပ်လုံးသိအောင်နိုင်ငံတော်က ကြိုးပမ်းဆောင် ရွက်နေသလိုပဲ ဖွံ့ဖြိုးတိုးတက် မှုနောက်ကျခဲ့ တဲ့နယ်စပ်ဒေသတွေ ဖွံ့ဖြိုးတိုးတက်လာအောင် ၊ နယ်စပ်ဒေသတိုင်းရင်းသားပြည်သူတွေရဲ့ဘ၀ တိုး တက်မြင့်မားလာအောင် မြှင့်တင်ပေးနေပါတယ်။ အခုဆိုရင် ဘိန်းအစားထိုးသီးနှံများစိုက်ပျိုးလာနိုင်ခြင်းဖြင့် မူးယစ်ကင်းစင်ထူးသစ်လွင်တဲ့ နိုင်ငံတော်ကြီးအဖြစ် ကမ္ဘာ့အလယ်မှာ ၀င့်ထယ်နိုင်ခဲ့ပါပြီ။ ဒီပြတိုက်ကြီးဟာ လည်း မြန်မာပြည်သူတစ်ရပ်လုံးရဲ့ မူးယစ် ဆန့်ကျင်ရေး သမိုင်းသက်သေတစ်ခုပါဘဲ..”

“နယ်စပ်ဒေသတွေမှာ ဘိန်းမစိုက်တော့ဘူးပေါ့နော်..”

“မစိုက်တော့ပါဘူး။ဘိန်းအစားထိုးသီးနှံတွေစိုက်ပျိုးပြီးတော့ ဖွံ့ဖြိုးတိုးတက်နေပါပြီ..”

“ဒီနေရာတွေကိုရော သွားလေ့လာလို့ရမလား…”

“လှိုက်လှဲစွာဖိတ်ခေါ်ပါတယ်…Master…”

………………………………………………………

ရဟတ်ယာဉ်ပေါ်မှ မြင်တွေ့နေရသော ရှမ်းရိုးမ၏ မညီညာ မပြေပြစ်သောတောင်ကုန်းတောင် တန်းချိုင့် ၀ှမ်းလွင်ပြင်မြစ်စဉ်မြစ်ချောင်းအသွယ်သွယ်တို့ကို ငေးမော ရင်းအားလုံး၏ရင်တွင်းတွင်အတွေးကိုယ်စီ ဖြန့်ကျက်နေ ကြလေသည်။ ဘုန်းလက်ျာမှအပ ကျန်သည့် သူများသည် ပတ်ဝန်းကျင်သစ်၏အလှအပများကို စိတ်ပါဝင်စား စွာကြည့်မ၀ရှုမ၀နိုင်အောင် ညှို့ငင်စွဲဆောင်နေလေတော့ သည်။

ဘုန်းလက်ျာကတော့မူ ဒီဒေသနှင့်မစိမ်းလှပေ။ မူးယစ် ဗဟို တွင် တာဝန်ယူစဉ်ကတည်းက ရှမ်းတောင်တန်း တွင် ဆန့်ထွင်ခဲ့ရသော သူ၏ခရီးစဉ်ကား မိုင်ပေါင်းထောင်သောင်းမကပြီ။ ဝေဟင်ခရီးသာမက မြေပြင်ခရီး ထို့နောက်ခြေလျင်ခရီးကလည်း မရေတွက်နိုင် ၊ယခုခရီး စဉ်တွင်လည်း မြန်မာနိုင်ငံအတွင်းတွင် မူးယစ်ဆေးဝါး ထုတ်လုပ်၊သယ်ဆောင် ရောင်းဝယ်ဖောက်ကားခြင်းမရှိတော့ဘဲ ဘိန်းအစားထိုးသီးနှံများ စိုက်ပျိုးကာ ဘိန်းပ ပျောက်ရေး အတွက် တစ်နိုင်ငံလုံး ကြိုးပမ်းဆောင်ရွက်နေကြောင်း က နိုင်ငံခြားသားခရီးသွားဧည့်သည်များသိရ လေအောင် လိုက်လံပြသပေးရသဖြင့် စိတ်အားတက်ကြွနေသည်။

တစ်ချိန်က ဘိန်းမှိုင်းနှင့်ယမ်းငွေ့ဝေနေသော ထိုဒေသ သည် အဘက်ဘက်က ဖွံ့ဖြိုးတိုးတက်မှုနောက် ကျခဲ့ပေ သည်။ မဖွံ့ဖြိုးသည့်အထဲ ဆက်သွယ်ရေးခက်ခဲမှုကြောင့် လူမျိုး စီးပွားတို့ ချွတ်ခြုံကျခဲ့ရသည်။ ယခုမူ နိုင်ငံတော် ၏ကြီးမားသောအမြင်၊ ပေါ်လွင်သောစေတနာ အရပ်ရပ် တို့ကြောင့် တစတစတိုးတက်ဝေစည်နေပေ ပြီ။ ဧည့်သည်ကို ခင်မင်တတ်ပြီး ဖော်ရွှေလှိုက်လှဲပျူငှာမှုကား ထိုဒေသရှိပြည်သူတို့၏ ရိုးရာအစဉ်အလာပင်။ ကြိုတင်အကြောင်းကြားထားသဖြင့် ဘုန်းလက်ျာတို့ အဖွဲ့ကို ရွာသူကြီးဦးအိုက်နော်က အစဉ်သင့်စောင့်ကြိုနေ သည်။

“ဟာ..ဆရာ..ကြွပါခင်ဗျာ…ဆရာလာမယ်ဆိုလို့ ကျွန်တော်တို့အားလုံးဝမ်းသာနေကြတာ..”

“အော်..ဟုတ်လား။ကျွန်တော့်ကိုခင်မင်နွေးထွေးစွာနဲ့ ကြိုတဲ့အတွက် အထူးပဲကျေးဇူးတင်ပါတယ် ခင်ဗျာ..။ဟောဒီ က နိုင်ငံခြားသားဧည့်သည်တွေက ပန်းဂျုံစိုက်တာကို လေ့လာချင်တယ်ဆိုလို့ ကျွန်တော်တို့ သူငယ်ချင်းတစ်သိုက်လိုက်ပို့တာပါ..”

“အော်….ဒါအတွက်လား၊ကျွန်တော်တို့တစ်တွေရဲ့ဆောင်ရွက်ချက်ကို တကူးတကလေ့လာဖို့လာတာပဲ ဗျာ။ လှိုက်လှိုက်လှဲ လှဲကြိုဆိုပါတယ်။ကဲ..ပြော ကျွန်တော်တို့ ဘာကူညီရ မလဲ..”

ဦးအိုက်နော်က ၀မ်းပမ်းတသာကြိုဆို မှုကြောင့် မေသစ္စာက ၀င်ပြောလိုက်သည်။

“သိပ်တော့အထွေအထူးမဟုတ်ပါဘူးရှင်…ဟောဒီကဧည့်သည်တွေကို ဘိန်းအစားထိုးသီးနှံဘာ ကြောင့်စိုက်တယ်ဆိုတာကိုပဲ ရှင်းပြပေးပါနော်..”

“သြော်..ဒါနဲ့မိတ်ဆက်ပေးရဦးမယ်။သူကတော့ မေသစ္စာ တဲ့ ဧည့်လမ်းညွှန်ပါ။ သူကတော့ ဒုရဲအုပ် ထိပ်ထားပါ။ သူတို့ကတော့ နိုင်ငံခြားသားဧည့်သည်တွေပါခင်ဗျာ..”

“ဟုတ်ကဲ့..တွေ့ရတာ ၀မ်းသာပါတယ်။ လိုအပ်တာကိုပြောပါ. ကျွန်တော်တို့ကူညီပါ့မယ်ခင်ဗျာ..”

“သိပ်တော့ ထွေထွေထူးထူးမရှိပါဘူးရှင်..။ဧည့်သည်တွေ ကိုသာ ဘိန်းအစားထိုးသီးနှံဘာကြောင့်စိုက်ခဲ့ ရသလဲ ဆိုတာ ရှင်းပြပေးပါနော်..”

“အော်..ဟုတ်ကဲ့ခင်ဗျ။ မူးယစ်ဆေးဝါး ချုပ်ငြိမ်း ပပျောက်ရေး အတွက် ကျွန်တော်တို့နယ်စပ်တွေ မှာ နိုင်ငံ တော်က ဘိန်းအစားထိုး သီးနှံတွေ စိုက်ပျိုးနိုင်အောင် လမ်းညွှန်ကူညီပေးခဲ့ပါ တယ်။မူးယစ်ဆေးဝါးရဲ့သံသရာ လည်ပုံကိုကြည့်ရင် စိုက်ပျိုးသူရှိလို့ ထုတ်လုပ်သူရှိတာပါ။ထုတ်လုပ်သူရှိတော့ သိုလှောင်မယ်။ သယ်ဆောင် မယ်။ရောင်းဝယ်ဖောက် ကားမယ်။အဲ..၀ယ်လို့ရပြီဆိုတော့လည်း သုံးစွဲသူက ရှိလာပြီပေါ့။တကယ်လို့သာစိုက်ပျိုး သူမရှိရင် ဒီသံသရာ ဟာ လည်စရာမရှိတော့ဘူးပေါ့ဗျာ..။တကယ်တော့ အရင်ကလည်းဘိန်းစိုက်ချင်လို့စိုက်ခဲ့ကြ တာမဟုတ်ပါ ဘူး။ ၀မ်းရေးအတွက် ထွက်ပေါက်အနေနဲ့ သာစိုက်ခဲ့ကြ တာပါ။အခြေအနေအရပ်ရပ်နဲ့အခက်အခဲမျိုးစုံတွေကြောင့်  ဘိန်းကို မစိုက်ချင်ဘဲစိုက်ခဲ့ကြရတာပါလေ။ အခုတော့… ဘိန်းအစားထိုးသီးနှံ၊ဘိန်းအစားထိုး မွေးမြူရေးတဲ့။ နိုင် ငံတော်က အားပေးကူညီလာပြီလေ။ ပြီးတော့လဲ အဘက်ဘက်က  ခေတ်နောက် ကျခဲ့တဲ့ ကျွန်တော်တို့ ဒေသရဲ့ဖွံ့ဖြိုးတိုးတက်ရေးအတွက်လဲ ငွေကုန်ကြေး ကျမြောက်မြားစွာစိုက်ထုန်အကုန်အကျခံပြီး ဆောင်ရွက်ပေးခဲ့တယ်။ ခု…ကျွန်တော်တို့စိုက်ထားတာ ပန်းဂျုံပေါ့။ နိုင်ငံတော်က မျိုးစေ့ပေးတယ်။ ဈေးကွက်  ရောက်အောင် ဈေးကောင်း ရအောင်ဖန်တီးပေးတယ်။ကျွန်တော်တို့ဘိန်းမစိုက် ကြတော့ဘူး။ ပန်းဂျုံပဲ စိုက်ကြ တော့တယ်….။

ဦးအိုက်နော်၏ရှင်းလင်းတင်ပြချက်ကို နိုင်ငံခြားသားဧည့်သည်များစိတ်ဝင်စားစွာနားထောင်ကြသည်။ Master Battadက ကြားဖြတ်မေးခွန်းမေးလိုက်သည်။

“ဘိန်းမစိုက်ပဲ ပန်းဂျုံစိုက်တော့ ဘာများထူးသလဲ။ စီးပွားရေးကော ဘယ်လိုနေလဲ..”

“သိပ်ကောင်းတာပေါ့ဗျာ..။ တစ်ဘက်ကလဲ တစ်နိုင် တစ်ပိုင်မွေးမြူရေးရှိနေတော့ ဟန်ကျပန်ကျနေနိုင် ပြီပေါ့…”

“ဘိန်းကောစိုက်ဦးမှာလား..”

“ဘယ်စိုက်မှာလဲဗျာ…ဘိန်းစိုက်တာထက်ပိုပြီး စီးပွားရေးကောင်းနေမှတော့ လူသားအညွန့်တုံးမဲ့ ဘိန်း ကိုတော့ ကျွန်တော်တို့လုံးဝမစဉ်းစားတော့ပါဘူး..”

“ဟုတ်ပါတယ်ရှင်…ကျွန်မတို့နိုင်ငံမှာ ဘိန်းပပျောက်ရေး အတွက် အဘက်ဘက်က ဆောင်ရွက်နေပါတယ် ။ဒေသ ခံပြည်သူတွေလက်တွဲပါဝင်ဆောင်ရွက်နေတာလဲ Masterတို့အမြင်ပါဘဲ။ ကျွန်မတို့ရဲ့ရည်မှန်းချက် ကတော့ ခရစ်နှစ် ၂၀၁၅မှာ မြန်မာ့မြေပေါ်မှာ မူးယစ်ဆေး ၀ါးပျောက် ကွယ်ရေးပဲဖြစ်ပါတယ်။

Master Battadက ခေါင်းတငြိမ့်ငြိမ့်လုပ်နေသည်။

……………………..

နောက်သုံးလခန့်အကြာတွင်ဖြစ်သည်။ နိုင်ငံခြားသားဧည့် သည်တစ်ဦးအကြုံနှင့်ယူဆောင်လာသော စာ တစ်စောင်နှင့်စာနယ်ဇင်းစာအုပ်တစ် ထုတ်ကြီး ကို မေသစ္စာလက်ခံရလိုက်သည်။ Master Battadက ပို့ပေးလိုက်ခြင်းဖြစ်သည်။

Miss May

တစ်ခုသောခရီးစဉ်မှာ အတူသွားခံဘူးတဲ့ Master Battadပါ။ ကျွန်တော်ဟာ Journelist တစ် ယောက် ပါ။ကိုယ့်ဇာတိမြန်မာပြည်ဟာ မူးယစ်ဆေးဝါးနဲ့ပတ် သက်ပြီး ကမ္ဘာမှာ နာမည်ကြီးနေတာကို ဘ၀င်မကျ နိုင် ခဲ့ပါဘူး။ ဒါပေမယ့် ကျွန်တော့်တာဝန် အရ မြန်မာနိုင်ငံ နဲ့မူးယစ်ဆေးဝါးအနေအထားကို ပြုစုရေးသားဖို့ မြန်မာ နိုင်ငံကိုလာခဲ့တာပါ။ ကျွန်တော်တို့ခရီးစဉ် တစ်လျှောက် မှာ Miss Mayတို့ သူငယ်ချင်းတို့ ကူညီခဲ့တဲ့အတွက် ကျွန်တော်အထူးကျေးဇူးတင်ပါတယ်။

ဒါပေမယ့် အဲဒီခရီးစဉ်မှာရရှိခဲ့တဲ့ သတင်းအချက် အလက်တွေပေါ်မှာ ကျွန်တော်ဘ၀င်မကျခဲ့ဘူးဆိုတာ ၀န်ခံပါရစေ။ အဲဒါကြောင့် ကျွန်တော်တစ်ယောက်တည်း တစ်ခေါက်ပြန်လာခဲ့တယ်. မူးယစ်ဆေးဝါးနဲ့ ပတ်သက် ပြီး Meida ပေါင်းစုံမှာ ဖော်ပြလေ့ရှိ တဲ့ နေရာပေါင်းစုံ အကြောင်းအချက်ပေါင်းစုံတို့ကို ထပ်မံလေ့လာဖြစ်တယ်။

နောက်ဆုံးကောက်ချက်ဆွဲလိုက်ရင် Miss May တို့ လိုက်ပို့တဲ့ခရီးစဉ်မှာ ရရှိခဲ့တဲ့ အချက်အလက်တွေ ရယ် ကျွန်တော်တစ်ယောက်ထဲသွားခဲ့တဲ့ ခရီးစဉ်မှာ ရရှိခဲ့တဲ့အချက်အလက်တွေရယ် တစ်ထပ်တည်းဖြစ်နေ တာတွေ့ရပါတယ်။ ဆိုလိုတာက ကျွန်တော်ဘ၀င်မကျခဲ့ တာမှားနေတယ်လို့ပါ…။

တကယ်တော့ မြန်မာနိုင်ငံဟာ ဘယ်နိုင်ငံနဲ့မှမတူဘဲ မူးယစ်ဆေးဝါးဆန့်ကျင်ရေးကို အမျိုးသားရေး တာဝန် တစ်ရပ် အဖြစ်ဆောင်ရွက်နေတာ၊ တစ်ခြားနိုင်ငံတွေရဲ့ အကူအညီရသည်ဖြစ်စေ၊ မရသည်ဖြစ်စေ၊ မဆုတ် မနစ်ဆောင်ရွက်သွားမှာ ၂၀၁၅ခုနှစ်အတွင်းမှာ မူးယစ်ဆေးဝါးပပျောက်ရေးရည်မှန်းချက်ထားတာတွေ ဟာ ငြင်းပယ်မရတဲ့ သစ္စာတရားတွေဆိုတာ ကျွန်တော်ပြတ်ပြတ်ထင်ထင်တွေ့ခဲ့ရပါတယ်။

ကျွန်တော်တွေ့ရှိသလို ကမ္ဘာပြည်သူတွေသိစေဖို့“ အားသစ်ဝေယှက် တွဲလက်ခိုင်ကျည် ရွှေပြည်တော် သစ် မူးယစ်ကင်းစင်..”ဆိုတဲ့ခေါင်းစဉ်နဲ့ ခရီးသွားဆောင်း ပါးတွေရေးဖြစ်ပါတယ်။သတင်းဓာတ်ပုံဆောင်းပါးစာ အုပ်တွေလဲရေးဖြစ်ပါတယ်။

အခု..ကျွန်တော့်စာအုပ်တွေကို လက်ဆောင် အဖြစ်ပေး လိုက် ပါတယ်။ ကျွန်တော့်လက်ဆောင်တွေဟာ မပြောပလောက်ပေမယ့် တိုင်းတစ်ပါးရောက် မြန်မာ့ ဇာတိဖွားကလောင်သမားတစ်ယောက်ရဲ့ မူးယစ်ဆေးဝါး ဆန့်ကျင်မှုတစ်ခုအနေနဲ့ မှတ်ယူနိုင်ပါစေ…။

                                      ခင်မင်ရင်းနှီးမှုဖြင်….

                                       Master Battad

ခင်လယ်လယ်ချစ်(မြန်/ဂုဏ်)
 ဇွန်လ(၂၆)ရက်နေ့တွင် ကျရောက်မည့် အပြည်ပြည်ဆိုင် ရာ မူးယစ်ဆေးဝါးအလွဲသုံးမှု တိုက်ဖျက်ရေးနေ့ ကို ဂုဏ် ပြုကြိုဆို...

…………………………………