မြန်မာလွပ်လပ်ရေးဇာတာ

၁၉၄ရ-ခုနှစ်ဦးလောက်ကဖြစ်သည်။

ပြန်ကြားရေးဝန်ကြီး ဒီးဒုန်ဦးဘချိုသည် ပျဉ်းမနားဆရာဦးသန်းမောင်နှင့် တပည့်ရင်းဖြစ်သူ ဆရာမောက် တို့ကို ခေါ်၍ လွပ်လပ်ရေးအခါဖာတာတွက်ရန် တာဝန်ပေးခဲ့သည်။ ဆရာမောက်က ပညာရှင်များစုဖွဲ့၍ တွက်ချက်လျှင်မကောင်းပေးဘူးလားဟု စောဒကတက်သေးသည်။ ဦးဘချိုက ဆရာများလျှင် စကားများ နိုင်တယ်၊ သူ့ရက်ကောင်းတယ် ငါ့ရက်ကောင်းတယ်နှင့် ငြင်းခုန်နေသဖြင့် အဆုံးသတ်နိ်ုင်မည်မဟုတ်။ ဦးသန်းမောင်တစ်ယောက်တည်းသာတွက်ချက်ပါ။ မျှော်မှန်းတဲ့ရက်ကတော့ ၁၉၄၈ခုဇန်န၀ါရီလ လယ်အတွင်းပေါ့။ အဲဒီလောက်မှာ ရက်ကောင်းတစ်ရက်ကို ရွေးထားပါဟု တိတ်ိကျကျ တာဝန်ပေးခဲ့သည်။ ထိုလုပ်ငန်းသည် ဗိုလ်ချုပ်အောင်ဆန်းနှင့်အတူ ဒီးဒုတ်ဦးဘချိုကျဆုံးခဲ့သဖြင့် ခေတ္တရပ် ဆိုင်းသွားခဲ့သည်။

နု-အက်တလီစာချုပ် ချုပ်ဆိုရန် ၀န်ကြီးချုပ်ဦးနု ဘိလပ်မသွားမီ လွပ်လပ်ရေးအခါရက် လိုအပ်လာသည်။ ပြန်ကြားရေးဝန်ကြီးသစ် သခင်လွန်းဘော်က ဆရာမောက်မှတစ်ဆင့် ရမည်းသင်းနေဆရာ ဦးသန်းမောင် ထံတောင်းခံလာသည်။ ဆရာမောက်ထံမှ စာရသည်မှာ အောက်တိုဘာလ(၉) ရက် ကြာသပတေးနေရဖြစ် သည်။ ဆရာဦးသန်းမောင်သည် မင်္ဂလာအခါကို နေ့ (၁)နာရီမှစတင်တွက်ချက်ရာ ည(၂)နာရီကျော်မှပြီးစီး သည်။ (၁၀)ရက် သောကြာနေ့တွင် မှတ်ပုံတင်စာဖြင့်ဆရာမောက် ထံပေးပို့ ခဲ့သည်။ ထိုအခါဇာတာသည် စနေနေ့တွင်သာစာဝေခဲ့ပါမူ ဆရာမောက်ထံမှတစ်ဆင့် သခင်လွန်းဘော်ထံရောက်သွားသည်။ သခင်လွန်း ဘော်ထံမှတစ်ဆင့် (၁၂)ရက် တနင်္ဂနွေနေ့တွင်ဘိလပ်သို့သွားရောက်မည့် ၀န်ကြီးချုပ်ဦးနုထံထိုနေ့ အတွင်း အချိန်မီရောက်သွားနိုင်မည်ဖြစ်သည်။ သို့သော်အရေးကြီးသောအခါ ဇာတာသည် တနလာင်္နေ့ ကျမှ သာ သခင် လွန်းဘော်ထံရောက်သွားခဲ့၍ ဘိလပ်သွား ဦးနုနှင့်လွဲချော်ခဲ့ရသည်။

သို့သော်များမကြာမီရန်ကုန်မြို့ မဟာမြိုင်ကျောင်းတွင် လွပ်လပ်ရေးမင်္ဂလာအခါနှင့် ပတ်သက်သော ဆွေးနွေးပွဲတစ်ခုကို အခါပေးပညာရှိများအား ဖိတ်ခေါ်၍ ပြုလုပ်စေခဲ့သည်။ ထိုဆွေးနွေးပွဲသို့ ပြန်ကြား ရေးဌာန ၀န်ကြီး သခင်လွန်းဘော်၊ စက်မှုလက်မှုနှင့် အလုပ်သမားဌာန၀န်ကြီး ဟင်္သာတဦးမြ၊ ဦးနု၏ အပါး တော်မြဲ ဗိုလ်သိန်းဆွေ၊ ဖဆပလ အထွေထွေအတွင်းရေးမှူး ဦးဗဆွေတို့နှင့်အတူ ပညာရှင်များနေဖြင့် မဟာမြိုင်ဆရာတော်၊ သခင်ကိုယ်တော်မိူင်း၊ ပုဏ္ဏားဦးလှမောင်၊ ဆရာတော်ဦးတေဇောသာရ၊ ပျဉ်းမနား ဆရာနှင့်ဆရာမောက် တို့တက်ရောက်ကြရသည်။ တက်ရောက်လာသောပညာရှင်များက မိမိတို့သန်ရာ သန်ရာ အခါဂြိုဟ်ခွင်များကို တင်ပြကြရာတွင်-

ဇန်န၀ါရီလ(၁)ရက်နေ့ဂြိုဟ်ခွင်ကို မဟာမြိုင်ဆရာတော်၊ သခင်ကိုယ်တော်မှိုင်း၊ ပုဏ္ဏားဦးလှမောင်၊

ဇန်န၀ါရီလ (၆)ရက်နေ့ဂြိုဟ်ခွင်ကို ဆရာတော်ဦးတေဇောသာရ

ဇန်န၀ါရီလ(၁၅)ရက်နေ့ဂြိုဟ်ခွင်ကို ပျဉ်းမနားဆရာဦးသန်းမောင် တို့က တင်ပြကြသည်။

တင်ပြသည့်ရက်များမှာ ကိုယ့်အမြင်အရကောင်းသည်ထင်သော်လည်း အခြားပညာရှင်များ၏ အယူအဆ အရ ဘ၀င်မကျသည်များပါရှိသည်။ အခြေအတင် အငြင်းအခုန်များရှိလာသဖြင့် (၁) (၆) (၁၅) ရက်တို့ အစားအခြားရက် တစ်ရက်ရက်ကို ရွေးချယ်ရန်၊ ရွေးချယ်ရာတွင်လည်း ဒီးဒုတ်ဦးဘချိုလမ်းညွှန်သွား သကဲ့သို့ တိုင်းပြည်အတွက် တကယ့်စေတနာကောင်းနှင့် အခါကောင်းကိုရွေးချယ်ရန် ပျဉ်းမနားဆရာ ဦးသန်းမောင် က ဆွေးနွေးခဲ့ရာ အားလုံးသဘောတူညီပြီးလက်ခံကြသည်။ 

အခါတော်ရက်ရွေးသည့် လုပ်ငန်းကိုဆောင်ရွက်ရန်အတွက် အချိန်သိပ်မရပေ။ ထိုနေ့မွန်းလွဲ(၃)နာရီ အတွင်း အပြီး ရွေးရမည်။ ရွေးပြီးရက်ကို ၀န်ကြီးအဖွဲ့က ဆွေးနွေးအတည်ပြုပြီး ဘုရင်ခံထံ တင်ပြရမည်။ ဘုရင်ခံဆာဟူးဘတ်ရန့်စ်က ညနေ(၅)နာရီတွင် ဘိလပ်သို့ ကြေးနန်းဖြင့် ချက်ခြင်းပို့ရမည်။ သို့ရာတွင် ပညာရှင်များခေါင်းချင်းဆိုင်၍ ဦးလှမောင်နှင့် ဆရာမောက်တို့တွက်ချက်သော (၅)ရက် တနင်္လာနေ့နှင့် (၈)ရက် ကြာသပတေးနေ့တို့ကို ညနေ (၂)နာရီ (၄၅)မိနစ်ခန့်တွင် သဘောတူညီစွာရရှိခဲ့သည်။ ထိုစဉ်တွင် ဦးတေဇောသာရက (၆)ရက်နေ့ကို လုံးလုံးမပြင်နိုင်ကြောင်းကန့်ကွက်လာသည့်အတွက် (၅)ရက်နေ့ကို ပယ်ဖျက်ပြီး (၆)ရက်နေ့ကို အစားထိုးထည့်ပေးလိုက်ရသည်။ 

ဆွေးနွေးပွဲအပြီးအပြန်တွင် ဦးသန်းမောင်က ဦးဗဆွေအနားကပ်ကာ (၆)ရက်နှင့် (၈)ရက်တွင် (၆)ရက်နေ့က အပြစ်အနာအဆာရှိ၍ (၈)ရက်နေ့ကိုရွေးချယ်သင့်ကြောင်း သတိပေးလိုက်သေးသည်။ သို့သော် နောက်နေ့ထုတ်သတင်းစာများတွင် ၁၉၄၈ခုနှစ် ဇန်န၀ါရီလ(၆)ရက်၊ အင်္ဂါနေ့ နံနက် ၁၁နာရီ ၅၆မိနစ်တွင် လွတ်လပ်ရေးကြေညာမည်ဖြစ်ကြောင်း ပါရှိလာခဲ့သည်။ 

သို့ဖြစ်ရာ ပျဉ်းမနားဦးသန်းမောင်က ဘာကြောင့် (၈)ရက်နေ့မဖြစ်ရသလဲဟု ဦးလွန်းဘော်ကို မေးကြည့်ရာ ဗေဒင်အကျိုးအပြစ်ကိုတော့မသိပါ၊ မြန်မြန်လွတ်လပ်ချင်လို့ (၆)ရက်နေ့ရွေးကြောင်း၊ ရက်ကတော့ ပြင်လို့ မဖြစ်ပါ။ အချိန်ကို ပြင်ချင်လျှင်ပြင်နိုင်ပါသည်ဟု ပြောပါသည်။ ထိုအခါ ဦးသန်းမောင်က နေ့ မကောင်းဖြစ်၍ အချိန်ပြင်သော်လည်းအကြောင်းထူးမည်မဟုတ်ကြောင်း စောဒကတက်ရာ ပြန်တွက်၍ တင်ပြရန်တာဝန်ပေးပြန်သည်။ ထို့ကြောင့် ဒိုက်ဦးမှရောက်နေသော လျှစ်စစ်ဗေဒင် ဦးအုန်းသင်နှင့် ဦးသန်းမောင်တို့ တွက်ချက်ရသည်။ ထိုသို့ တွက်ချက်၍ ရသည့် (၁၅)ရက်နေ့ကို ဦးအုန်းသင် လက်ရေးနှင့် ပင်တင်ပြခဲ့ရာ နောက်နေ့ သတင်းစာများတွင် လွတ်လပ်ရေးကို (၆)ရက်နေ့တွင် ကြေငြာပြီး (၁၅)ရက်နေ့တွင် ၀န်ကြီးများ ကျမ်းသစ္စာ ကျိန်ဆိုကြမည်ဟု ပါလာခဲ့သည်။ 

(၆)ရက်နေ့ ဂြိုဟ်ခွင်နှင့် ပတ်သက်၍ ဝေဖန်သောဆောင်ပါးများသတင်းစာတွင် အဆက်အပြတ်ပါလာရာ လွတ်လပ်ရေးအခါနှင့် ပတ်သက်သောဆောင်းပါးများသတင်းစာတွင် မထည့်ရဟု ၀န်ကြီးချုပ်က ပိတ်ယူရသည်အထိဖြစ်လာခဲ့သည်။

သို့သော် များမကြာမီမှာပင် ဇန်န၀ါရီလ (၄)ရက် တနင်္ဂနွေနေ့ နံနက် ၄နာရီ ၂၀မိနစ်တွင် လွတ်လပ်ရေး ကြေညာမည်ဟု ပါလာခဲ့သည်။ ဘုန်းကြီးတစ်ပါးနှင့် လူပုဂ္ဂိုလ်နှစ်ဦးတို့ ရွေးချယ်ပေးသောအခါဟု ဆိုပါသည်။ လူပုဂ္ဂိုလ်တစ်ဦးမှာ ဗိုလ်လက်ျာ၏ ဗေဒင်ဆရာ ပဲခူးဦးသက်တင်ဖြစ်သည်။ (၄)ရက်နေ့ အခါ သည် ကောင်းလှသည်မဟုတ်သော်လည်း (၆)ရက်နေ့ထက်ကောင်းကြောင်း အိန္ဒိယ ဗေဒင်မဂ္ဂဇင်း (၁၉၄၈ ဇန်န၀ါရီ လထုတ်)တွင် ဗေဒင်ပညာရှင်ဒေါက်တာရာမန်က ဝေဖန်ခဲ့သည်။ ထိုမဂ္ဂဇင်း(၁၉၄၉မေလထုတ်) မှာပင် ပရောဖက်ဆာဆတ်စတြီးက (၄)ရက်နေ့၏ အင်္ဂါ-စနေဂြိုဟ်တို့ မကောင်းပုံကို ဝေဖန်ထားပြန် သည်။ 

နက္ခဗေဒင်မဂ္ဂဇင်းအယ်ဒီတာချုပ် ဒေါက်တာဦးဖေဥာဏ်ကမူ လွတ်လပ်ရေးအခါဇာတာနှင့် ပတ်သက်၍ အောက်ပါအတိုင်းသုံးသပ်ပါသည်။

မြန်မာနိုင်ငံလွတ်လပ်ရေးဇာတာ (၄-၁-၁၉၄၈)နံနက် ၄နာရီ၊ ၂၀မိနစ်၊ တနင်္ဂနွေနေ့

ယခုအခါ လွတ်လပ်ရေးဇာတာမှာ အတော်ကောင်းမွန်သည့်ဇာတာပင်ဖြစ်ပါသည်။ လဂ်သည် ဇေဋ္ဌနက္ခနှင့် ပူးယှဉ်ထားပါသည်။ ဇေဋ္ဌနက္ခမှာ တော်ဝင်ကြယ်ကြီးလေးလုံးတွင် အပါအ၀င်ဖြစ်ပြီး မင်းစိုးရာဇာ တိုင်းကြီးပြည်ကြီး ကိစ္စရပ်များနှင့် ဆက်နွှယ်နေသည့် နက္ခတ်ဖြစ်ပါသည်။ ထိုတော်ဝင်ကြယ်ကြီး လေးလုံးမှာ ရောဟဏီနက္ခတ်၊ မာဃနက္ခတ်၊ ဇေဋ္ဌနက္ခတ်နှင့် ရတနာသိဒ္ဓိနက္ခတ်တို့ပင် ဖြစ်ပါသည်။ တိုင်းကြီးပြည်ကြီး၊ တိုင်းရေးပြည်ရေးနှင့် ပတ်သက်၍ ခမ်းနားကြီးကျယ်မှုကို ပေးနိုင်စွမ်းသည့် တော်ဝင်ကြယ်ကြီးလေးလုံးဖြစ်ပါသည်။ 

လဂ်သည် ကြာသပတေးဂြိုဟ်နှင့် အံသာနီးကပ်စွာပူးယှဉ်ခြင်းသည် အပြစ်တစ်သန်းကိုငြိမ်းသည်ဟူသော ရှေးပညာရှိကြီးများအဆိုအရ အလွန်းကောင်းမွန်သည့် ကိန်းခမ်းပင်ဖြစ်ပါသည်။ အ န္တရာယ်အသွယ်သွယ်မှ ကင်းဝေးပြီး စိတ်ချမ်းသာခြင်း၊ ကိုယ်ချမ်းသာခြင်းကို ဖြစ်စေနိုင်သည့် ဂြိုဟ်ပူးပင်ဖြစ်ပါသည်။ အထူးသဖြင့် ဘာသာ သာသနာရောင်ဝါတွင် သူမတူအောင်ထွန်းတောက်မည့် အမြင်ယှဉ်ပင်ဖြစ်ပါသည်။ ထိုကြာသပတေးဂြိုဟ် နိစ်မူကာ န၀င်းတွင် စနေဂြိုဟ်ခွင်နှင့် ပရိဝတ္တနပြုထားသဖြင့် လောကီရေးထက် လောကုတ္တရာရေးက အလေးသာနေသဖြင့် ထေရ၀ါဒနိုင်ငံတော်အတွက် သင့်မြတ်လျောက်ပတ်သည့် ဂြိုလ်အမြင်ပင်ဖြစ်ပါသည်။ 

လဂ်အိမ်ရှင်အင်္ဂါဂြိုလ်သည် မိတ် သိဟ်ရာသီတွင် ရပ်တည်နေခြင်းက သိဟ်ခြင်္သေ့ဟောက်ကိုဖြစ်စေပြီး ၉တန့်သုဘအိမ်ရှင် တနင်္လာစန်းသည် ၁၁တန့် လာဘအိမ်တွင် ကန်ကြာပေါက်ကိုဖြစ်စေခြင်းကအမျိုး ဂုဏ်ကြီးပွားချမ်းသာရေးအတွက် လျော်ကန်သင့်မြတ်သည့် ဂြိုဟ်မြင်ဂြိုဟ်ယဉ်ပင်ဖြစ်ပါသည်။ 

ကြာသပတေးဂြိုလ်နှင့် တနင်္လာဂြိုလ်တို့ ၆၀ဒီဂရီ ဆပ်စတိုင်းမြင်ခြင်းသည်လည်း ချမ်းမြေ့သာယာစွာ နေထိုင်နိုင်ကြောင်းကို ဖော်ပြထားပါသည်။ ထိုတနင်္လာဂြိုဟ်သည် နက်ပကျွန်းဂြိုဟ်နှင့် ပူးယှဉ်ထားသဖြင့် သနားခြင်း၊ ကိုယ်ချင်းစာနာစိတ်ထားခြင်း၊ နောင်တမလွန်သံသရာအတွက် ပိုမိုအလေးထားခြင်းကို ဖော်ပြထားသဖြင့် ကျွန်တော်တို့နိုင်ငံတော်နှင့် အလွန်လိုက်ဖက်သင့်လျော်သည့် မင်္ဂလာအခါတော်ဖြစ် ကြောင်း မင်္ဂလာစကားမော်ကွန်းထိုးအပ်ပါသည်။ 

                                                                                         ခင်လယ်လယ်ချစ်(မြန်/ဂုဏ်)