စိတ်ကူးယဉ်ရတာ အရမ်းပျော်ပါတယ်။ တစ်ခါတလေ စိတ်ကူးယဉ်မိပြီ ဆိုရင်လမင်းကြီးနဲ့ ကိုယ်နဲ့ အတူတူဖြစ် သွားသလားတောင် မှတ်ရတယ်။ကိုယ်က မိုးပေါ် ကိုရောက်နေ သလိုလိုပေါ့။ ကျွန်မဆယ်တန်းအောင်တော့ ပထမဆုံးကျွန်မ ကိုယ်တိုင်ဆရာဝန်မကြီး တစ်ယောက်လို စိတ်ကူးယဉ်ကြည့်မိတယ်။ ကျူတီကုတ် ကလေးဝတ်၊ နားကြပ်ကလေးနဲ့ လူနာတွေကို တစ်ယောက်ပြီး တစ်ယောက် လိုက်ကြည့်..မှတ်တမ်းတွေရေးနဲ့ ဟုတ်နေတာပဲ။အဲ..နောက်ကျ ကျွန်မရဲ့စိတ်ကူးဟာ ခွဲ စိပ်ခန်းထဲရောက်သွားပါလေရော..။ လူနာကိုဓားနဲ့ခွဲလိုက်၊အပ်နဲ့ချုပ်လိုက် ..သွေးတွေ ထွက်လိုက်နဲ့၊ အမလေးကြောက်လိုက်တာ.. .တော်ပါ ပြီ... ဆရာဝန်မကြီးမလုပ်တော့ပါဘူး။
ကဲ..ဒါဆိုဘာလုပ်မလဲ။အင်ဂျင်နီယာမကြီးလုပ်ရင်ကောင်းမလားလို့ စိတ်ကူးယဉ်ကြည့် မိတော့။ လမ်းတွေဖောက်၊ တံတားတွေဆောက်..နဲ့ ကျွန်မအင်ဂျင်နီယာ မကြီးပေါ့။ အဲ..ဒါ ပေမယ့် မျဉ်းတောင်မှဖြစ်အောင် မတား တတ်တော့ ကျွန်မရဲ့ အင်ဂျင်နီယာမကြီး လုပ်မယ်ဆိုတဲ့ စိတ်ကူးယဉ်အိပ်မက်ကလည်း ပျက်သွားပြန် ပါလေရော..။
ကျွန်ကစိတ် ကူးယဉ်တာဝါသနာပါသလို စာဖတ်တာ လည်းဝါသနာပါပါတယ်။ အလိမ္မာစာမှာရှိတယ် မဟုတ် လား။ စာများများဖတ်တော့ ဗဟုသုတ၊ အသိ ပညာတွေ လည်းရလာပါတယ်။စိတ်ကူးယဉ်ရင်းနဲ့စာဖတ်ရင်း နဲ့ ပဲ နောက်ဆုံးတော့ ကျွန်မ ကျူတာ မမဖြစ်လာခဲ့ပါတယ်။ ကျူတာဘ၀နဲ့ တာဝန်ထမ်းဆောင်ရင်း စိတ်ကူးယဉ်သမျှ ကို လက်တွေ့ချရေးရင်းနဲ့ပဲ စာရေး ဆရာမလေးဖြစ်လာ ခဲ့ပါတယ်။
စိတ်ကူးယဉ်တယ်ဆိုတာ မည်သူကိုမျှ မထိခိုက်ပေမယ့် လည်း မိမိအတွက်တော့ အချိန်ကုန်ပါတယ်။ စိတ်ကူး ယဉ် တဲ့ဝါသနာကိုလည်းမစွန်လွှတ်ချင်ဘူး။ အချိန်လည်း မကုန်ဆုံးစေချင်ဘူးဆိုရင်တော့ စိတ်ကူးကိုလက်တွေ့ အကောင် အထည်ဖော်နိုင်အောင် ကြိုးစားကြပါလို့..... ............. ................
.ကျွန်မကတော့ စိတ်ကူးယဉ် ရင်း နဲ့ပဲ စာပေများစွာ ဖန်တီးနေပါတယ်...............
ခင်လယ်လယ်ချစ်(မြန်/ဂုဏ်)
No comments:
Post a Comment