ဥပဒေအထက်တွင်……ဘယ်သူရှိသလဲ…..?

ဧရာဝတီအင်တာနက်သတင်းစာမျက်နှာတွင် ဇွန်လ(၂၂) ရက်နေ့ကဖော်ပြထားသည့် ပုဒ်မ(၁၈)လက်မခံ နိုင်သူ တိုက်ပွဲဝင်နှင်းဆီစုစုနွေးဆိုသည့် ခေါင်းစဉ်ဖြင့်သတင်းတစ်ပုဒ် ကိုတွေ့သည့်အတွက် စိတ်ဝင်တစား ဖတ်လိုက်မိပါ သည်။ ပုဒ်မ(၁၈)ကိုတော့ ကျွန်မလုံးဝလက်မခံနိုင်ပါ ဘူး။အဲဒီပုဒ်မနဲ့လာဖမ်းမယ်ဆိုရင် မလိုလားအပ် တဲ့ပြသနာတွေရှိလာနိုင်ကြောင်း ကြိုတင်အသိပေးထားပါ ရစေ ဆိုလို့ ပုဒ်မ(၁၈)နဲ့ပတ်သက်ပြီး ဖွဲ့စည်းပုံအခြေခံ ဥပဒေစာအုပ်ကို ဖတ်လိုက်ရာ……

ပုဒ်မ(၁၈)-(က )-နိုင်ငံတော်၏တရားစီရင်ရေးအာဏာ ကို ပြည်ထောင်စုတရားလွှတ်တော်ချုပ်၊ တိုင်းဒေသကြီး တရားလွှတ်တော်များ၊ ပြည်နယ်တရားလွှတ်တော်များနှင့် ကိုယ်ပိုင်အုပ်ချုပ်ခွင့်ရစီရင်စု တရားရုံးများအပါအ၀င် အဆင့်ဆင့်သော တရားရုံးများအား ခွဲဝေအပ်နှင်းသည်။

(ခ) - ပြည်ထောင်စုတွင် ပြည်ထောင်စုတရား လွှတ်တော်ချုပ် တစ်ရပ်ထားရှိသည်။ ပြည်ထောင်စု လွှတ်တော်တရားချုပ်သည် နိုင်ငံတော်၏ အမြင့်ဆုံး တရားရုံးဖြစ်သည်။

(ဂ)- ပြည်ထောင်စုတရားလွှတ်တော်ချုပ်တွင် စာချွန်တော်အမိန့်များ ထုတ်ပိုင်ခွင့်အာဏာများရှိသည်။

(ဃ)- တိုင်းဒေသကြီးတိုင်းတွင် တိုင်းဒေသကြီးတရား လွှတ်တော် တစ်ရပ်စီလည်းကောင်း၊ ပြည်နယ်တိုင်း တွင် ပြည်နယ်တရားလွှတ်တော်တစ်ရပ်စီလည်းကောင်း ထားရှိသည်။ ဟု ပါရှိသည်။

သူမကို ပုဒ်မ(၁၈)ဖြင့်ဖမ်းမည်ဆိုလျှင် ….မလိုလားအပ် တဲ့ပြသနာတွေဖြစ်သွားနိုင်တယ်လို့ တာဝန်ရှိသူကို ပြန် လည်ခြိမ်းခြောက်ထားပြန်သေးသည်ကိုတွေ့ရပြန်သည်။ ထို့အပြင် သူမခင်ပွန်းသည် နာမည်က ကိုမာကီးဆို သဖြင့် မြန်မာတော့မဖြစ်နိုင်…..ဒါဆိုလျှင်………..

နှလုံးသားအသိ ဦးနှောက်၏အရှိတရားများဖြင့် ကာကွယ်စောင့်ရှောက်ကြမည်ဆိုပါလျှင်

အမျိုးဘာသာသာသနာစောင့်ရှောက်ရေးအဖွဲ့၏ သြ၀ါဒခံ အဖွဲ့တစ်ဖွဲ့ဖြစ်သော ၀ံသာနု ရက္ခိတ အဖွဲ့များ ကို တစ်နိုင်ငံလုံးအတိုင်းအတာဖြင့် ဖွဲ့စည်းမည်ဖြစ်ပြီး ၄င်း အဖွဲ့ များအနေဖြင့် အမျိုးဘာသာ သာသနာစောင့်   ရှောက်ရေး အဖွဲ့(ဗဟို)၏ ရည်ရွယ်ချက်နှင့်လုပ်ဆောင် ချက် များကို ပံ့ပိုးကူညီကာ ဒေသ ဖွံ့ဖြိုးရေးနှင့် လူငယ် များ ၏ အကျင့်စာရိတ္တကောင်းမွန်ရေးတို့အတွက် အဓိကဆောင်ရွက် လုပ်ကိုင်သွား မည်ဟု သိရသည့် အတွက် အတိုင်းမသိဝမ်းမြောက်မိပါသည်။ တကယ်တမ်းဆိုပါမူ ၀ံသာနုရက္ခိတ အဖွဲ့ကို ဖွဲ့စည်းရန် လိုမည် မထင်မိသော်လည်း ၄င်းအသင်းအဖွဲ့မျိုးရှိလျှင် လည်း ကောင်းသည်ဟုမြင်မိပါသည်။ ကိုယ့်အမျိုးကို ကာကွယ်စောင့်ရှောက်ဖို့ဆိုရာမှာ အသင်းအဖွဲ့ဖွဲ့နေစရာ ပင်မလိုပါ။ မိမိ၏စိတ်ဓာတ်သည် သာ အခရာပါ။ သို့သော်  … ယနေ့အချိန်အခါမျိုးသည် ကိုယ့်အကျိုး ကိုယ့်အတ္တကိုရှေ့တန်းတင်ကြသည့် ၀ိသ မလောဘ သားများကြောင့် တိုင်းပြည်သည် တစ်ဖန်နွံနစ် ကျွန်ပြန်ဖြစ်  ရမည့် အရေး မတွေးရဲစရာ ပါ။ မြန်မာပြည် သည် နိုင်ငံကသေးငယ်သလောက် ပါတီတွေက များမြောင် လှပါသည်။ သူ့ပါတီ ကိုယ့်ပါတီ အနိုင်ရရှိဖို့ အတွက် ဆိုလျှင် အမျိုးသားရေး နိုးကြားတေးလည်းဆို စရာမလို။ကိုယ့်ပါတီ ကိုထောက်ခံမည့် သူရှိပါက နူနူဝဲ၀ဲ ကျိုး ကျိုးကန်းကန်း၊ဖြူချင်ဖြူ မည်းချင်လည်းမဲနိုင်သည် အထိ  ပင်ဖြစ်လာသည် ကိုတွေ့မြင်နေရပါသည်။   မြန်မာနိုင်ငံသည် မည်သည့်ဘာသာကိုမဆို လွတ်လပ်စွာ ကိုးကွယ်ခွင့်ပေးထားသည်။ မြို့တိုင်း လိုလို တွင် ကြည့်လိုက်ပါ။ဗုဒဘာသာအများဆုံး ကိုးကွယ် သည့်နိုင်ငံပင်ဖြစ်လင့်ကစား မြို့လယ်ကောင် အထင် က ရနေ ရာများမှာ ခရစ်ယာန်ဘုရားကျောင်းရှိသည်။ ဗလီ ရှိသည်။ ဟိန္ဒူဘုရားရှိခိုးကျောင်းရှိသည်။ ဒါတွေ သည်ပင် မည်သည့်ဘာသာကိုမဆို လွတ်လပ်စွာကိုးကွယ်ခွင့် ၏ပြယုဂ်တစ်ခုပင်။ သို့သော်လည်း ဒါတွေကပင် အမျိုး ဘာသာသာသနာအတွက်အနှောင့်အယှက်တစ်ခုဖြစ်စေ သလား မဆိုနိုင်ပါ။

အဘယ့်ကြောင့်ဆိုသော် ….တိုင်းတစ်ပါးသားတို့သည် အစတွင်တော့ ခြေလေးလက်ကလေးဝင်  နောက်တော့ခေါင်း ကလေးဝင် နောက်ဆုံးတော့ တစ်ကိုယ်လုံးဝင်ကာ မိမိ တို့ နိုင်ငံ ၏အချုပ်အခြာ အာဏာကိုပါ ထိပါးလာသည် အထိ အနှောင့်အယှက်ပေးလာသည်ကိုတွေ့နေရပါ သည်။ နိုင်ငံတစ်ခုကို ကြိုးကိုင် ချယ်လှယ်ဖို့ရာမှာ ပထမ ဦးစွာ Missionary(သာသနာပြု) မယ်၊ ဒုတိယအနေဖြင့် Merchant(ကုန်သည် ပွဲစား)များနှင့်ဒေသတစ်ခုကို စတင်ထိုးဖောက်ပြီးတဲ့နောက်ပိုင်းမှာ ၄င်းနိုင်ငံကို သိမ်းပိုက်ဖို့ရာ မှာနောက်ဆုံး အနေဖြင့် Military (စစ်တပ်) ကို လွှတ်ကာ သြဇာအာဏာအကျိုးစီးပွားကို အလုံးစုံ ထူထောင်ခြင်းဖြင့် အဆုံးသတ်လေ့ရှိကြသည်။ ဤ သည်မှာ M သုံးလုံးဖြင့် နိုင်ငံတစ်နိုင်ငံကို သိမ်း ပိုက်ခြင်းဖြစ်သည်။

မြန်မာနိုင်ငံတွင် လူတစ်ဦးတစ်ယောက်အနေဖြင့် မိမိ အတွင်း အဇ္ဈတ္တသန္တာန်မှာ နက် နက်ရှိုင်း ရှိုင်းဖြင့် မိမိ ယုံကြည် ရာဘာသာကို ကိုးကွယ်ခွင့်ပြုထားသည် ဆိုသော်လည်း မိမိကြောင့် မိမိနိုင်ငံနှင့် လူမျိုးကို ဖြင့် မထိ ခိုက်စေလိုပါ။

စာရေးသူတို့ငယ်ငယ်က မိဘများက သွန်သင်ဆုံးမ သည်။ ကျောင်းမှာ ဆရာ/မတို့က လမ်းညွှန်သည်။   နွေရာသီမှာဗုဒဘာသာသင်တန်းတက်ရသည်။ ထို့အတွက် ဘာသာသာတရားနှင့် ပတ်သက်လာ လျှင် ငယ်စဉ်ကတည်းကတိုင် ဦးနှောက်ထဲမှာရော နှလုံးသား ထဲ မှာပါ စွဲမြဲနေခဲ့ရပါသည်။ ယနေ့ခေတ်ဟာ နည်းပညာ ဖွံ့ဖြိုးတိုးတက်လာတာနဲ့အမျှ ကမ္ဘာကြီးကရွာကြီး တစ် ရွာဖြစ်လာပြီး လွတ်လပ်ပွင့်လင်းလာ တယ်။ တစ်ချို့ ကတော့ ငွေမျက်နှာတစ်ခုတည်းကိုသာကြည့်ကာ ကိုယ့်နိုင်ငံ အမျိုးသားအကျိုးစီးပွားကို သာ မက ကိုယ့်အသားကိုတောင်ဖဲ့ရောင်းမယ့်သူတွေ ဒုနဲ့ဒေးပါ။ ထိုကဲ့သို့ သော လူမျိုးများရှိနေသည့်အတွက် ထို အမျိုး ဘာသာသာသနာစောင့်ရှောက်ရေးအဖွဲ့၏ သြ၀ါဒခံ အဖွဲ့တစ်ဖွဲ့ဖြစ် သော ၀ံသာနု ရက္ခိတ အဖွဲ့မျိုး ရှိသင့် ပါသည်။ မည်သည့်ဘာသာ မည်သည့် လူမျိုး ပင်ဖြစ် ပါစေ ကိုယ့်အမျိုး ဘာသာ သာသနာ ကိုတော့ ကာ ကွယ်စောင့်ရှောက်ကြရမှာက အားလုံး၏ တာဝန်ပင်ဖြစ်ပါသည်။

သို့သော် ….လူထုခေါင်းဆောင် ဒေါ်အောင်ဆန်းစုကြည် က နီပေါနိုင် ငံ ကို အလည်အပတ်ရောက်ခဲ့ စဉ် က မြတ်စွာဘုရားရှင်သည် အိန္ဒိယတိုက်ငယ်၏ ရာဇကု မာရဟုပြောခဲ့သည်ကိုစိတ်မကောင်းဖြစ်မိပါသည်။  ဒေါ်   အောင်ဆန်းစုကြည်အနေဖြင့် ဗုဒဘာသာ မြန်မာ မိဘနှစ်ပါး က မြန်မာ့မြေပေါ်မှာမွေးဖွား ခဲ့ တဲ့ မြန်မာစစ် တစ်ယောက်ဖြစ်ပါလျက် မြန်မာတို့၏အလေးအမြတ်ထားသော ဗုဒ မြတ်စွာသည် အတုမရှိ အနှိုင်းမဲ့ ပုဂိုလ်ဆိုတာ ဗုဒ ဘာသာဝင်တိုင်းလေးလေးနက်နက်ယုံကြည်ကြသကဲ့သို့လေးသင်္ချေနှင့် ကမ္ဘာ တစ်သိန်းကျင့်ကြံပွားများ အားထုတ်ထားကာ စင်္ကြ ၀ဠာတိုက်တစ်သောင်းအထိအာဏာစက်ပြန့်ခဲ့သော ဂေါတ မဘုရားရှင်အား အိန္ဒိယတိုက်ငယ်၏ရာဇကုမာရ ဟုပြောခဲ့ခြင်းသည် ဗုဒဘာသာကို ယုံကြည်မှု အားနည်း လို့လား၊ ဘာသာ ရေးအသိအမြင်နည်းလို့လား ဟု စိတ်မကောင်းများစွာဖြစ်မိရပါသည်။ထို့ပြင်ဗုဒဘာသာ မြန်မာ အမျိုးသမီး တစ်ဦးသည် သံဃာနှင့်တစ်ပြေးတည်းမထိုင် ရခြင်းများ ကိုလည်းမသိလေရော့ သလား။ အမေစုသည် လူထုခေါင်းဆောင်တစ်ဦးပါ။အမေစုကို  လေးစားအားကျ အထင်ကြီး အတုယူကြတဲ့ သူတွေ ဒုနဲ့ဒေးပါ။ ဒါတွေ ကို နောင်လာ နောက်သားကလေးသူငယ်များက အားကျအတုယူလျှင်ဖြင့် ….အင်း ….. မတွေးရဲစရာပါ။

မြန်မာလူမျိုးတို့သည် ရိုးသားသည်။ အေးချမ်း သည်။ စိတ်ထားဖြူစင်သည်။ သံယောဇဉ်နှင့် မေတ္တာ တရား ကို ရှေ့တန်းတင်သည်။ တစ်ချို့အရာများမှာ ဦးနှောက်ဖြင့် ဆုံးဖြတ်ရမည့်အစားနှလုံးသားဖြင့် ဆုံးဖြတ်တတ်ကြသည်။ ထို့အတွက်ကြောင့် မျိုးစောင့် ဥပဒေပြဌာန်းဖို့ လုပ်ဆောင်ကြရသည် အထိ ဖြစ်လာ ရသည်။ စည်းကမ်းတို့ ဥပေဒတို့ဆိုသည်မှာ လူတွေကြောင့်ဖြစ် လာရခြင်းပါ။ စည်းကမ်းဆိုသည့် စကားကို တန်ဖိုးမထားတတ်တဲ့လူတစ်ချို့ကြောင့်သာ ဥပေဒ၊စည်းကမ်းတွေထုတ်ပြန်ပြီး စည်းကမ်း နည်းလမ်း တကျဖြစ်အောင်ဆောင်ရွက်ရခြင်းဖြစ်ပါသည်။

ခရစ်ယာန်၊ ဟိန္ဒူ၊ မွတ်စလင်တို့မှာ လက်ထပ် ထိမ်းမြားခြင်းကို ၄င်းတို့ဘာသာအလိုက်ဥပဒေအမျိုး မျိုးထုတ်ပြန်ထားသော်လည်း မြန်မာမှာ နှစ်ဦးသဘောတူရုံ မျှဖြင့်ရနေသည်။ဘာဥပဒေမှမရှိပါ။  ခြံဝန်းတိုင်းမှာလည်း  စည်းဆိုတာရှိပါသည်။ မြစ်ရိုး ချောင်းရိုးများမှာကမ်းဆိုသော အနားသတ်ရှိသည်။ နေရာတိုင်းမှာစည်းကမ်းနည်းလမ်း ဥပဒေများရှိလျှင် လုံခြုံအေးချမ်းနိုင်မည်ဟုယူဆမိပါသည်။

ထို့ကြောင့်မိမိအမျိုးဘာသာသာသနာအတွက် ငါတို့ အရိုး ကို ခြံစည်းရိုးလုပ်စရာ မလိုသေးပါ။ နှလုံးသားအသိနဲ့  ဦးနှောက်၏အရှိတရားများဖြင့်သာကာကွယ်စောင့်ရှောက် ကြမည်ဆိုပါလျှင်.....။

ခင်လယ်လယ်ချစ်(မြန်/ဂုဏ်)

အခက်အခဲများကို အကောင်းဆုံးရင်ဆိုင်နိုင်ပြီလား...?

လူ့လောကတွင် လူတိုင်းပင် အခက်အခဲအကျပ် အတည်းနှင့်ကြုံတွေ့ဖူးသူများဖြစ်သည်။ အခက်အခဲကို ရဲရဲရင်ဆိုင်ဖြေရှင်းနိုင်သူသာ အောင်မြင်သူဖြစ်ပြီး အခက် အခဲကို ရှောင်လွှဲအရှုံးပေးသူသည် ကျဆုံးသူဖြစ် သည်။ နိုင်ငံရေးသမားကောင်းဆိုသည်မှာလည်း ကြုံတွေ့ လာသော အခက်အခဲအကျပ်အတည်းများကို ရဲရဲရင်ဆိုင်ကာ ဇွဲရှိရှိနှင့် ဖြေရှင်းနိုင်သူဖြစ်သည်။ အခက် အခဲတွေ့ပါက တည်တည်ငြိမ်ငြိမ်ရင်ဆိုင်ပြီး စဉ်းစားချင့် ချိန်ကာအချိန်အခါနှင့်အခြေအနေကိုလိုက်ပြီးမှန်ကန်သော  ဆုံးဖြတ်ချက်ဖြင့် ကျော်လွှားရပါမည်။ လူတို့ သည် အပြောင်း အလဲပြုလုပ်ရမည်ဖြစ်သော်လည်းစိန်ခေါ်မှုကို  ရင်ဆိုင် ရမှာကြောက်ကြသည်။

နိုင်ငံရေးသမားကောင်းဖြစ်ရန် စိန်ခေါ်မှုများကို ရင်ဆိုင်ဖြေ ရှင်းကြရမည်။ အခြေတစ်ရပ်ကိုရောက်ဖို့ အန္တရာယ် အခက်အခဲများကို ကျော်ဖြတ်ရကြောင်းသိထားရပါမည်။အ သိဥာဏ်ရှိရှိနှင့်အခက်အခဲများကို ကျော်လွှားရပါမည်။ နိုင်ငံရေးသမားကောင်းသည် အခက်အခဲများကိုကျော်လွှားရာတွင် ပထမဦးစွာ ဖြန့် ကျက်တွေးခေါ်သည်။ ဖြေရှင်းရမည့် နည်းလမ်းရပါက ဇွဲရှိရှိနှင့်ဆောင်ရွက်ရမည်။ အခက်အခဲကို မဖြေရှင်း ပဲရှောင်ရှားသူ၊ခေါင်းရှောင်သူသည်မည်သည့်အခါ မှခေါင်းဆောင်မဖြစ်ပေ။ ထိုစိတ်ဓာတ်သည် နိုင်ငံရေးသမားကောင်း၏စိတ်ဓာတ်လည်းမဟုတ်ပါ။ နိုင်ငံရေးသမားကောင်းဖြစ်သူတိုင်းသည် အကောင်းဆုံးခေါင်းဆောင်များပင်ဖြစ်နိုင်သည်။ သို့ကြောင့် နိုင်ငံရေးဆောင်ရွက်ရာတွင် မိမိ၏အဖွဲ့ အစည်းအောင်မြင်မှုရရန်မိမိသည်လည်း နိုင်ငံရေးလောက တွင် အောင်မြင်မှုရရန် အခက် အခဲ အကျပ်အတည်းများ ကို ကျော်လွှားရာတွင် သတ္တိရှိပါ။ စိတ်ရှည်ပါ နည်းလမ်း မှန် ကိုတွေးခေါ်ကာ ရဲရဲရင်ဆိုင်ဖြေရှင်းရပါမည်။

ဗြိတိသျှဝန်ကြီးချုပ် ၀န်စတန်ချာချီက“ သတ္တိရှိမှုသည် လူသားတို့၏ အရည်အချင်းများထဲတွင် ပထမဦးဆုံး မှန်ကန်စွာ အလေးထားထိုက်သော အရည်အချင်းဖြစ် ပါပေ ၏။ အဘယ့်ကြောင့်ဆိုသော် ထိုအရည်အချင်းက အခြားသူအားလုံးကိုအာမခံနိုင်သောကြောင့်ဖြစ်၏။ဟုဆို ထားပါသည်။ မာတင်လူသာ ကင်းကလည်း “လူ တစ်ယောက်ကို နောက်ဆုံးအကဲဖြတ်တဲ့ ကိစ္စကတော့ သက်တောင့်သက်သာနဲ့ အဆင်ပြေနေတဲ့အချိန်မှာ သူ ဘယ်မှာ ရပ်တည်နေသလဲ ဆိုတာကိုအကဲဖြတ်ဖို့မဟုတ် ဘဲ စိန်ခေါ်မှုတွေ နဲ့ အငြင်းပွား မှုတွေဖြစ်နေတဲ့ အချိန်မှာ သူဘယ်မှာရပ်တည်ခဲ့သလဲဆိုတာပဲ..”ဟုဆိုပါသည်။အ ခက်အခဲများသည်မိမိတို့ကိုအရောင်တင်ပေးမည့် စိန်ခေါ် ချက်များဟုခံယူပြီး အောင်ပွဲဆင်နိုင်သူသာ နိုင်ငံရေးသမား

 ကောင်းဖြစ်ပါလိမ့်မည်။ လွှတ်တော်နိုင်ငံရေးဖြင့် ပြီးပြည့် စုံသော ဒီမိုကရေစီပန်းတိုင်သို့သွားရာတွင်လည်း အခက်အခဲပေါင်းများ စွာဖြင့်ကြုံတွေ့ရဦး မှာဖြစ်ပါ သည်။ ထို့ကြောင့် အခက် အခဲများကိုရဲရဲရင့်ရင့်ရင်ဆိုင် အောင်ပွဲ ခံ ဖို့အသင့်ပြင် ထားနိုင်သူသာ နိုင်ငံရေး သမားကောင်း ဟု ဆိုရမှာဖြစ်ပါ သည်။

                               

                                  ခင်လယ်လယ်ချစ်(မြန်/ဂုဏ်)

ဆရာမြင့်ဝင်းမောင်ရေးသားသည့် ဒီမိုကရက်တစ် နိုင်ငံရေးသမားကောင်းစာအုပ်ကိုမှီငြမ်းပါ သည်။

မနက်ဖြန်…..ရှေ့သို့

မနက်ဖြန်…..ရှေ့သို့

မျက်မှောက်ကာလသည် ပြည်ထောင်စုသမ္မတမြန်မာနိုင်ငံတော်ကြီးကို အေးချမ်းသာယာပြီး ခေတ်မီဖွံ့ဖြိုး တိုးတက်သော ဒီမိုကရေစီနိုင်ငံတော်အဖြစ်ရောက်ရှိရန် ပုံဖော်တည်ဆောက်နေသောအချိန်အခါကောင်း ဖြစ်ပါသည်။ ထိုကဲ့သို့ ပြောင်းလဲရာတွင်လည်းစနစ်ဟောင်းမှစနစ်သစ် သို့ ရုတ်တရက်ချက်ခြင်းပြောင်းလဲ ခဲ့ခြင်းမဟုတ်ပြန်ပါ။ Changesတိုင်းသည် အကောင်းချည်းမဖြစ်နိုင်သကဲ့သို့ အဆိုးချည်းပဲလည်းမဖြစ်နိုင်ပါ။ အရာရာတိုင်းသည် ကောင်းသောပြောင်းလဲခြင်းဖြင့်ပြောင်းလဲလျှင် ဆိုဖွယ်ရာမရှိသော်လည်း ပြောင်းလဲလိုက်သည့်အချိန်ကျမှ အဆိုးဘက်သို့ဦးတည်သွားသည်များလည်းရှိနိုင်ပါသည်။ အဆိုးဘက်သို့ဦးတည်သွားလျှင်အနှုတ်လက္ခဏာ ဆောင် သွားပေမည်မဟုတ်ပါလော။ အနှုတ်ဟူသည် မိမိရှိသည့် အထဲမှလျှော့နည်းသွား သည့်သဘောပင်။ အနှုတ် လက္ခဏာသည် အမုန်းဆီသို့ဦးတည်နေသည့် လက္ခဏာ ပင်ဖြစ်ပါသည်။ ကျွန်ုပ် တို့ပြည်ထောင်စုသမ္မတမြန် မာနိုင် ငံတော်ကြီးသည် အပြုံးဘက်သို့ တစ်ဆင့်ချင်း တစ်ဆင့်ချင်း ဦးတည်ချီ တက်လျက်ရှိနေ ပါသည်။

ယခုလို အကောင်းဘက်သို့ ဦးတည်ချီတက်ပြောင်းလဲ လာခြင်းများသည် ချက်ခြင်းရခဲ့သည်မဟုတ်ပြန်ပါ။ “ခုရေတွင်းတူး ခုရေကြည်သောက်”ခဲ့ရခြင်းမျိုးမဟုတ်ပါ။ ယနေ့ကဲ့သို့ အချိန်အခါကောင်းမျိုးကို ရောက်ခဲ့ သည်မှာ စနစ်တကျပြုပြင်ဖန်တီးကာတစ်ဆင့်ချင်းပုံဖော်တည်ဆောက် ခဲ့ခြင်းကြောင့်ဖြစ်ပါသည်။

ယနေ့နိုင်ငံတော်သစ်ကြီး၏အခြေအနေကောင်းအချိန်အခါကောင်းကိုပြောမည်ဆိုပါက နိုင်ငံတော်အေး ချမ်းသာယာရေးနှင့်ဖွံ့ဖြိုးရေးကောင်စီ(တပ်မတော်အစိုးရ) ၏ အခန်းကဏ္ဍကိုလည်းချန်လှပ်ထားလို့မရပါ။ ၄င်းအစိုး ရလက်ထက်တွင် နိုင်ငံတော်ရှေ့ဆက်သွားမည့် မူဝါဒ (Road Map) ချမှတ်ကာ တစ်ဆင့်ချင်း  ဆောင်ရွက်ခဲ့ သည့်အမွေခံကောင်းများကြောင့်သာယနေ့လိုအချိန်ကောင်း အခါကောင်းရောက်ရှိခဲ့ခြင်း ဖြစ်ပါသည်။ အေးချမ်းသာယာပြီးခေတ်မီဖွံ့ဖြိုးတိုးတက်သော ဒီမိုကရေစီနိုင်ငံတော်သစ်တစ်ရပ် တည်ဆောက်ရာ မှာ နိုင်ငံရေးတစ်ခုတည်းသာကဘဲ စီးပွားရေး၊လူမှုရေး အခြေခံခိုင်မာအောင်လည်း ဆောင်ရွက်ခဲ့ရပြန်ပါသည်။ တစ်ဖန်တိုင်းပြည်တစ်ပြည်သည် တည်ငြိမ်မှအေးချမ်း မည်။ အေးချမ်းမှဖွံ့ဖြိုး တိုးတက်အောင်ကြိုးစားဆောင် ရွက်လျက်ရှိပါသည်။

၂၀၀၈ခုနှစ်တွင် ဖွဲ့စည်းပုံအခြေခံဥပဒေသစ်ကို အတည်ပြု ပြီးနောက် ဖွဲ့စည်းပုံအခြေခံဥပဒေသစ်နှင့် အညီ ၂၀၁၀ပြည့်နှစ်တွင် ပါတီစုံရွေးကောက်ပွဲ ကျင်းပခဲ့ ရာတွင်ယုံကြည်ချက်အဖုံဖုံ ပေါင်းစည်းမှုအထွေထွေ  ဖြင့် ပါတီများစွာမှဝင်ရောက်ယှဉ်ပြိုင်ခဲ့ကြပါသည်။ယနေ့တွင်
 ပြည်ထောင်စု သမ္မတ မြန်မာနိုင်ငံတွင် ပါတီပေါင်း (၅၉)ပါတီရှိပါသည်။

ယနေ့မြန်မာနိုင်ငံတော်ကြီးမှာများမြောင်လှသော ပါတီ များစွာရှိနေစေကာမူ ပြည်သူ့အပေါ်တွင်ထားရှိ သော   စေတနာ၊ မေတ္တာမှန်ကန်မွန်မြတ်ဖို့လိုအပ်သကဲ့သို့ လက်တွေ့လုပ်ဆောင်ချက်များသည် တိကျ ခိုင်မာဖို့ လို အပ်ပါသည်။ သို့မှသာ ပြည်သူ့အကျိုးကို အမှန်တကယ် သယ်ပိုးနိုင်မှာဖြစ်ပြီး ပြည်သူကလေးစား အားကိုးရ သည့် ပြည်သူ့ပါတီဖြစ်ပေမည်။ ထို့ပြင်…မိမိတိုင်းပြည် ဖွံ့ဖြိုးတိုးတက်စေရန်မှာ ပါတီများတွင်လည်း တာဝန် အပြည့် ရှိသည်မဟုတ်ပါလား။ တစ်မြေတည်းနေတစ်ရေ တည်းသောက် တစ်မိုး အောက်မှာ အတူတကွ ချစ်ကြည် ရင်းနှီးစွာနေထိုင်ရင်းမိမိနိုင်ငံခေတ်မီဖွံ့ဖြိုးတိုတးက်စေရန် မှာ မိမိတို့တာဝန်ပင်ဖြစ်ပါသည်။

အဆုံးသတ်ခြင်းသည် ပျောက်ကွယ်သွားခြင်းမျိုးမဟုတ်ဘဲ  နောက်တစ်ခုပြန်စရန်အတွက် ဖြစ် ပါသည်။ ထို့ကြောင့် ခေတ်ဟောင်းစနစ်ဟောင်းများကို အဆုံးသတ်ခဲ့ပြီဖြစ်ကာ ခေတ်သစ်စနစ်သစ်သို့ အစပျိုးနေ ချိန်မှာ အပေါင်းလက္ခဏာဆောင်ရလေအောင်အားလုံးက တက်ညီလက်ညီ ရွက်ချီမည်ဆိုပါ လျှင် အေးချမ်းသာ ယာပြီးခေတ်မီဖွံ့ဖြိုးတိုးတက်သည့်ဒီမိုကရေစီနိုင်ငံဖြစ်သော  ပြည်ထောင်စုသမ္မတ မြန်မာနိုင်ငံတော်ကြီး ကမ္ဘာ့အလယ်မှာ ၀ံ့ထယ်နေမှာဖြစ်ပါသည်။

ပြည်ထောင်စုသမ္မတမြန်မာနိုင်ငံသည် သူ့ကျွန်ဘ၀ တွင် နှစ်ပေါင်း (၁၂၃)နှစ်၊ ပြည်တွင်းဆူပူသောင်းကျန်း မှုနှစ်ပေါင်း(၆၀)၊ စီးပွားရေးပိတ်ဆို့မှုနှစ်(၂၀)ကျော်ခါး ဆီးခံခဲ့ရပြီးပါပြီ။ယနေ့ကမ္ဘာနိုင်ငံအသီးသီးသည်လည်း   ဘေးအန္တရာယ်အမျိုးမျိုးကို နေ့စဉ်နှင့်အမျှ ဆိုသကဲ့သို့ ကြုံတွေ့ခံစားနေရ ပါသည်။ မြန်မာနိုင်ငံသည်လည်း ယခုမှတည်ငြိမ်အေးချမ်းစအချိန်၊ ဖွံ့ဖြိုးတိုးတက်မှု လမ်းကြောင်းပေါ်စတင်လျှေက်လှမ်းနေအချိန်မှာမိမိစကား တစ်ခွန်းကြောင့် ပြည်သူများ ဒုက္ခ မရောက်စေရအောင် အထူးကြိုးစားဆောင်ရွက်ဖို့လိုအပ်ပါသည်။
ယနေ့ကာလသည် နိုင်ငံတော်၏ရှေ့ခရီးကို အေးချမ်းသာ ယာစွာ လျှောက်လှမ်းနေချိန်ဖြစ်ပါသည်။ မိမိတို့သည် အပေါင်းလက္ခဏာဆောင်မည်လားအနှုတ်လက္ခဏာဆောင် မည်လား သေချာဝေဖန်သုံးသပ်ကာစဉ်းစားဆင်ခြင်သင့် လှပါသည်။

                                ခင်လယ်လယ်ချစ်(မြန်/ဂုဏ်)

ရွှေပြည်တော် မျှော်တိုင်းဝေးရတော့မှာလား အမေစု

ရွှေပြည်တော် မျှော်တိုင်းဝေးရတော့မှာလား အမေစု

အရမ်းသန်းညွန့်ရေးသားသည့် `လူထုခေါင်းဆောင် အန်တီစု ခွေးတော့ သတိပြု ´ဆောင်းပါးကို ဖတ်မိပြီး အမေစုအတွက်စိတ်မကောင်းဖြစ်မိပါတယ်။ အမေစုနား မှာ အကြံဥာဏ်ကောင်းပေးမယ့်သူမရှိ ။ မြှောက်ပင့်ပြီး မိမိတို့ကိုယ်ကျိုးအတွက် အမေစုကိုအသုံး ချနေတာ ကိုတွေ့မြင်နေရတဲ့အတွက်ကြောင့်ပါ။ တကယ်တော့ လူထုခေါင်းဆောင်ဆိုတာ အရာရာ အတွက် အကောင်း ဆုံးဖြစ်နေရမှာပါ။ အခုချိန် မှာ ပြည်သူလူထုယုံကြည် အားထားမှုရရှိ ဖို့ ပြည်သူလူထု အတွက် လိုအပ်ချက် ကိုကူညီဖြည့်ဆည်းပေး ဖို့ နိုင်ငံတကာ မှာ မြန်မာနိုင်ငံ မျက်နှာမငယ်ရ အောင် အစွမ်းကုန်ကြိုးစားဆောင်ရွက်ဖို့ စသဖြင့်ပေါ့။ လိုအပ်ချက်တွေကို အတတ်နိုင် ဆုံးဖြည့် ဆည်းပေးရမှာပါ။ မိမိသမ္မတဖြစ်မှလုပ်ပေးမှာထက် မဖြစ်ခင်က ကူညီ ထောက်ပံ့မယ်။ ပြည်သူ့အကျိုးကို သယ်ပိုးဆောင်ရွက်မယ်ဆိုရင်သန်းခြောက်ဆယ်သော 
 ပြည်သူများရဲ့ အသဲကြားက မဲတစ်ပြားဟာ အမေစု အတွက် ပဲဖြစ်မှာပါ။ `ခွေးဆိုတာ သူထမင်းကျွေးတဲ့သူ ကို ဘဲ သခင်လို့မြင်တာ။ ဒါတောင်ကျွေးတဲ့ လက် ကိုပြန်ပြန်ကိုက်တတ်တဲ့ ခွေးဆိုတာရှိသေးတယ်ကွ။  ခွေး က ဒီမိုကရေစီမသိဘူး။ လူ့အခွင့်အရေးမသိဘူး။ အများကောင်းစားရေးဝါဒသူမသိဘူး။ သခင်အားရ ကျွန်ပါးဝဘဲ လုပ်တာ။ အန်တီစုက နိုင်ငံတကာအမြင် ၊နိုင်ငံတကာအတွေးတွေနဲ့ ခွေးကိုလူ့အခွင့်အရေး သွားပေးတော့ ခြေသလုံးဖက်မကိုက်တာကံ ကောင်း၊   နေပြည်တော်နယ်မြေ မှာ ပုဒ်မ ၄၃၆ပြင်ဆင်ရေးတရား သွားဟော တာ ခွေးခပ်ဆိုးဆိုးတစ် ကောင် အန်တီစု ကိုလိုက်ကိုက်တယ်ဆိုပြီး အင်တာနက်မှာ ဖတ်လိုက် ရတော့ရုတ်တရက်စိတ်ပူသွား သေးတယ်။ဘာပဲ ပြောပြော တို့မြန်မာအယူမှာ ခွေးကိုက်ခံရရင် ကံနိမ့်တယ်လို့ မှတ် ယူကြတာလေ။ ဒါတောင်တော်သေးရဲ့ သတင်းကြား ရတာ ခွေးအိုကြီးတစ်ကောင်လိုက် ကိုက်တာ။ ကိုယ်တိုင် ကချိနဲ့နဲ့ဆိုတော့ စိတ်ပူစရာမရှိပါဘူး။ ဒါပေမယ့် မင်းတို့ တစ်တွေ သတိထားဖို့လိုတယ်။ လူထု ခေါင်းဆောင်ဟာ ဘယ်လောက်ပဲသတ္တိရှိရှိ ခွေးနဲ့တော့ ဖက် မကိုက်သင့် ဘူး။ ခွေးနဲ့နပန်းမလုံးသင့်ဘူး..´ အရမ်းညန်းညွန့်ရေး သားသည့် `လူထုခေါင်းဆောင်အန်တီစု ခွေးတော့ သတိပြု ´ဆောင်းပါးကောက်နှုတ်ချက်ပါ) 
နိုင်ငံရေးဆိုသည်မှာ ပြည်သူများ၏လိုအင်ဆန္ဒများကို ပြည့် ၀စွာရရှိစေရန် ဆောင်ရွက်ပေးခြင်းဖြစ်သည်။ သို့ကြောင့် ပြည်သူများ၏ စိတ်ပိုင်း ရုပ်ပိုင်းလိုအပ်ချက် မှန်သမျှသည် မိမိဖြေရှင်းပေး ရမည့်ကိစ္စများဟု ခံယူထားရမည်ဟု  ဆရာမြင့်ဝင်းမောင်ရေးသားသည့် ဒီမိုကရက်တစ် နိုင်ငံရေးသမားကောင်းစာအုပ်တွင် ဖော်ပြ ထားသည်ကိုတွေ့ရပါသည်။
   အခုတော့ အမေစုနားမှာ ရှိနေကြပါသော အမေစုကို ၀န်းရံနေကြပါလေသော သူများသည် အကောင်းဆုံး အကြံဥာဏ်ပေး ရမည့်အစား…. ပြည်သူကိုခွေးနှင့်နှိုင်း လိုနှိုင်း ကိုယ့် ပြောသမျှ အဟောဝတမဟုတ်ပါက အားလုံးသည်လူမဟုတ်တော့သလိုလို။  ပြည်သူ့ခေါင်းဆောင် ၏နောက်လိုက်လုပ်နေပြီး ကိုယ့်ကို အနည်းငယ်ဝေဖန် သည့် ပြည်သူ ကိုခွေးနှင့်နှိုင်းခြင်းသည် ကောင်းသော လုပ်ရပ်ဟုတ်မဟုတ် မိမိကိုယ်ကို ပြန်လည်ဆန်းစစ်ဖို့ လိုအပ်ပါလိမ့်မည်။ ပြည်သူသည် သခင်ပါ။ ပြည်သူ တင်မြှောက်မှ သာလျှင် ပြည်သူ့ကိုယ်စားလှယ်ဖြစ်မှာပါ။ အခုတော့ မိမိကို ဝေဖန်သုံးသပ်ပြသည့်ပြည်သူ ကိုခွေးနှင့်နှိုင်း လိုက်ခြင်းသည် ပြည်သူတစ်ရပ်လုံး ကို စော်ကားလိုက်ခြင်းနှင့်အတူတူပါ။ အမေစုသည် လူထုခေါင်းဆောင်၊ဒီမိုကရေစီ၏ရှေ့ဆောင်လမ်းပြကြယ်ဖြစ် ပါ တယ်။ အမေစုဘာလုပ်လုပ် ပြည်သူကအမေစုကို ဗိုလ်ချုပ်သမီးမို့ အပြစ် မမြင် ချစ်ခင်ကြပါသည်။ သို့သော် ….ကိုယ့်အတ္တ ကိုယ့်အကျိုးအတွက် နိုင်ငံရေး လုပ်နေသည့်သူများသာ အမေစုနားမှာရှိနေလျှင်ဖြင့် …..အင်း..ရွှေပြည်တော်မျှော်တိုင်းဝေးနေမှာအမှန်ပါ…။
                         ခင်လယ်လယ်ချစ်(မြန်/ဂုဏ်)

သန္တိဝေဒနာ

ရေကတကယ်ကိုရှားသည်။ ရေရှားသည့်အရပ်ဖြစ်သည့်အထဲတွင် သူတကာအိမ်ဝိုင်းထက်ပိုပြီး မြင့်သော  တောင်ကုန်းခေါင်ခေါင်ရှိ အိမ်ဝိုင်းဖြစ်သည့်အတွက် ရေအခက်အခဲရှိလှသည်။ နွေမိုးဆောင်းမဟူ ရေ တစ်ထမ်း နှစ်ဆယ်အစိတ်ပေးရတတ်သည်။  ဈေးကြီး သည် ဈေးများသည်ဟု စိတ်သဘောမှာ မနောကွက်စရာ မရှိသော်လည်း ရေထမ်းသမားလာဖို့အရေးမျက်နှာ ချိုတော့သွေး ရသည်။ ကျသင့်သည့်ရေထမ်း ခအပြင် အပိုဆောင်း ငွေပေး ၍ တစ်မျိုး မုန့်ပဲသရေစာကျွေး ၍တစ်သွယ်ထမင်းဟင်းပေး၍တစ်ဖုံပီယ၀ါစာချိုသာသော စကားဖြင့် မောင်မောင်ဘဘလုပ်၍တစ်နည်း စည်းရုံးရေး လက်နက်မျိုးစုံသုံးပါမှ ရေထမ်းကရတတ်သည်။ဒါတောင် ဆယ် ကွေ့တစ်ကွေ့ကိုးကွေ့တစ်ခါမျှသာ။သည်မျှခက် ရ သည့်ကြား မှ ၀ါသနာ ကတား မရ။ ပန်းအလှစိုက် ပျိုးခြင်း သည် ဒေါ်ကေသီ၏၀မ်းတွင်းဝါသနာ။ ငယ်စဉ်တောင်ကျေး ကလေး ဘ၀က တည်းကစိုက်ချင် ပျိုးချင်စိတ်ကရှိသည်။ ပန်းဆိုလျှင် နှစ်သက်သည်။ ပန် လိုက် မည်။ဘုရားတင်လိုက်မည်ဆိုသည့် သဘာဝက မိန်းကလေးတိုင်းတွင် ရှိတတ်ကြသည်ဆိုသော် လည်း ဒေါ်ကေသီကမူ ကိုယ်တိုင်စိုက်သည့်ပန်း ကိုယ် တိုင်ပန်၍ ကိုယ်ပျိုးသည့်ပန်းကိုမှ ဘုရားအိုးထိုး ချင်သူ သာဖြစ် သည်။ထိုဓလေ့အထုံသည်ရေပေါသောနေရာ အတွက်မထောင်းသာလှ။ဒေါ်ကေသီ ၏မွေးရာချက်မြှုပ် မှာ ဧရာဝတီမြစ်နံဘေးတွင်ဖြစ်သည်။ ဘိုးဘွား စဉ်ဆက် ပိုင်ဆိုင် ခဲ့သည့် ခြံဝန်း ကျယ်ကြီး သည် အသီးအပင် တို့ဖြင့်ဝေ ဆာနေသည်။ တစ်နှစ်တစ်ခါမြတ်ရေ၀င်တတ် ၍ နှုန်းတင်မြေနု တို့ဖြင့် မြေဆီမြေသြဇာကြွယ်ဝလှ သည်။ ရေနားနီးသဖြင့် သစ်ပင်ပန်း မာလ်ဖြစ်ထွန်းလွယ် သည်။ အစေ့ချရုံနှင့် အပင်ပေါက်ကာ ကိုင်းချိုးထိုးရုံနှင့် ရှင်သန်လွယ်သော မြေနေရာလည်းဖြစ်သည်။ ခြံထွက်သီး ပင်စားပင်တို့ ရောင်းရ ငွေနှင့်ပင်တစ်နှစ်တစ်ကြိမ်ကထိန် ခင်းနိုင်သည်။လာသမျှသဟာယကို စားကောင်းဖွယ်မွန် တို့ဖြင့် အလျှံပယ် ကျွေးနိုင်သည်။ ငါ့မြေးကလက်ဆိပ်ပါ တယ်၊သူစိုက်လို့ကတော့ မရှင်တဲ့အပင်မရှိဘူးဟဲ့။ ဟု ဒေါ်ကေသီ၏အဖွားကပြောဖူးသည်။  ဒေါ်ကေသီစိုက် သမျှအပင် ရှင်သည်ချည်းတည်း။တစ်သက်လုံး ရေနား နီးနီးသစ်ပင်ကြီးငယ်တစ်ဝေေ၀နှင့်နေလာခဲ့သော   ဒေါ်ကေသီ အတွက် ယခုနေရာသည် ပစ္စန္တရာဇ် အလားယိုးမှားစရာပင်။ မြေကကျောက်စရစ်ကုန်းခေါင်ခေါင် ၊မြက်တောင်အနိုင်နိုင်ပေါက်ရသည့် နေရာဖြစ်၍ အစ ကတော့မူ ဒေါ်ကေသီအတွက် နေသားမကျလှ။ ရောက်တဲ့ အရပ်မှာပျော်သလိုနေနိုင်အောင် ယောနိသောမနသီကာ ရဖြင့် နေလာသဖြင့် နေသားကျလာသည်။သို့သော်…ရှိရင်း စွဲဝါသနာကို မစွန့်နိုင်သဖြင့် စိုက်တော့ စိုက်ဖြစ်သေး သည်။ အပျိုဘ၀ကမိဘအိမ်မှာလိုတော့မဟုတ်။ အိုးကြီး အိုးငယ်နှင့်ရွက်လှလောက်ဂမုန်းလောက် နှင်းဆီလောက် သာစိုက်ဖြစ်သည်။ စိတ်ရှိသလောက်စိုက်နိုင်သည်ကာ မဟုတ်။ စိတ်အဆာပြေရုံသာ။တန်ဖိုးကြီးဓာတ်မြေသြဇာ၊ ရွက်ဖျန်းဆေး၊ပိုးသတ်ဆေများသုံးစွဲ၍ ရှားပါးလှ သည့်ရေ ကို ဖောဖောသီသီလောင်း သည့်ကြားမှပင် ဒေါ်ကေသီ ၏ ပန်းပင်တို့ရှင်သန်မှုကား အားရစရာမရှိ။ ပွင့်ရန်မူ ဝေ လာဝေးခဲ့သည်။ သို့သော် စိတ်ဓာတ်မကျဘဲ ပြုစုပေါင်း သင်ရေရွှင်ရွှင်လောင်း၍ မြေ တောင်မြှောက်ပေးခဲ့ သော ဂမုန်းပင်လေးကအရိပ်အရောင်ပြလာသည်။
…ဟောတော့..ပွင့်နေပြီတော့…
ယနေ့နံနက်အိပ်ယာအထတွင် ပွင့်ငုံခြောက်ငုံရှိသည့် အနက်မှ တစ်ငုံသော ပန်းဖူးလေးသည် လွှလွှ ဆွတ်ဖြူနေ သောဂမုန်းပန်းလေးပွင့်လာသည်။ ဒေါ်ကေသီ ၏ကြည်နူးဝမ်းမြောက်မှုကား အနှိုင်းမဲ့။ အစအဦး ပွင့် လာသော ပန်းကလေးကို တယုတယကိုင်ကာ ဆွတ်မည် ဟု ဒေါ်ကေသီဟန်ပြင်မိသေး၏။ နောက်သော်အသာ လွှတ်လိုက်ကာ မခူးသေးဟုဆုံးဖြတ်လိုက်၏။ပန်းတစ်ပွင့် ကိုဈေးတွင် အလွယ်တကူသွားဝယ်လျှင် ကိုယ်ကြိုက် ရာ အရောင်အသွေး၊အမျိုးအစားကိုကြိုက်ဈေးပေးကာဝယ်နိုင်ပေ သည်။ထိုပန်းကလေးပွင့်နိုင်ရေးအတွက်  ဈေးတွင်ဝယ်လျှင်ဆယ်ပွင့်မကရနိုင်သည့် ငွေကြေးများကုန်ကျခဲ့သည်ကို ဒေါ်ကေသီမတွက်အား။အချိန်အား ကာယအားတို့အဆစ်စိုက်ထုတ်ခဲ့ရသည်ကိုလည်း ဒေါ်ကေသီ မတွေးမိ။ပန်းတစ်ပွင့်အတွက် နှလုံးစည်းချက်မမှန်ခဲ့သည် ကိုလည်း ဝေဒနာဟု ထင်မှတ် ရမှန်း မသိ။ ပန်းပွင့်လာ သဖြင့် ချမ်းသာကြည်နူးရသော သန္တသုခမှတစ်ပါးအခြား မရှိ။
တကယ်တမ်းမှာမူ ဒေါ်ကေသီသည် သဘာဝပန်းကို သာမက လူသားပန်း ကလေးများကို ပျိုးနေသော ပန်းပျိုး လက်ပိုင်ရှင် အထက်တန်းပြ ဆရာမ တစ်ဦးသာ…။
…………..
မျှော်လင့်မထားသောဧည့်သည်ကအိမ်ရောက်လာသည်။
…ဟောတော့…သားကြီးပါလား။ဘယ်တုန်းကရောက်သလဲ…
အကဲပိုရန်ကောဟု အပြစ်တင်လိုသူ တင်ပါစေ။ တစ်ဦး တည်းသောသားဖြစ်၍သမီးများထက်  ဒေါ်ကေသီ ကအချစ်ပိုသည်။ တစ်ပတ်တစ်ခါ ဖုန်းဆက်စကားပြော ရသည်ကိုပင် အားမရ၍ စာမပြတ်ရေးကာ ဆက်သွယ် တတ်သည်။ မိခင်တစ်ဦး၏ရင်တွင်းထွက်စာ မျက်နှာများ သည် ကောင်းကင် ပမာရှိသည်ဆိုပါမူ သားဆီက လာသောစာသည်တစ်ထွာတစ်ညိုပမာဆိုသော်  ငွေကြယ် တစ်ပွင့်မျှသာတည်း။ သို့သော်..ရင်မှဖွားသောသားသည် အစားထိုးရာမဲ့သောရတနာဟု ဒေါ်ကေသီခံယူထားသည်။
သား၏မျက်နှာကို အကဲခတ်မိကတည်းက ထူးခြားသော အကြောင်းကိစ္စ မရှိဘဲနှင့်မလာတန်ရာဟု ဦးကျော်ခေါင် ထင်ထားသည်။ထင်သည့် အတိုင်းညစာစားအပြီး မိသားစုစကားဝိုင်းတွင် သားက စကားစပြောသည်။
…ဖေဖေနဲ့မေမေ…သားလက်ထပ်တော့မယ်…
ဦးကျော်ခေါင်က ဒေါ်ကေသီကို လှည့်ကြည့်လိုက်သည်။ သူ့အကြည့်မှာ မင်းတို့နှစ်ယောက်တစ်ကျိပ်တည်း တစ်ဥာဏ်တည်းမဟုတ်လားဟူသော သဘော။ ဒါကိုဒေါ်ကေသီရိပ်မိသည်။သူ့ခမျာပြောအံ့မထင်သော သား၏စ ကားကိုကြားလိုက်ရသဖြင့် အံ့အားသင့်ရင်း လှိုက်မောနေ သည့်ကြား မှပင် ခေါင်းကိုအသာယမ်းပြ လိုက်ရသည်။
…ဆိုင်းမဆင့်ဗုံမဆင့်ပါလားသားရယ်…
..ဟုတ်တယ် မေမေ ..သူတို့ဘက်ကအမြန်စီစဉ်ချင်နေတယ် ဆိုလို့သား လာပြော တာ…
သား၏စကားကို ဦးကျော်ခေါင်သတိထားလိုက်မိသည်။ ဌာနလုပ်ငန်းနှင့် ဆက်နွယ်၍ အလွှာပေါင်းစုံမှလူပေါင်း စုံနှင့် ထိတွေ့ဆက်ဆံနေရသော ဦးကျော်ခေါင်အဖို့ ပါးစပ်ဟရုံနှင့် မည်သို့သဘောရှိသည်ကို သိပြီးသား။ အထူးသဖြင့် မပြည့်စုံသည့်ကိုအကြောင်းအမျိုးမျိုးပြ ကာ တောင်းဆိုမှုနှင့်အပူကပ်မှုများသာအစဉ်လိုလို တွေ့ကြုံဖြေရှင်း နေရသော မြို့နယ်ပညာရေး မှူး အဖြစ် တစ်ဘက်မှပြောဆိုတင်ပြမှု ကို စိတ်ရှည်ရှည်ထား၍ နားထောင်တတ်သောအလေ့က ရှိနေသည်။ နားထောင်ရင်း မည်သို့ဆုံးဖြတ်ရမည်။ မည်သို့ ဖြေရှင်းရမည်။မည်သို့နှစ်သိမ့်ရမည်ကို တွေးပြီး သား။ ယခုလည်း သားဖြစ်သူ၏စကားကိုနားထောင်ရုံမှ တပါး တစ်ခွန်းတပါဒမှ ၀င်မပြော။ သားစကားအရ သားသည်သူ၏လက်ထပ်ရေးကိစ္စကို မိဘများထံမှ အကြံ ဥာဏ် တောင်းခံနေသည်မဟုတ်။သဘောထားကိုလို ချင်နေသည်မဟုတ်။ မိမိဖြစ်ချင်သည်ကိုသာရှေ့တန်းတင်နေသည်သာဖြစ်ကြောင်း ဦးကျော်ခေါင်တွေး မိသည်။ ဘ၀မှာ အရေးကြီး သည့် ကိစ္စတစ်ရပ်ကိုမိဘနှင့်မတိုင်ပင်နိုင်လောက်အောင်အဖြစ် သည်းနေပါပြီကောဟုလည်း တွေးမိသည်။ ဇနီးသည်ကို လှမ်းကြည့်မိရာ မျက်ရည်များဝေ့၀ဲလာ သည်ကို တွေ့ရ သဖြင့် ကမန်းကတမ်းအကြည့်လွှဲ လိုက်ရသေးသည်။
…တကယ်ဆိုမေမေတို့ကိုကြိုအသိပေးဖို့ကောင်းတာပေါ့ သားရယ်…
…သားလဲ အသိပေးမလို့ ပါ မေမေ။ ဒါပေမယ့်… ဒီလောက်ကြီးမြန်လိမ့်မယ် လို့လည်း မထင်မိတာရယ်။ သားရဲ့ရွေးချယ်မှုဟာလဲ မမှားတန်ကောင်း ဘူးဆိုတာ ယုံလို့ရယ် အသိ မပေးဖြစ် တာ ပါမေမေ။သူကရန်ကုန် က ပါ။ သားတို့ကျောင်းက လက်ထောက် ကထိကပါ။ မိဘတွေက စီးပွားရေး လုပ်ငန်း ရှင်ကြီးတွေပါ။ တစ်ဦး တည်းသောသမီးလို့ပြောရတော့မယ်။အစ်ကိုနှစ်ယောက် ရှိ တာ နှစ်ယောက်စလုံးက ပြည်ပရောက်ကုန်ကြပြီ။ အဲဒီနိုင်ငံ မှာဘဲအခြေချတော့မယ့်သူတွေပါ…
…ဗုဒ္ဓဘာသာတွေတော့ဟုတ်ပါတယ်နော်…
စေ့စေ့စပ်စပ်မေးနေသောဇနီးသည်၏မေးခွန်း များ ကို ဦးကျော်ခေါင်စိတ်မ၀င် စားနိုင်တော့ပါ။တင်ပြမှုပြီး လျှင် တောင်းဆိုမှုများ ရောက်လာတော့မည်ကို အလိုလို သိနေသဖြင့် မည်ကဲ့သို့ရင်ဆိုင်တုန့်ပြန်ရမည်ကို သာ တွေးနေမိတော့သည်။ ထင်သည့်အတိုင်းပင် သား ကေ တာင်းဆိုမှု၏နိဒါန်းပဏာမ ကိုစလာသည်။
…သူတို့ဘက်က မတ်တူးတစ်စင်း၊ယုဇနဥယျာဉ်မြို့တော် မှာ တိုက်တစ်လုံး လက်ဖွဲ့မယ်ပြောတယ်။လက်ရှိ ၀တ် နေတဲ့လက်ဝတ်လက်စားတွေအပါအ၀င်ပေါ့။ဘဏ်မှာ လည်း ငွေစာရင်းတစ်ခုဖွင့်ထားမယ်တဲ့။သားတို့ဘက်က ရောဘာလက်ဖွဲ့မှာလဲဟင်…
…ဘုရားရေ…ဘုရားတရင်းဒေါ်ကေသီ၏နှုတ်ဆွံ့အ သွား သည်။ ကြိုတင်မျှော်လင့် ထားသော ဦးကျော်ခေါင်က မူ ဆေးဆေး သက်သာစွာတစ်လုံးချင်းပြောလိုက်မိသည်။
…ဒီမယ်သား..ဖေဖေနဲ့မေမေတို့လက်ထပ်တုန်း ကတော့ ဖေဖေ့ဘက်ကလည်းဘာမှလက်မဖွဲ့လိုက်ဘူး။   မေမေ့ဘက်ကလည်းအလားတူပဲ။တို့လင် မယားနှစ်ယောက်မှာရှိတာက ဆယ်တန်းအောင် လက်မှတ်လေး တစ်စောင်စီ၊ ဆရာဖြစ်လက်မှတ်လေး ကိုယ်စီနဲ့ပဲဘ၀ကိုစခဲ့ကြရတာသား။သားမှာက ဖေဖေတို့ထက်ပို ပါတယ်ကွာ။ သားမှာ ဆရာဝန်ဘွဲ့ဆိုတဲ့ အတတ်ပညာ၊ ကထိကဗိုလ်ကြီးဆိုတဲ့ရာထူး ဒါတွေရှိနေပြီလေ။ ဒါတွေကဖေဖေနဲ့မေမေတို့ရဲ့လက်ဖွဲ့ပဲပေါ့…
…ဟာ..မဟုတ်သေးပါဘူးဖေဖေ ရာ။ သူတို့ဘက်က ဒီလောက်ထိအောင်လက်ဖွဲ့နေမှတော့ သားတို့ဘက် ကလဲ နည်းနည်းပါးပါးတော့စာရင်းပေါက်သင့်တာပေါ့…
…စာရင်းပေါက်သင့်တယ်..ဟုတ်လား..သား..ဒီမှာသား မင်း ဖေဖေကပြော သ လို ဆရာဝန်ဘွဲ့နဲ့ဗိုလ်ကြီးရာထူး သာ မေမေတို့ကလက်ဖွဲ့လိုက်တယ်မထင်နဲ့ မေမေ့နှလုံးသားရော ဖေဖေ့နှလုံးသားပါဆွဲထုတ်ပြီး လက်ဖွဲ့လိုက်တယ်မှတ်ပါသား။ဘာကြောင့်ဆိုသားအပေါ်  အင်မတန်အထင်ကြီး အားကိုးနေတဲ့ မေမေတို့သားကို သူများ ပေးလိုက်ရကတည်းကနှလုံးသားကတစ်ပါတည်းပါ သွားပြီသားရဲ့…ဒေါ်ကေသီ၏စကား က ရှိုက်သံနှောလာ သည်။ ဦးကျော်ခေါင်မနေ သာတော့။ တပ်ဆင့်လှမ်းလာ မည့်သား၏ခြေလှမ်းကိုမျှော် လင့် ရင်း လက်ဖွဲ့ကဏ္ဍကို ဇွတ်ဝင်ဖြတ်လိုက်သည်။
…သား..ဖေဖေတို့အကြောင်း သားသိပါတယ်နော်။ ဒီအချိန် ဒီကာလလို့သတ်မှတ်လာတာက သား။ လိုချင်လို့တောင်းဆိုလာတာကလဲသား။ဒီကိစ္စနှစ်ရပ်လုံးမှာ ဖေဖေတို့အစီအမံမပါဘူးလေ။ သားက သားဖြစ်ချင် တာချည်း ဇွတ်ပြောနေတာ ကိုး။ဖေဖေ တို့ဘက်ကိုလည်း ပြန်ကြည့်ဦးလေ ။ပေးနိုင် မပေးနိုင်ဆိုတာလဲ သားချင့်ချိန်နိုင်ပါတယ်ကွာ။ တကယ် လို့ ပေးနိုင် တယ်ပဲထားဦး။ ဖေဖေတို့ မှာက သားအစ်မနဲ့ သားညီမလေး အတွက်ကရှိသေးတယ်မဟုတ်လား…
…ဟုတ်တယ်လေ..သားမမကMasterတက်လို့မပြီးသေး ဘူး။ သားညီမလေးက G.T.Cမှာ တစ်နှစ်ကျန်သေး တယ်။ဒီနှစ်ယောက်ရဲ့ပညာသင်စရိတ်ကဘယ်လောက်ကြီး တယ်ဆိုတာ သားသိပါတယ်လေ။သားတောင်မှ သား ညီမလေးအတွက်ထောက်ပံ့နေသေးတာမဟုတ်လား…
ဟန်မဆောင်တတ်သော သား၏ကွပ်ကနဲပျက်သွားသော မျက်နှာကိုဦးကျော်ခေါင်ပြက်ပြက်ထင်ထင်မြင်လိုက်ရသည်။ တစ်ခုမရရင် တစ်ဆင့် တက်တတ်သောသား၏စကားကို သာ စောင့်နေမိသည်။
…ထားပါတော့မေမေရာမင်္ဂလာဧည့်ခံပွဲကဟိုတယ်မှာလုပ် မှာ တဲ့။အဲဒါက အကျဉ်းချုံ့လုပ်တာတောင် မနည်းကုန် မှာတဲ့။ အဲဒါ..သားတို့ဘက်က ဘယ်လောက်ထည့်နိုင် မလဲ ဟင်…
…တစ်ပြားမှမထည့်နိုင်ဘူးကွာ…ဦးကျော်ခေါင် ၏ တုန့်ပြန်သံက တင်းမာလှသည်။ဒေါ်ကေသီမှာခင်ပွန်း သည်၏ေ ဒါသနှင့်သားဖြစ်သူ လောဘ တို့ လွန်ဆွဲမှုတွင် ပွဲကြည့်ပရိသတ် လုပ်နေသည်။ ဖခင်၏ဗူးဆို ဖရုံမသီး တတ်သည့်စိတ်ကို သိသောသား က လေအေးနှင့်ချော့ လာသည်။
…သားဆိုလိုတာက တစ်မျိုးပါဖေဖေ။သူတို့အသိုင်းအ၀ိုင်းမှာကမင်္ဂလာဆောင် ဧည့်ခံပွဲမှာ ယောက်ျားလေးဘက်ကဘယ်လောက်အကုန်ခံ တယ်လို့ပြောနိုင်မှမိန်းကလေးရှင်မှာမျက်နှာပွင့်တာဖေဖေ ရဲ့။သားတို့လူငယ်ချင်းတစ် ယောက်အကြောင်းတစ်ယောက် သိပြီး နားလည်ပြီးသားပါ။ ခု.. သားတို့ဘက်ကတစ်ပြားမှ မထည့်နိုင်ဘူးဆိုလည်းဖြစ်ပါတယ်။ဒါပေမယ့် ဘေးကကြားကောင်းအောင်တော့ ဘယ်၍ဘယ်၍ဆိုတာသတင်းလွှင့်ရလိမ့်မယ်ဖေဖေ…
…ပကာသနအတွက်သတင်းလွှင့်ရုံသက်သက်ဆိုလို့ ကတော့ကွာသိန်းတစ်ရာသိန်းတစ်ထောင်အာပေါင်အာရင်း အပြည့်သာလွှင့်လိုက်ပေါ့သားရာ…ယခုမှပင် ဒေါ်ကေသီ ဟင်းချင်နိုင်တော့ သည်။ သို့သော်ချဖြစ်သော ဟင်းမှ မဆုံးခင် တစ်ဝက်တစ်ပျက်ချအပြီး တွင်သားဖြစ်သူ ၏တောင်းဆိုမှုကြောင့်ရွှေရင်ဆို့ရပြန်သေးသည်။
…သြော်..ဒါထက် မေမေ မင်္ဂလာဧည့်ခံပွဲကျရင် ညွတ်နေအောင်ဝတ်ခဲ့ရမယ်နော်။ အ၀တ်အစားက လည်းကောင်း မှ လက်ဝတ် ရတနာတွေကလည်း အပြည့်ပါမှဗျ။ မေမေ့မှာမရှိတာကိုသားသိပါတယ်။  မေမေ့ တပည့်တွေထဲမှာ သူဌေးတွေပြည့် လို့ဘဲဟာ သူတို့ဆီက ငှားဝတ်ခဲ့ပေါ့နော်..မေမေ…
…မဖြစ်နိုင်ပါဘူးသားရယ် မေမေဘယ်တုန်းက သူများ ပစ္စည်းနဲ့ ဟန်ဒြပ်လုပ်ဖူးလို့တုန်းသားရဲ့။ ဒီမှာသား တို့ မေမေဟာ ပစ္စည်းဥစ္စာ ဓနကြွယ်ဝသူတွေ မဟုတ်ပါဘူးကွယ်။ မေမေတို့မှာ ကြွယ်ဝချမ်းသာ တာက မေတ္တာ၊ ဂရုဏာ၊ မုဒိတာ၊ဥပေက္ခာ ဆိုတဲ့ ဗြဟ္မစိုရ်တရားလေးပါးပဲရှိ တယ်။သားကိုမေမေ တို့ချစ်တယ်။သားနဲ့ ဆက်နွယ်လာမယ့် မိန်းကလေးကို လဲသမီးလေး လိုချစ် မယ်။ဒီချစ်ခြင်းမေတ္တာတွေရင် မှာအပြည့်ဆင်ပြီးလာရင်မလုံလောက်သေးဘူးလားကွယ်…
ဒေါ်ကေသီ၏စကားကြောင့်သားဖြစ်သူငိုင်ကျသွားသည်။ သို့သော်…တောင်းဆိုချက်တစ်ခုကိုမူတောင်းဖြစ်အောင်တောင်း လိုက်သေးသည်။
…မေမေ မနက်ဖြန်ကျရင်သားချစ်သူ အိမ်လည်လာမှာနော်။ သူကသားနဲ့ တပါတည်း လိုက်လာတာ။ ခု..သူ့အမျိုး တွေဆီမှာတည်းတယ်။ နက်ဖြန်ကျရင် သားတို့ဆီ လာလည်မှာတဲ့။ သားချစ်သူ ဟတ်ထိသွားအောင် မေမေ့လက် ရာဂွတ်ရှယ်နဲ့ ဧည့်ခံပေးပါဦးနော်…
……………..
သားပူဆာသဖြင့် ဈေးသို့အစောကြီးသွားရသည်။ သားကြိုက်တတ်သည့်အစားအသောက်နှင့် ရန်ကုန်သူ များမက်လောက် သည့် အညာထွက်ဟင်းလျာများ ၀ယ်ခြမ်းပြီး အိမ်သို့သုတ်ခြေတင်ခဲ့သည်။ အိမ်အ၀င်တွင်…
မနေ့ကကိုင်ရုံသာကိုင်ကြည့်မိပြီး မခူးရက်၍ ယနေ့မှခူး ဆွတ်ကာ ဘုရားတင်ရန်ရည်ရွယ်ခဲ့သည့် ဂမုန်းပွင့်ဦး ကို သားကိုယ်တိုင်ခူးဆွတ်ကာ သူ၏ချစ်သူအားပန် ဆင်ပေးနေ သည်ကို မြင်တွေ့လိုက်ရာ… ပန်းပျိုးလက် ပိုင်ရှင် ဒေါ်ကေသီအဖို့ သန္တဝေဒနာတို့ဖြင့် တစ်ကိုယ်လုံး ဖုံးလွှမ်းဆို့နစ်သွားလေေ တာ့သည်။

                                             ခင်လယ်လယ်ချစ်

Ineternet ချစ်သူ

Internet တဲ့
နှလုံးသားချင်း
ချိတ်ဆက်မိတဲ့ ကွန်ယက်လေး….။
အနေဝေးနေပေမယ့်….
Keyboard ပေါ်လက်တင်လိုက်ရုံနဲ့
နှလုံးသားနှစ်ခု….
နီးကပ်စွာခံစားခဲ့ရ….
မီးစိမ်းလေးမြင်နေရရင်
ချစ်သူမျက်နှာမြင်နေရသလို
ကြည်နှုးပျော်ရွှင်ခဲ့ရပြန်၏
တွေ့လိုဇောနဲ့
Computer ရှေ့ထိုင်မိစဉ်
သူမရှိလျှင် ငိုချင်လာမိ
မျှော်တော်ဇောနဲ့မောနေ၏
နှောင်တွယ်မိတဲ့ သံယောဇဉ်ြုကိုး
Connection ဓားနဲ့ အခါခါပိုင်းဖြတ်ပေမယ့်
ထပ်ထပ်ရစ်ပတ်…..။
နှလုံးသားချင်းကတော့နီးလျက်ပါ……

ကြယ်စင်လင်းလက်

အချိန်ကိုကောင်းစွာစီမံခန့်ခွဲနိုင်ပါစေ

အချိန်ကိုကောင်းစွာစီမံခန့်ခွဲနိုင်ပါစေ 

အချိန်ကိုစီမံခန့်ခွဲနိုင်သူသည်ဆုကြီးတစ်ဆုကိုအကောင်း ဆုံးပိုင်ဆိုင်နိုင်သူဖြစ်ပါလိမ့်မည်။ထိုဆုမှာအရာရာ ကိုအောင်မြင်နိုင်သူဆိုသည့်ဆုပင်ဖြစ်ပါသည်။ တစ်နေ့ လျှင်(၂၄)နာရီဟုသောအချိန်ကို လောကရှိလူတိုင်းပိုင် ဆိုင်ကြပါသည်။အချိန်ကိုအကောင်းဆုံးစီမံခန့် ခွဲတတ်သူ သည် အကောင်းဆုံးပန်းတိုင်ကို ရောက်ရှိနိုင်သော်လည်း အချိန်ကိုအလဟသဖြုန်းတီးတတ်သူသည် လောကတွင် အချည်းအနှီးသာဖြစ်ကာလူများအလည်ပွဲလည် မတင့်ဖြစ် ကြရပါသည်။

အချိန်ကိုစီမံခန့်ခွဲမှုသည် ခရီးဆုံးပန်းတိုင်ချမှတ်ကာဘ၀ တွင်အောင်မြင်လိုသူများအတွက် အလွန်အရေးကြီးပါ သည်။အချိန်ကိုစီမံခန့်ခွဲရာမှာသည်မည်သည့်အလုပ်ကိစ္စ  သည်အရေးကြီးသည်။မည်သည့်ကိစ္စကတော့  နောက်မှဆုံးဖြတ်မည်။ မည်သည့်အချိန်မှာမည်သို့ပြုလုပ်ရမည်စသဖြင့် ကိုယ်ပိုင် ဥာဏ်ဖြင့်စဉ်းစားခြင့်ချိန်တတ်ဖို့လိုပါသည်။စဉ်းစားချင့်ချိန် တတ်ဖို့ဆိုရာတွင်လည်းပညာသည်အခရာဖြစ်လာပြန်ပါ သည်။ အရေးကြီးသည်မကြီးသည်ကိုခွဲခြားဆုံးဖြတ်ရန် မှာလည်းမှန်ကန်တိကျဖို့လိုပြန်ပါသည်။ထို့အတွက် ကြောင့် အတွေ့အကြုံနှင့်ဥာဏ်ပညာရှိမှုသည်လည်း အခရာဖြစ် ပါသည်။

မိမိအတွက်(၂၄)နာရီသာရသော တစ်နေ့တာအချိန်များ တွင် လုပ်ငန်းလုပ်ဆောင်ဖို့ရာမှာ ဦးစားပေးအစီအစဉ် များရေးဆွဲထားပြီးမှရရှိသောအချိန်အတိုင်းအတာအတွင်း ဦးစားပေးအစီအစဉ်အတိုင်း လုပ် ဆောင်ကြ ရမှာဖြစ် ပါသည်။သို့မဟုတ်ပါကအလုပ်များလေလေဗျာများ ရလေလေဖြစ်ပြီး မုန့်စားရင်း လှည်းစီးငါးနှစ်ကောင်ဖမ်း အဖြစ်မျိုးနဲ့ကြုံရကာအခွင့်အရေးများအားလုံးလက်လွှတ် ဆုံးရှုံးရတတ်ပါသည်။

အချို့သူများကအချိန်လေအချိန်လွင့်များရှိခဲ့သောအကြောင့်  ဘ၀မှာအောင်မြင်မှုနှင့်မကြုံလိုက်ရသည်မှာကိစ္စမရှိသော် လည်း ကြိုးစားသူများဖြစ်ပေမယ့် အချိန်ကိုကောင်းစွာစီမံ ခန့်ခွဲမှုမရှိခဲ့သည့်အတွက် အောင်မြင်မှု  နှင့်အလှမ်းဝေးရ မည်ဆိုလျှင်အလွန်နှမြောတသဖို့ကောင်းပါသည်။ထို့ကြောင့် အလုပ်တစ်ခုကိုလုံ့လ၀ီရိယဖြင့်အားကျိုးမာန်တက်ဆောင် ရွက်နေသူများမှာလည်းအချိန်ကိုအကောင်းဆုံးစီမံခန့်ခွဲ တတ်ဖို့လိုအပ်မှာဖြစ်ပါသည်။

“ငါအောင်မြင်ချင်ပါတယ်။အောင်မြင်တဲ့သူတစ်ယောက်ဖြစ်ချင်ပါတယ် ဒါကြောင့်အချိန်တိုင်းလိုလိုငါအလုပ်တွေနဲ့ပဲ အချိန် ကုန်နေပါတယ်”ဟုဆိုပြီးလည်းအချိန်တိုင်းမှာအလုပ်ချည်း လုပ်နေရမည်မဟုတ် ပါ။ နံနက်အိပ်ရာစောစောထမယ်။ ကျန်းမာရေးအတွက် လေ့ကျင့်ခန်းလုပ်မယ်။လမ်းလျှောက် မယ်။နံနက်စာစားမယ်။(နံနက်စာကို လည်းကောင်းကောင်း စားရပါမည်။ ဒါမှဦးနှောက်က ကိုယ့်ကိုပံ့ပိုးပေး နိုင်မှာပါ။ ) စောစောထ၊ သွားတိုက်၊ မျက်နှာသစ်၊ကိုယ်လက်လေ့ကျင့်ခန်းလုပ်အစားစား စသဖြင့် အဲဒီလိုလုပ်ငန်းစဉ်တွေကိုအရင်လုပ်ဆောင်ပြီး မှ အလုပ်ကိစ္စနဲ့ပတ်သက်ပြီး ဘယ်အချိန်မှာဘာလုပ် မယ်။ ဘယ်သူနဲ့တွေ့မယ်။ ဘယ်ကိစ္စကိုအရင်ဖြတ်မယ်။ အစသဖြင့် စီမံခန့်ခွဲထားရမှာဖြစ်ပါသည်။ လူဆို သည်မှာ စက်ရုပ်မဟုတ်သောကြောင့်အချိန်တိုင်းအလုပ်ချည်း လုပ်နေရမှာမဟုတ်ဘဲ နားချိန်များလည်း ပေးသင့်ပါ သည်။ဗဟုသုတရရှိရေးအတွက်လည်းစာဖတ်ဖို့လို ပါသေး သည်။

ထို့ပြင်ယနေ့လုပ်ရမည့်ကိစ္စကိုနောက်နေ့မရွေ့ဖို့ လည်းလိုပါသေးသည်။အချို့သူများသည် ယနေ့လုပ်ရ မည့်အလုပ်ကို နောက်နေ့မှလုပ်တော့မယ် ..နောက်နေ့ လုပ် လိုက်ပေါ့ စသဖြင့် အချိန်ကို ရွှေ့တတ်ကြပါသည်။ ယနေ့လုပ်ရမည့်အလုပ်သည် ယနေ့ပြီးအောင်လုပ်လျှင် အကောင်းဆုံးဖြစ်သော်လည်း နောက်နေ့ရွှေ့လိုက်မည်ဆို ပါကအဆင်ပြေနိုင်ချင်မှပြေပါလိမ့်မည်။ထို့ကြောင့် ယနေ့ လုပ်ရမည့်အလုပ်မှန်သမျှ ယနေ့အပြီးလုပ်ဆောင်စေမှ သာလျှင်နောက်နေ့လုပ်ရမည့်အလုပ်ကိစ္စအတွက် အခက်အခဲမဖြစ်မှာပါ။

လောကရှိလူတိုင်းလူတိုင်းတွင်တစ်ကြပ်၊နှစ်ကြပ်၊ သုံးကြပ် စသဖြင့်အခက်အခဲအကြပ်အတည်း များစွာရှိကြ မှာပါ။ အခက် အခဲအကြပ်အတည်းများကို အောင်မြင် စွာကျော်ဖြတ်နို င်သူများသည်အချိန်ကို အကောင်းဆုံးစီမံ ခန့်ခွဲနိုင်သူများဖြစ်ကြကာအချိန်ကိုကောင်းစွာစီမံမခန့် ခွဲနိုင်သူများသည်သာအခက်အခဲအကြပ်အတည်း၏ သားကောင်များဖြစ်ကြရပါသည်။

လောကရှိလူတိုင်းလိုလိုသည်သူတစ်ပါးအကြောင်းအရာကိုဖြင့် စိတ်ဝင်စားကြပြီးကိုယ့် ကိုယ်ကို တော့မေ့ထားတတ်ကြ ပါသည်။ ငါဘယ်လိုလူမျိုးလဲ ငါဘယ်လိုလူစားလဲ ငါဟာ.. စသည် ဖြင့်ကိုယ့်ကိုယ်ကိုဝေဖန်စဉ်းစားသုံးသပ်ဖို့ ကိုတော့ မေ့နေကြကာ သူတစ်ပါးကိုသာ စိတ်ဝင်စား တတ်ကြသူများလည်း လောကကြီးတွင်ဒုနဲ့ဒေးပါ။ မိမိဘ၀အောင်မြင်ရေးအတွက်မည်သို့မည်ပုံပြုမူဆောင် ရွက်ရမည်။သူတစ်ပါးအောင်မြင်နေသည်ကို အတုမယူ ကြပဲ လေဖမ်းဒန်းစီးရင်းဖြင့်သာအချိန်ကုန်နေကြပါသည်။ အချိန်ပိုရှိနေလျှင်အတွေ့အကြုံဗဟုသုတရရှိအောင်စာအုပ် စာပေများကိုဖတ်မှတ်နေရမည့်အစားဟိုယောင်  ယောင် ဒီယောင်ယောင်အလာပသလာပများပြောကာအချိန်ကုန်နေကြ သူများလည်းရှိကြပါသည်။ မြန်မာ နိုင်ငံနေရာအနှံ့အပြားရှိ လက်ဖက်ရည်ဆိုင်များတွင်အချိန်ဖြုန်းနေတတ်သူများစွာ ရှိပါသည်။ထိုအထဲတွင် လွတ်လပ်တက်ကြွသည့်လူငယ် များက ရာခိုင်နှုန်းများစွာပါဝင်နေသည်ကိုတွေ့နေရပါ သည်။

တစ်ချို့လူငယ်လေးများက တစ်ခြားနိုင်ငံမှာသွားရောက် အလုပ်လုပ်ကြပါသည်။ သူများနိုင်ငံတွင်သူတစ်ပါးမလုပ် ချင်သည့်အလုပ်များကိုပင်ပန်းဆင်းရဲစွာလုပ်ကိုင်ကြရပါ သည်။ အချိန်နားရသည်ဟူပင် မရှိသလောက်ရှားပါးပါ သည်။မိမိမှာ(၂၄)နာရီသာပိုင်ဆိုင်သည့်အချိန်မှာ နားချိန် ပင်မရှိပင်ပန်းဆင်းရဲသလောက်ရရှိလာသည့် လုပ်အားခ မှာ မပြောပလောက်ပါ။ သို့ သော် ….ကိုယ့်နိုင်ငံမှာရော အချိန်ကိုအကျိုးရှိရှိစီမံခန့်ခွဲပြီးလုပ်ကိုင်လျှင်ရောသူတစ် ပါးနိုင်ငံကပေးသည့်လုပ်ခလစာထက်မနည်းနိုင်ဘူးဟု  မြင် မိပါသည်။သူတစ်ပါးနိုင်ငံမှာပင်ပန်းဆင်းရဲစွာသွား ရောက်  လုပ်ကိုင်ပြီးရရှိလာသည့်လုပ်ခလစာများကို အကျိုးရှိရှိစီမံ ခန့်ခွဲကာသုံးသင့်သည်ကိုသုံးစုသင့်သည်ကိုစုကာ အရင်း အနှီးရရှိလာလျှင်ဖြင့် မိမိနိုင်ငံမှာပြန်ပြီးရင်းနှီးမြှုပ်နှံကြ ရင်ရောမကောင်းပေဘူးလား။ နိုင်ငံခြားတိုင်း ပြည်များသို့ သွားရောက် လုပ်ကိုင်ကြသည့် စာရေးသူ၏မိတ်ဆွေများ ကိုလည်းသူတစ်ပါးနိုင်ငံမှာအထိုက် အလျောက်ပဲ အလုပ် လုပ်ပြီးကိုယ့်နိုင်ငံကိုပြန်ပြီးအလုပ်လုပ်ကြပါလားဟု ဒီစကားမျိုးအမြဲတမ်းပြောပြ ဖြစ်ပါသည်။

လူ့ဘ၀ဟူသည် ခေါက်ရှာငှက်ပျံသကဲ့သို့ နိမ့်တုံမြင် တုံဖြစ် တတ်ပါသည်။ လောကကြီးသည် အ ကောင်းနှင့် အဆိုးဒွန်တွဲနေတတ်ကြပေမယ့်လည်း အဆိုးနှင့်ကြုံလာ လျှင်ခံနိုင်ရှိအောင်မွေးမြူရမှာဖြစ်သကဲ့သို့အကောင်းနှင့်ကြုံ လာလျှင်လည်း ၀မ်းမြောက်ဝမ်းသာဖြစ်ကြရပြန်ပါသည်။ အကောင်းနှင့်အဆိုးအကြောင်းနှင့်အကျိုးတို့သည် ဒွန် တွဲနေတတ်သည့် လောကကြီးတွင် ကျရာဇာတ်ရုပ်မှ အကောင်းဆုံးသရုပ် ဆောင်ကြဖို့ရာမှာ မိမိ၏အသိ ဥာဏ်နှင့် အချိန် ကို စီမံခန့်ခွဲတတ်မှုတို့ရှိမှဖြစ်ပါမည်။  

မြန်မာ့ယဉ်ကျေးမှုတွက်အချိန်ကို“ထမင်းတစ်အိုးချက်၊ ကွမ်းတစ်ယာညက်၊ နေထန်းတစ်ဖျား စသည့်ဖြင့် အချိန်ကိုတိုင်းတာသတ်မှတ်ကြပါသေးသည်။မည်သို့ပင်ဆိုစေ ငယ်ရွယ်စဉ်အခါကတည်းက အချိန်နာရီကို တိတိကျကျ သတ်မှတ်လုပ်ဆောင်တတ်လျှင် နောင်ဝယ်လူကြီးဖြစ်လာ သည့်အခါတွင်လည်း၎င်းအကျင့်သည် တပါတည်းပါသွား မှာဖြစ် ပါသည်။


မြန်မာ့ယဉ်ကျေးမှုတွက် အချိန်ကို“ထမင်းတစ်အိုးချက်၊ ကွမ်းတစ်ယာညက်၊ နေထန်းတစ်ဖျားစသည့်ဖြင့်အချိန် ကို တိုင်းတာသတ်မှတ်ကြပါသေးသည်။မည်သို့ပင်ဆိုစေ ငယ်ရွယ်စဉ်အခါကတည်းကအချိန်နာရီကိုတိတိကျကျ သတ်မှတ်လုပ်ဆောင်တတ်လျှင် နောင်ဝယ်လူကြီးဖြစ်လာ သည့်အခါတွင်လည်း၎င်းအကျင့်သည်တပါတည်းပါသွား မှာဖြစ်ပါသည်။

လူဆိုသည်မှာ စိတ်ကူးအိပ်မက်ရှိရမည်။ ရည်မှန်းချက် ပန်းတိုင်ရှိရမည်။ခရီးဆုံးပန်းတိုင်ချမှတ် ဖော်ဆောင်ရာမှာ လည်း မိမိ၏အသိပညာနှင့်အချိန်ကို ကောင်းစွာစီမံခန့်ခွဲ တတ်မှုရှိမှသာလိုရာခရီးကိုရောက်နိုင်ပါလိမ့်မည်။ငယ်ရွယ် စဉ်အခါမှာနိမ့်ပါးနေပါက ပြန်ကြိုးစားလျှင်ရနိုင်သော်လည်း ဘ၀၏ နှောင်းပိုင်းကာလများမှ ကြိုးစားမည်ဆိုလျှင်အခါ လွန်မိုးဖြစ်ပါလိမ့်မည်။

နာရီလက်တံသည် မရပ်မနားတစ်ဖြေးဖြေးရွေ့လျားနေ ပါသည်။ အချိန်ကိုတန်ဖိုးထားမှဘ၀ကိုတန်ဖိုးထားရာ ကျ မှာဖြစ်သည့်အတွက်ငယ်ရွယ်စဉ်အခါကတည်းကမိမိပိုင် ဆိုင်ထားသည့်တစ်နေ့လျှင်(၂၄)နာရီဟူသောအချိန် ကို ကောင်းစွာစီမံခန့်ခွဲကာ အကျိုးရှိရှိအသုံးချမည်ဆိုပါ ကသင်သည် အောင်မြင်သောလူ တစ် ယောက်ဖြစ်မည် မှာမလွဲပါ….။ 

ခင်လယ်လယ်ချစ်(မြန်/ဂုဏ်)

ပေးတဲ့မေတ္တာ အတူတူပါ

ပေးတဲ့မေတ္တာ အတူတူပါ 

ဗျာ…အဖေအကြောင်းဟုတ်လား…ဆရာမ ဘယ်နစ်ဗျာ စာရေးဆရာမ ကြီးတစ်ယောက်က ကျွန်တော့် လို  ကျေးလက် သားကိုမှ အဖေအကြောင်း လာမေးနေရ တယ်လို့ ရေးလိုက်စမ်းပါမြင့်မိုရ်တောင်ကြီး တစ်တောင် လုံးရှိ နေသားပဲ။ မြင်မိုရ်ကိုသာရေးလဲအမျိုးမျိုးနဲ့လှည့်သုံး၊ ထွက်လာလိုက်မယ့် အဖေ့အကြောင်းတွေ။ ကိုယ်မရေး လဲမဟာဗြဟ္မေလျှာကုဋေနဲ့ ကဗျာကဝေ ဆရာစလေလို ဆရာဆရာတွေကလည်းဒီခောတ်မှာ ပေါမှပေါမဟုတ်လား။ ရေးပြကြပါလိမ့်မယ်ဗျာ..။

ခုဟာက…ကျေးလက်သားလည်းဖြစ်ပြန်၊စာပေဗဟုသုတ ကြတော့လဲ ခပ်နဲနဲသာရှိတဲ့ ကျွန်တော်ကိုမှ အဖေ့ အကြောင်းလာ မေးတာဆိုတော့ ခက်ပြီပေါ့ဆရာမရယ်။ ဒီထက်ခက်တာရှိသေး၊ ကျွန်တော်ကအဖေဆို ဘယ်လို ပါလို့ မမြင်လိုက်၊ မတွေ့လိုက်၊ မသိလိုက်ရတဲ့သူလေး။ အဖေ့အ ကြောင်းဘယ်လိုပြောပြတတ်ပါ့မလဲ။

ဒါပေမဲ့အဖေကိုသာမသိလိုက်၊ မမီလိုက်တာပါနော်။ ကျွန်တော့်ဘ၀နဲ့ပတ်ပတ်သက်သကယှက်ယှက် နွယ်နွယ် ရှိခဲ့တဲ့ အဖေမဟုတ်တဲ့ အဖေတွေ အကြောင်းကိုတော့ ကျွန်တော်ကောင်းကောင်းသိသဗျ။
ဒီအကြောင်းတွေက ဆရာမအတွက် တွေးကွက်ရေး ကွက်ဖြစ်တယ်။ စာပေ၀မ်းစာ၊ စာပေကုန်ကြမ်းဖြစ်မယ် ဆိုရင်တော့ ပြောပြရတာပေါ့လေ။

သ်ိပ်ဆန်းလှတာတော့မဟုတ်ပါဘူးဗျာ။ ဖြစ်ရိုးဖြစ်စဉ်ဆိုပေမဲ့ ဗွီဒီယို ဇာတ်လမ်းဆိုရင် ပရိတ်သတ်မျက်ရည်ချူနိုင် မယ့် ဇာတ်ကွက်လို့ ပြောရမယ် ထင်ရဲ့။

လင်သည်ယောင်္ကျားက ရွာမှစီးပွားရေးမပြေလည်လို့ တစ်နယ် တစ်ကျေးသွားပြီးစီးပွားရှာ၊ ဇနီးသည်က ကိုယ် ၀န်အရင့်အမာနဲ့ကျန်ခဲ့။ ခင်ပွန်းကွယ်လွန် တဲ့ သတင်းကြားရတော့ ဇနီးသည်က မီးတွင်းထဲမှာ ပဲ သွေး တက်ပြီး ဆုံးပါသွား။ ရက်သားလူမမယ်ကလေး ကျန်ရစ်။ ဒီကလေးကို အဒေါ်လုပ်သူက ကျွေးမွေးပြုစုစောင့်ရှောက် လာခဲ့။ ဒါပါပဲဗျာ..ကျွန်တော့် ဘ၀အစ။ ဆိုပါတော့…ဒေါ်လေးငွေကျော့က ကျွန်တော်ကိုမွေးစား ခဲ့တယ်။ ဒီမှာထွေးလေးမောင်နဲ့ ကျွန်တော်ပတ်သက်ခဲ့ ရပြီပေါ့။ ကိုမောင်တင်ဆိုတာ ဒေါ်လေးရဲ့ယောက်ျား။ တင်းထားလိုက်တဲ့မျက်နှာ..သံမဏိတုံးက အဘခေါ် ရလောက်တယ်။ အပြုံးအရယ်ဆိုတာဝေလာဝေး၊ စကားပြောလိုက်ရင်လဲပိသာလေးနဲ့  ဘေးပစ်တာခံသာသေးတယ်။ ပြီးတော့..သူအသိ၊သူအတတ်၊ သူပြောတာကမှ အမှန်ဆိုတဲ့ တကယ့်ကို တစ်ယူ သန် သမား။ တစ်ရွာလုံးက အော့ကျေလန်တဲ့ ဘုဂလန့်သမား။

ဒေါ်လေးကတော့ကိုယ့်သွေးကိုယ့်သားမို့ ကျွန်တော်အပေါ် ချစ်ရှာပါတယ်။အစားအ၀တ်မချို့တဲ့အောင်  ကျွေးမွေးပြုစုစောင့်ရှောက်ပါတယ်။ ဒါပေမဲ့ယောက်ျား ကို ကြောက်ရတဲ့သူဆိုတော့လက်သိပ် ထိုးလောက်ပဲ တတ်နိုင်တာပါ။ ”သားလို့ခေါ်ချင်တာတောင် ယောက်ျားကွယ်ရာမှ အသံ ထွက်ခေါ်ရဲရှာတဲ့အဖြစ်။ ထွေးလေးမောင်ကတော့“ဟဲ့. .ကောင်လေး” လို့ ခပ်ငေါက်ငေါက်ခေါ်တတ်ရဲ့။ ဒီလို လူစားမျိုးက ကျွန်တော့်ကို သားအဖြစ် အသိအမှတ်မပြု ခဲ့တဲ့ ဖြစ်စဉ်တစ်ရက်ရှိခဲ့တယ်ဆိုရင် ယုံမလားတော့ မသ်ိဘူး တကယ့်ကို တိုက်ဆိုင်လွန်းလှတဲ့ ရှားပါးဖြစ်စဉ်လေး တစ်ခုရယ်ပါ။

အရင်တုံးက ကျွန်တော်တို့ရွာမှာ အလယ်တန်းကျောင်း မရှိသေးဘူး။ စာသင်ချင်ရင် ဘုန်းကြီးကျောင်းကိုသွား ရတယ်။ ကျွန်တော်ဘုန်းကြီး ကျောင်းသား လုပ်ခဲ့ရသေး တာပေါ့။ ကျွန်တော်ခြောက်နှစ်သားလောက်မှာ အတန်းကျောင်းစဖွင့်တယ်။ ကျောင်းဖွင့်ကာစမှာ ကျောင်း သားမရှိတော့ ကျောင်းအုပ်ကြီးခင်ဗျာ တစ်အိမ်တက် တစ်အိမ်ဆင်းပြီး ကျောင်းသားစုလိုက်ရတယ်။ မိဘတွေ စီးပွားရေးမသောင်သာတော့ အတန်းကျောင်းထားရင် စရိတ်ကုန်မှာမိုလို့မထားချင်ကြဘူးလေ။ဘုန်းကြီးကျောင်း ဆိုတာကသေစာ ရှင်စာတတ်တယ်ဆိုပေမဲ့ ထမင်းလဲဝ ပညာလည်းရနေတာမဟုတ်လား။ ဒီတော့လဲ… ဘုန်းကြီးကျောင်း ပဲထားချင်ကြတာပေါ့။

“ဟဲ့..ကောင်လေးငါ့နောက်လိုက်ခဲ့” လို့ထွေးလေးမောင်တင်ခေါ်တာမ်ို့ ခပ်ကြောက်ကြောက်နဲ့ လိုက်လာခဲ့ရတယ်။ ဘယ်ကိုလဲဆိုတာ ကျွန်တော် မမေး ရဲခဲ့လို့မသိခဲ့ဘူး။ လက်စသပ်တော့ ထွေးလေးက ကျွန်တော့်ကို ကျောင်းအပ်ဖို့ခေါ်သွားတာကိုး။ ရွာမှာပထမဆုံးကျောင်းအပ်ခံရတာကျွန်တော်ပဲ။  ကျောင်း အပ်ရောဆိုပါတော့ဗျာ။ ကျောင်းအုပ်ကြီးကျွန်တော့် နာမည်မေးတယ်။ ပြီးတော့အဖေနာမည်လို့ဆက်မေးတယ်။ ထွေးလေးကလဲ ချက်ချင်းပြန်ဖြေတယ်။မောင်တင်တဲပဗျား။

အဲဒီလိုဖြေလိုက်တာ။အဲဒီတုံးကတော့ဘာမှန်းမသိခဲ့သေး တဲ့လူမမယ်ကျွန်တော်တစ်ကိုယ်လုံးကြက်သီးတွေ  ဖြန်းဖြန်းထသွားတာ အခုတွေး ရင်း အခုခံစားရတယ် ထင်မိတယ်။ ဒါတင်ဟုတ်ရိုးလားဗျာ။ ကျောင်းအပ်ပြီး ထွေးလေးပြန်မယ် လုပ်တော့ကျွန်တော့မှာနေရာသစ်လည်းဖြစ်ပြန်၊ ကျောင်း အုပ်ကြီးဆိုတာလည်းကြောက်ရ၊ စကားဖော် ဘုန်းတော်ကြီးကျောင်း က သူငယ်ချင်းတွေနဲ့ လဲခွဲရဆိုတော့ အားငယ်ပြီးမျက်ရည်ကျတော့တာပါ။ ဒီတော့ထွေးလေးက တစ်သက်လုံးတင်းထားတဲ့ မျက်နှာကြောကြီးကို လျှော့ပြီး လေသံပျော့လေးနဲ့နှစ်သိမ့်ရှာတယ်။ ”မင်းစာတတ်ကြီး ဖြစ်အောင် လို့ပါကွာ၊ မငိုနဲ့တိတ်.. တိတ်..“ဆိုတဲ့စကားလေးသာပြောပြီးကျွန်တော့်ကို ကျော သပ်ရင်း တစ်ခါထဲလှည့်ထွက်သွားတော့တာပဲ..။

ဒါတင်မကသေးဘူးနော်၊ ဒေါ်လေးပြန်ပြောလို့သိရတာရှိသေး။ ”ကောင်လေးကို အတန်းကျောင်းထားလိုက်ပြီ။ ဒီကောင်လေးစာတတ်မှတို့ လိုမဆင်းရဲ မှာ ကောင်လေး ကိုစာကြိုးစားဖို့ပြော၊ လိုတာရှိ လဲကြည့်ဝယ်ပေး လိုက်” တဲ့။

အမြဲတမ်းတင်းမာနေတဲ့ မျက်နှာထားအောက်မှာ ကျွန်တော့်ကို စာတတ်စေချင်တဲ့ နှုးညံ့တဲ့စေတနာတရား ရှိနေတယ်ဆိုတာ ဟိုတုန်းက သဘောမပေါက်ပေမဲ့ ခုတော့ကောင်းကောင်းကြီးနားလည်နေပါပြီဗျာ။

ဒါတွေက ထွေးလေးမောင်တင်အကြောင်းပါ။ ကျောင်းဝင် မှတ်ပုံတင် စာရင်းမှာ အဖေနာမည်ခေါ်ရုံတင်မကပဲ သား တစ်ယောက်ကို တတ်စေချင် တဲ့ ဖခင်ရဲ့စေတနာမျိုး ထားခဲ့သူဆိုတော့ ကျွန်တော်အဖေမဟုတ်ပေမယ့် တကယ်တော့အဖေစစ်စစ် နံပါတ်တစ်ဆိုရင် မှားမလားဟင်?

ဆက်ပြောရမယ်ဆိုရင်တော့ ကျွန်တော် ၄တန်းအောင်တော့  ၅တန်း တက်ရမယ်။ တက်ရ မယ့်ကျောင်းက ရွာနဲ့၈မိုင်လောက်ဝေးတဲ့ အုပ်စု ရွာကြီး မှာရှိတဲ့ အလယ်တန်းကျောင်း။  နေ့ချင်းပြန်တက်ဖို့ဆိုတာ မဖြစ်နိုင်တော့ ဦးလေးမောင်တင်က တမျိုးစီစဉ်ပြန်တယ်။ အဲဒီရွာက ဘုန်းကြီးကျောင်းမှာ ကျောင်းအိပ်ကျောင်း စားနေရင်းကျောင်းတက်ဖို့ ပေါ့လေ ဆရာတော်ကလဲ သူ့ရဲ့ဦးကြီးအရင်းဆိုတော့ ထူးပြီးလျှောက်စရာ မလိုဘူးပေါ့။  ကျွန်တော့် အတွက် ပညာရေးကံပါ တယ်ပြောပါတော့… ဆရာတော်က လိုလိုလားလား လက်ခံတယ်။

ဆရာတော်ကဟိုတုန်းက တန်းမြင့်ကျောင်းထွက်လို့ ခေါ် တဲ့ စာမေးပွဲ အောင်ပြီးနောက် သင်္ကန်းဝတ်ခဲ့တာ၊ ဓမ္မ စရိယပြီးပြီး တာဆိုတော့ ခေတ်လဲမီတယ်။ ဗဟုသုတ လဲကြွယ်ဝတယ် ပညာရေးကိုလဲအားပေးတယ်။ ကြိမ်မကိုင် မငေါက်ငမ်းပဲနဲ့ ဘုန်းကြီးကျောင်းသား(၂၀) ကို ညင်ညင်သာသာထိန်း ကျောင်းနိုင်ခဲ့သည့်ဆရာတော် ပါ။

ဆရာတော်မှာ ဆုပေးဒဏ်ပေးစနစ်ရှိတယ်။ ဘုန်းကြီးကျောင်းလုပ်ငန်း ပျက်ကွက်လို့ဒဏ်ပေးလျှင် သက်ညှာပေမယ့် အတန်းကျောင်းကစာမရလို့၊ စာမေးပွဲ ကျလို့ ဒဏ်ပေးပြီဆိုရင်တော့ မသက်သာဘူးမှတ်။ သဲဒဏ်၊ရေဒဏ် ဆိုတာပြောတော့တာဘာမှမဟုတ်တာ။ ဘယ်လောက်ဒဏ်ပြင်းတယ်ဆိုတာ ခံရဖူးတဲ့ကျောင်း သား မှပဲသိမယ်။ ကျွန်တော်တောင် ကိုယ်တိုင်ဒဏ် မခံရဖူး ပေမယ့်ဒဏ်ခံကျောင်းသားတွေကိုကြည့်ပြီး မောနေရ ဖူးတယ်။ စဉ်းစားကြည့်လေ..တလင့်မျက်ခေါင်သဲပြင်ကြီး ဆီက ကျောင်းအရောက်အကြိမ် ကြိမ်အခါခါ အခေါက် အလီလီ သဲသယ်ရတာလေ။ သယ်ရတာ သပိတ်တလုံး သာဆိုပေမယ့် အကြိမ်ရေများလာတော့ လျှာထွက်ပြီပေါ့ ။ရေဒဏ် ဆိုရင်လည်းအဲဒီလိုမျိုးဆိုတော့ ကျောင်းသား တိုင်းလန့်ကြတယ်။ ကျွန်တော်ကစာတော်တော့ ဒီဒဏ်တွေကလွတ်တဲ့အပြင် ဆရာတော်ကလဲ ချစ်တယ်။ ဘယ်လောက်ချစ်သလဲဆိုရင် ကျက်သရေခန်းသော့ အပ်ထား ခံရတဲ့အထိပဲဆိုတော့။

ကျွန်တော် ၇တန်းတက်ရတဲ့နှစ်မှာ ပဲ ထွေးလေးမောင် တင် ပိုးထိလို့ဆုံး သွားတယ်။ လှေလှော်ရင်းတက်ကျိုး တဲ့အဖြစ်ပါ။ ဒေါ်လေးကကျွန်တော့ တာဝန်ကိုဆက် မယူနိုင်တော့လို့ ကျောင်းနုတ်ရတော့မယ်ဆိုတဲ့အကြောင်း ဆရာတော်ကိုလာလျှောက်တော့။ဒီမှာပင်ဆရာတော်က အပြတ်ငြင်းလိုက် တယ်။

ကျွန်တော်ကစာတော်သူမို့ ကျောင်းဆက်ထားရင် ထွန်းပေါက်မယ့် အကြောင်း၊ ဒီအရွယ်လေး နဲ့ကျောင်းနှုတ်ပြီး ခိုင်းစားရင်လဲ နွားကျောင်းရေ ခပ် လောက်သာဖြစ်မယ့်အကြောင်း၊ ဒီတော့ကျောင်း ဆက်ထားပါ၊ ကျွန်တော့် ပညာရေးအတွက် ဆရာတော် ကလုံးဝတာဝန်ယူမယ့်အကြောင်း..စသည်ဖြင့်  ဒေါ်လေး ကိုနားချတယ်။

စဉ်းစားကြည့်ဗျာ… ဘုန်းကြီးကျောင်းသား၁ယောက်လျှော့ သွားလို့ ဘာဖြစ်မှာလဲ။ ရှိနေရင်ကိုယ့်မှာဝန်ပိသေးတယ်၊ ဒီကြားထဲကိုယ်ကမကထ ခံပြီးကျောင်းထားပေးရအုံး မယ်။ ဒါကိုပဲကမကထခံပြီး စာသင်မပျက်စေခဲ့ကျွန်တော့် ဆရာတော်ရဲ့စေတနာဟာ ဖခင်တစ်ယောက်သားအပေါ် မှာထားရှိ တယ့်မေတ္တာတရားရဲ့အသီးအပွင့်တွေရဲ့ခြား နား ပေါ့မလားဗျာ။

ဒီလိုနဲ့ဒေါ်လေးလဲ သားစာကျိုးစားနော်ဆိုတဲ့ စကားလေး တစ်ခွန်းသာ ဆိုနင့်နင့်ပြောရင်း မျက်ရည်လည် ရွဲနဲ့ ပြန် သွားရတယ်။ ဒီကတည်းက ကျွန်တော်လဲ ဆရာတော်ရဲ့ အုပ်ထိန်းမှုအောက်လုံးဝ ရောက်တော့တာပေါ့။ ဒါကြောင့်လဲ ကျွန်တော့်ကိုအများက ဘုန်းကြီးသား ဘုန်းကြီးသားနဲ့ကွယ်ရာမှာခေါ်ကြတယ်။  ခေါ်ကြပါစေဗျာ၊ ဖခင်တယောက်ရဲ့တာဝန်ယူနေမှတော့ ဆရာတော်က ကျွန်တော့ရဲ့အဖေပေါ့။ မဟုတ်ဘူးလား၊ အဖေမဟုတ်တဲ့ အဖေစစ်စစ်နံပါတ်၂ လေ။

ကျွန်တော့်ရဲ့ပညာဇာတာကတော့ တရှိန်ရှိန် တက်နေတော့တာပဲလို့ ပြောရမလားမသိဖူး။ ကျွန်တော့ ၈တန်းအောင်တဲ့နှစ်မှာ ကျွန်တော့်တို့ အလယ်ကျောင်းကို အထက်တန်းတွဲဖက်ဖွင့်ခွင့်ရတယ်။ ကျွန်တော့်အတွက် ၉တန်း၊ ၁၀တန်းဆက်သင်ဖို့ အခွင့်အလမ်းပွင့် လာ တာပေါ့။ဆရာတော်က ကျောင်းဆက်ထားပေးတယ်။
 ကျောင်းဝတ်စုံ၊စာရေးကိရိယာ ဘာမှမချို့ငဲ့ စေရဘူး။ ဒီလိုနဲ့ ၁၀တန်းကို နှစ်ချင်းပေါက်ဆွဲနိုင်ခဲ့တယ်။

ဆရာတော်ကကောလိပ်ဆက်လို့အားပေးပါတယ်။ ဒါပေမယ့်ကျွန်တော့် ရမှတ်က အထူးပြုလောက်သာ ရနိုင် တာကတကြောင်း၊ ပညာသင်စရိတ်ကို ငဲ့ရတာလဲ တကြောင်းမို့ အဝေးသင်ပဲယူဖြစ်ခဲ့ တယ်။ ကောလိပ် မတက် ကောင်းလားဆိုပြီးဆရာတော်ရဲ့ ငြိုငြင်တာကို လဲ ပြေလည်အောင်မနည်း လျှောက်ယူရတယ်။ ဘွဲ့ရပြီးရောမဟုတ်လားဗျာ။ ကိုယ့်အတွက်နဲ့ ဆရာတော် ၀န်မတက်စေချင်တာ ကျွန်တော့်ရဲ့စေတနာအရင်းခံပါ၊။

အဝေးသင်တက်နေတုန်းမှာပဲ ကျွန်တော့်ရွာက မူလ တန်းကျောင်းလေး ဟာမူလတန်း လွန်ကျောင်း ဖွင့်ခွင့် ရတယ်။ ဒီတော့ရွာလူကြီးတွေက ကျွန်တော့်ကို စာသင်ပေးဖို့လာခေါ်ကြတယ်။ လစာလဲပေးမယ်၊ စပါး လဲပေးမယ်ပေါ့လေ။ ဆရာတော်က ၀မ်းပန်း တသာ ခွင့်ပြုတော်မူတယ်။ ဒေါ်လေးဆိုတာ ဘာပြောကောင်း မတုန်း၊ ဂုဏ်ယူဝင့်ကြွား ၀မ်းပန်းတသာနဲ့ ပေါ့။ ကျွန်တော့် မှာလဲ ဒေါ်လေးရဲ့ကျေးဇူးပြန်ဆပ်ခွင့်ရပြီဆိုပြီး ပီတီတဝေေ၀ နဲ့ပေါ့ဗျာ။ ဒီလိုနဲ့မူလတန်းကျောင်း ဆရာလေးအဖြစ်နဲ့ သားထောက်သမီးခံ မရှိတဲ့ဒေါ်လေး ကို ပြန်လည်စောင့်ရှောက်နိုင်ခဲ့ပါတယ်။

ကျွန်တော်လည်းဘွဲ့ရရော အိမ်ထောင်ကျတော့တာပါပဲ။ ကျမှာပေါ့။ ဒီကိစ္စမှာဒေါ်လေးက ဒါရိုက်တာလုပ်ပြီးမနေ မနားလှုပ်ရှားနေမှကိုး။ ဒေါ်လေးရဲ့သဘောက ကျွန်တော်ဟာဘွဲ့ရပညာတတ်ကြီးဖြစ်လာပြီး၊  တော်တော် တန်တန်မိန်းကလေးနဲ့ အကြောင်းမဖက်စေချင်ဘူး၊ ကျွန်တော့်ရဲ့အိမ်ထောင်ဖက်ဟာသူလိုကိုယ်လို နှုတ်ခမ်း ပဲ့ချင်း မီးမှုတ်ရတဲ့ အတန်းစားမဖြစ်စေရဘူးဆိုတဲ့မူနဲ့ ရွာစဉ်လျှောက်ပြီး ရှာလိုက်တာ နောက်ဆုံးတော့ သူ့ စိတ်ကြိုက်တွေ့သွားတယ်။ ရွာမှာဒိတ်ဒိတ်ကြဲ စာရင်း ၀င် ပေါ့။ ဦးသာစိုးဆိုတာကမျိုးနဲ့ရိုးနဲ့ချမ်းသာတာ၊ မွေးထားတာကလဲ သမီးလေး တယောက်ထဲ။ လယ်တွေချောင်းတွေ ပြန့်ပြန့် ကျဲပြီး အကျယ်ကြီးကို အဖေနဲ့ သမီး၂ယောက်တည်း ဦးစီးနေရ တဲ့ မုဆိုးဖိုသားအဖ ဆိုပါတော့။ ကျွန်တော့် ဘ၀တသက်လုံး ရွှေပေါ်မြတင်ဖြစ်ဖို့ ဒေါ်လေးရဲ့ စီမံ ကိန်းလဲအောင်မြင်ရော ဒေါ်လေးလဲတရားစခန်းလုံးလုံး ၀င်သွားတော့တယ်။

အခုတော့ကျွန်တော်ဟာ မူလတန်းလွန်ကျောင်း ဆရာလေး မဟုတ် တော့ပါဘူး။ ဦးသာစိုးသမက်ဘ၀နဲ့ အလုပ်ကြီးအကိုင်ကြီးတွေကို ဦးဆောင် နေရပါပြီ။ စိုက်ပျိုးရေးမှာလဲ ကျွန်တော်၊ ရောင်းဝယ်ရေးမှာလဲ ကျွန်တော်၊ အရာရာမှာ ကျွန်တော်ကပဲ ဦးဆောင်နေရ ပါပြီ။ ဦးသာစိုးတော့ အိမ်မှာ နေရင်း စီမံခန့်ခွဲယုံပေါ့။ သမီးယောက်ခမ တက်ညီလက်ညီလုပ်နိုင်ခဲ့လို့လဲ စီးပွားရေးကတရှိန်ရှိန်တက်လာတယ် ဦးသာစိုး သမက်လေး ကတော့ သားတယောက်လိုပါပဲ။ သား တကောင်နွားတထောင်နဲ့မလဲနိုင်တဲ့ လူစားမျိုး၊ တယ်လဲ အားကိုးရတကိုး။ ဦးသာစိုးတို့များ အိုကံကောင်းချက်လို့ အများကပြောယူကြရတယ်။

ယောက်ခမဆိုပေမယ့် ဦးသားစိုးက ကျွန်တော့်အပေါ်မှာ အတော် ကောင်းရှာတယ်ဗျ။ ခေါ်တာကိုက သားတဲ့ ပြီးတော့ကျွန်တော်ဘာလုပ်လုပ် အဆိုးမမြင်ပဲ အကောင်းမြင်တာ၊ အခန့်မသင့်လို့လင်မယားစကားများ ရင် တောင်မှားမှားမှန်မှန်သူ့သမီးကိုပဲ အပြစ်တင်တာ၊ သမီးလုပ်သူကသမီး အရင်းကို ချွေးမများမှတ်နေလား လို့ မေးနေရလောက်အောင်ထားရှိတဲ့ မေတ္တာစေတနာတွေဟာ ကျွန်တော့်ရင်ကိုလှုပ်ရှားထိခတ်ပါတယ်။

ကျွန်တော့လုပ်ဆောင်ချက်တွေ ကောင်းလို့လုပ်ငန်းအောင်မြင်လို့ကတော့ ဘာပြောကောင်းမလဲ ခမောက်ဆောင်းပြီး တအိမ်တက် ဆင်းပြောလိုက်မယ့် ကျွန်တော့်ကောင်းကြောင်း. .တော်ကြောင်းတွေ…။ ကျုပ်သားကဘွဲ့ရပညာ တတ် ဆိုတော့ ဗဟုသုတသိပ်ပြီးကြွယ်ဝတာကိုး။ စိုက်ပျိုးရေး ဘက်မှာတော့ ပါရဂူမြောက်ပါရဲ့။ဓါတ်မြေသြဇာကို ဘယ်လိုသုံးရတယ်ဆိုတာ မင်းတို့မသိ ဘူး မဟုတ်လား။ ဓါတ်မြေသြဇာဆိုတာ သူ့အချိန်အခါနဲ့သူ ထိုက်သင့်သလို သုံးရတယ်။ အပင်ပေါက်စအချိန်၊ အပွင့်သိပ်တဲ့အချိန်၊ ပိုးမွှားကျရောက်တဲ့အ ချိန်၊ သူ့အချိန်အခါအလိုက်သုံး တတ်လို့ကတော့ အထွက်ကောင်းရောမောင်။ ဒီနှစ်ငါတို့ ကိုင်းက အထွက်၂ဆမကတိုးတယ်။ အဲတာဘာကြောင့် လဲဆိုရင် ကျုပ်သားအမြော်အမြင်ကြီးမားလို့ပဲ။ မင်းတို့လဲ အထွက်ကောင်းချင်ရင် ဓါတ်မြေသြဇာ ဘယ်လိုသုံးရ မလဲ ဆိုတာ ကျုပ်သားဆီမှာနည်းယူကြ။

ဈေးကွက်အခြေအနေကို ကျုပ်သားမှနားလည်တာသိလား။ နားလည်မှာပေါ့ ကျုပ်သားကပညာတတ်ကိုး။ သမားရိုး ကျဝယ်ရောင်း လုပ်နေလို့ကတော့ မင်းတို့ကြီးပွားမှာ မဟုတ်ဘူး။ ဗဟုသုတလေးဘာလေး ရှာကြအုံး။ မသိလဲ သားကိုမေးပေါ့။ အခုကိစ္စပဲကြည့်လေ…. ပဲဈေးတွေထိုး တက်လာလိုက်တာ၊ မြို့ပွဲစားတွေလဲ အလုအယှက် လာဝယ်နေပြီ။ ဘယ်မတုံး မင်းတို့မှာရောင်းစရာ၊ ပဲတစေ့တောင်မရှိတော့ဘူး။ မင်းတို့တွေ ရောင်းတုန်းက တို့ ထုတ်မရောင်းခဲ့ဘူး။ ကိုယ့်မှာငွေလဲလိုတာမဟုတ်၊ ရွက်ပိုး ထားရတာလဲမဟုတ်၊ ခဏလေးလှောင်ထား ရ တာ ဘာပင်ပန်းတာမှတ်လို့။ အဲဒီတုန်းက ငါတားသေး တာပဲ။ မင်းတို့က အတင်းရောင်းချင်ခဲ့တာကိုး။ အခု ပဲတွေ့အိပ်စ်ပို့ဖြစ်တော့ ဈေးကမြောက်လာပြီ။ ဒါကြောင့် ဘာလုပ်လုပ် ကျုပ်သားကိုတိုင်ပင်ကွ…..

ကွယ်ရာမှာပြောလဲဒီစကား၊ ရှေ့မှာပြောလဲဒီစကားပါပဲ။ ကျုပ်သားက တကယ့်ကိုအတိဇာတသားဗျ ကျုပ်ကိုသိမ် ဒကာဖြစ်အောင် လုပ်ပေးတဲ့ကျေး ဇူးဟာနည်းနည်း မှတ်သလား။ သင်္ကန်းမှာကထိန်၊ ကျောင်းမှာသိမ်တဲ့။ တစ်သက်တခါမှာလှူရဖို့ခဲယဉ်းသားဗျ။ ကျေးဇူးကြီးပါပေ့။

ဦးသာစိုးကဒီလိုမျိုးဗျ။ ကျွန်တော့်ဆရာတော်ကျောင်းမှာ သိမ်မရှိသေး တော့ကိုယ့်အဖေလို ကိုယ့်ဆရာတော် အတွက် သိမ်တခုဆောက်လုပ် လှူဒါန်းပေးဖို့တိုင် ပင်တော့ အဖိုးကြီးက လုံးလုံးမငြင်းတဲ့အပြင် ငွေထုတ်ကို ပုံပေးတာကိုး။ ဘာပြောပြောသူ့ကျေးဇူးကြောင့် ကျွန်တော်တို့ဇနီးမောင်နှံလဲ ငယ်ငယ်ရွယ်ရွယ်နဲ့ သိမ်ဒကာ သိမ်အမ ဖြစ်ခဲ့ရတာပေါ့။ ပြီးတော့ရှိသေး……  သောက်သောက်စားစားလူမင်းသား ကွ။ စိီးပွားရေးလုပ်တာ အသောက် အစားလေးပါမှ အပေါင်းအသင်းဆန့်တာမဟုတ်တာလား။ ကိုယ့်ပိုက်ဆံ နဲ့ သောက်တာ သူတပါးမထိခိုက်ရင်ပြီးတာပဲ… ..

ကျွန်တော့ယောက်ခမက ကျွန်တော့်ကိုသားလို့ခေါ် သဗျ…… ကျွန်တော်ကလဲ ဓါတ်တူနံတူဖြစ်အောင် အဖေ လို့ပြန်ခေါ်ရတယ်။ ခေါ်စက တော့ နှုတ်ဖျားလေးနဲ့တင်ခေါ်တယ်ဆိုတာ ရိုးသားစွာဝန်ခံပါတယ် တဖြေးဖြေးနဲ့ ကိုယ့်အပေါ်မှာသား တယောက်လိုသဘောထားကာ၊ စေတနာ မေတ္တာထား တာသိရတော့ မေတ္တာရောင်ပြန်ဟပ်တယ်ထင်ပါရဲ့။ ကျွန်တော် ခေါ်လိုက်တဲ့အဖေဆိုတဲ့ခေါ်သံဟာ နှုတ်ဖျားက ထွက်လာတဲ့အသံမဟုတ် တော့ပဲ ကျွန်တော့်နှလုံး သားက လိုက်လိုက်လှဲလှဲပေါ်ထွက်လာတဲ့အသံ ဆိုတာ ကျွန်တော့ဖာသာသိလိုက်ရတယ်။ ဘာကြောင့်တုံး ဆိုတော့ ဦးသာစိုး ဆိုတာကျွန်တော့်အဖေမဟုတ်ပေမယ့် တကယ့်အဖေလို ဖြစ်နေမှကိုး ။

ကဲ…. ဆရာမရေ….။ ကျွန်တော်ပြောချင်တာတွေ လဲပြီးသွားပြီ။ ဆရာမ ကတော့ပြောလိမ့်မယ်။ အဖေအကြောင်းပြောစမ်းပါဆိုတာကို ဘယ်နဲ့အဖေ မဟုတ်တဲ့အကြောင်းတွေ ပြောနေရသလဲလို့။ ကျွန်တော်ပြောလိုရင်းက ဒီလိုပါ။ အဖေမဟုတ်တဲ့ သူတွေတောင် အဖေ၀တ်ကျေပွန်လို့ အဖေရဲ့ ဂုဏ် မြောက်နေမှတော့ တကယ့်အဖေစစ်စစ်တွေဆိုရင် ဘာပြောကောင်းမလဲလို့ ဆိုချင်တာပါ။ တကယ်တော့ အဖေဆိုတာ အဖေဖြစ်ပြီဆိုယုံနဲ့တင် အဖေဂုဏ် ဟာ ပါပြီးတာပါ။ အနှိုင်းမဲ့တဲ့အဖေ့ဂုဏ်ကို ဖွင့်ဖော်နိုင်တဲ့ မီဒီယာ မရှိနိုင်ဘူးလို့ ကျွန်တော်တော့တို့ယုံတယ်ဗျာ။

ပြောလို့တော့ကောင်းပါရဲ့၊ ဟိုဘက်ရွာကြွေးတောင်းသွား ရမှာ မို့လို့ ခွင့်ပြုအုံးနော်။ ဘာလဲ….နေပူတယ်လို့ပြော မလို့လား။ ပူလဲမတတ်နိုင်ဘူးဗျာ။ ဆိုင်ကယ်နဲ့ သွားရင်ခဏလေးပါ။ ဒီဆိုင်ကယ်ကအဖေက၀ယ်ပေးထားတာ လေ။ ဂျပန်ဆိုင်ကယ်ဗျ။ without မဟုတ်ဖူးနော်။…………….။

                       ခင်လယ်လယ်ချစ်(မြန်/ဂုဏ်)
 ၁၅.၆.၂၀၁၄ရက်နေ့တွင်ကျရောက်မည့် အဖေများနေ့ကို ဂုဏ်ပြုကြိုဆိုပါသည်။ ကမ္ဘာပေါ်မှာရှိသော အဖေများအား လုံးကျန်းမာချမ်းသာကြပါစေ...။

ပျားအကောင်ရေ ၃ သိန်းကျော် အအုံခံတဲ့ တရုတ်ပြည်က အံ့ဖွယ်လူသား

ပျားအကောင်ရေ ၃ သိန်းကျော် အအုံခံတဲ့ တရုတ်ပြည်က အံ့ဖွယ်လူသား

ကမ္ဘာစံချိန်တင်ဖို့ ရည်ရွယ်ချက်နဲ့ တရုတ်ပြည်က အသက် ၅၄ နှစ် အရွယ် အမျိုးသား တစ်ဦးဟာ သူ့ရဲ့ ကိုယ်ပေါ်ကို ပျား အကောင်ပေါင်း ၃၂၆၀၀၀ ကောင်ကို အုံစေ ပါတယ်။

အချိန်အားဖြင့် ၂ နာရီခွဲကျော် ကြာပြီး ပြန်ဆေးကြာတဲ့ အခါမှာ သူဟာ ဘာမှ မဖြစ်တာကို အံ့ဖွယ် တွေ့ရှိ ရ ပါတယ်။ နှစ်ပေါင်း ၃၄ နှစ်ကျော်ကြာ ပျား မွေးမြူရေး ခြံ မှာ လုပ်ကိုင်ခဲ့ပြီး ပျားတွေနဲ့ ရင်းနှီးပြီးသား ဖြစ်တဲ့ လူသား ဖြစ် ပါတယ်။ သာမန် လူတစ်ယောက် အနေနဲ့ ပျား အတုတ် ခံရရင် သေနိုင်တဲ့ အထိ ဖြစ်ပေမယ့် သူကျတော့ ဘာ အနာ ကွက် သေးသေးလေး တွေ   တောင်မှ မရှိပါဘူး။ ပျားအကောင်ရေ ၃သိန်း ကျော် အုံစေဖို့ အတွက် အရင်ဆုံး ပျား ဘုရင်မ များကို ကိုယ်မှာ ကပ်စေ ပါတယ်။ ပြီးတော့မှ ဖြည်းဖြည်းချင်းစီ   မွေးမြူရေးခြံထဲက ပျားကို ခေါင်းကနေ ပုံလောင်းပြီး  အုံစေ ပါတယ်။ သူဟာ ဘာ မှ မခံစားရတဲ့ အပြင်  ဆေးလိပ်တောင် သောက်နေ လိုက် ပါသေး တယ်။

ထူးခြားတဲ့ ခန္ဓာကိုယ် နဲ့ အရည်အပြား စွမ်းရည် ရှိသူ Gao Bingguo ဟာ ပျား အရေအတွက် အများဆုံး အုံတဲ့ လူသား အဖြစ် ကမ္ဘာ့ စံချိန်တင်ခဲ့ ပါတယ်။

ပုဒ်မ ၅၉ (စ) မပြင်ရန် ဖွဲ့စည်းပုံပြင်ရေး လွှတ်တော် ကော်မတီဆုံးဖြတ်

ပုဒ်မ ၅၉ (စ) မပြင်ရန် ဖွဲ့စည်းပုံပြင်ရေး လွှတ်တော်  ကော်မတီဆုံးဖြတ်

၂၀၀၈ ဖွဲ့စည်းပုံ အခြေခံဥပဒေတွင် ဒေါ်အောင်ဆန်း စုကြည် သမ္မတအဖြစ် တာဝန်ထမ်းဆောင်ခွင့်မရရှိစေ ရန် တားဆီး နေသော ပုဒ်မ ၅၉ (စ)ပါ ပြဋ္ဌာန်းချက်များ ကို မပြင်ဆင်ရန် ပြည်ထောင်စုလွှတ်တော်၊ ဖွဲ့စည်းပုံ အခြေခံဥပဒေ ပြင်ဆင် နိုင်ရေး အကောင်အထည်ဖော် မှု ကော်မတီက ဇွန်လ ၆ ရက်နေ့တွင် ဆုံးဖြတ် လိုက်ပြီ ဖြစ်ကြောင်း သိရှိရသည်။

ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီမှ လွှတ်တော် ကိုယ်စားလှယ် အများစု ပါဝင်သော လွှတ်တော်ကိုယ်စား လှယ် ၃၁ ဦးပါ ဖွဲ့စည်းပုံ အခြေခံဥပဒေ ပြင်ဆင်နိုင်ရေး အကောင်အထည် ဖော်မှု ကော်မတီက ဇွန်လ ၆ ရက်နေ့ တွင် ကျင်းပ သော အခြေခံဥပဒေ ပြင်ဆင်ရေး အစည်း အဝေးတွင် ပုဒ်မ ၅၉ (စ) မပြင်ဆင်ရန် မဲခွဲ ဆုံးဖြတ် အတည်ပြု လိုက်ခြင်း ဖြစ်သည်ဟု သိရှိရသည်။

“ပုဒ်မ ၅၉ (စ) လုံး ပြင်ဖို့၊ မပြင်ဖို့ မဲခွဲဆုံးဖြတ် တယ်။ ပုဒ်မ ၅၉ (စ) ပြင်ဖို့ ထောက်ခံမဲက ၅ မဲပဲရှိတယ်။ မပြင်ဆင်ဖို့ မဲပေး တာက တော်တော်များ တယ်။ မပြင်ဆင်ဖို့မဲက အသာရသွားတော့ ၅၉ (စ) ပြင်ဆင်ဖို့ ကတော့ ဒီလွှတ်တော် သက်တမ်း အတွင်း မှာ ဘယ်လို မှ မဖြစ်နိုင်တော့ဘူး” ဟု ဖွဲ့စည်းပုံ ပြင် ဆင်ရေး လွှတ်တော် ကော်မတီတွင် ပါဝင်သော လွှတ်တော် ကိုယ်စားလှယ်တစ်ဦးက ဧရာဝတီသို့ ပြော ဆိုသည်။

အဖွဲ့ဝင် ၃၁ ဦး ပါဝင်သော ဖွဲ့စည်းပုံပြင်ရေး လွှတ်တော်ကော်မတီတွင် တပ်မတော်သား လွှတ်တော်ကိုယ်စား လှယ် ၇ ဦး ပါဝင်ရာ တပ်မတော် သား လွှတ်တော်ကိုယ်စားလှယ် အားလုံးက ပုဒ်မ ၅၉ (စ) ပြင်ဆင်ရေးအဆိုကို ပြင်းပြင်းထန်ထန် ကန့်ကွက်မှု များရှိခဲ့သည်ဟု ဧရာဝတီက စုံစမ်းသိရှိရသည်။

ပုဒ်မ ၅၉ (စ) သည် နိုင်ငံတော် သမ္မတ ဖြစ်ခွင့်ရှိရေး အရည်အချင်း သတ်မှတ်ပြဋ္ဌာန်းချက် ဖြစ်ပြီး သမ္မတ အဖြစ် ရွေးချယ် တင်မြှောက်ခံရမည့် သူသည် မိမိကိုယ် တိုင်သော် လည်းကောင်း၊ မိမိ၏ ဇနီး သို့မဟုတ် ခင်ပွန်းသော်လည်းကောင်း၊ မိမိ၏ တရားဝင် သားသမီး တဦးဦးသော် လည်းကောင်း၊ ထို တရားဝင်သားသမီးတ ဦးဦး၏ ဇနီးနှင့် ခင်ပွန်း သည် နိုင်ငံခြား အစိုးရ၏ ကျေးဇူး သစ္စာတော်ကို ခံယူစောင့်ရှောက် ရိုသေသူ သို့မဟုတ်   နိုင်ငံခြား အစိုးရ၏ လက်အောက်ခံသို့မဟုတ် တိုင်းတစ် ပါး၏ နိုင်ငံသားဖြစ်သူများ မဖြစ်စေရ ၊ ထိုသူများ သည် နိုင်ငံခြား အစိုးရ၏ လက်အောက်ခံ ဖြစ်သူသော် လည်း ကောင်း၊ တိုင်းတပါး၏ နိုင်ငံသားသော် လည်းကောင်း ခံစားရသော အခွင့်အရေးများနှင့် ကျေးဇူး ခံစားခွင့်များကို ခံစား နိုင်ခွင့် ရှိသူများ မဖြစ်စေရ ဟု ဖော်ပြ ထားပြီး ယင်းသတ် မှတ်ချက် သည် နိုင်ငံခြား သား ၂ ဦးရှိနေသော ဒေါ်အောင်ဆန်း စုကြည် ကို သမ္မတဖြစ်ခွင့် မရှိစေရန် တားဆီးထားခြင်းဖြစ်သည်။

ကြံ့ခိုင်ရေးပါတီမှ ရွှေပြည်သာမြို့နယ် ပြည်သူ့ လွှတ်တော် ကိုယ်စားလှယ်လည်းဖြစ်၊ ဖွဲ့စည်းပုံပြင်ရေး လွှတ်တော် ကော်မတီဝင်လည်းဖြစ်သူ ဗိုလ်မှူး ကြီးဟောင်း ဦးတင်မောင်ဦးက ပုဒ်မ ၅၉ (စ) ပြင် ဆင်ဖွယ်ရှိ သည်ဟု ဧရာဝတီသို့ မေလတွင်   ပြောဆို ခဲ့ သော်လည်း လွှတ်တော်ကော်မတီက ပုဒ်မ ၅၉ (စ) မပြင်ဆင်ရန် ဆုံးဖြတ်မှုကိုမှု တိတိကျကျ ဖြေဆို   ခြင်းမပြုဘဲ တိမ်းရှောင်ဖြေဆိုသွားသည်။

ဖွဲ့စည်းပုံ အခြေခံဥပဒေ ပြင်ဆင်ရေး လွှတ် တော်ကော် မတီတွင် ကြံ့ခိုင်ရေး လွှတ်တော်ကိုယ်စား လှယ် ၁၄ ဦး၊ တပ်မတော်သား လွှတ်တော် အမတ် ၇ ဦး၊ အမျိုးသား ဒီမိုကရေစီ အဖွဲ့ချုပ်မှ လွှတ်တော်အမတ် ၂ ဦး၊ အခြား နိုင်ငံရေး ပါတီများမှ လွှတ်တော် အမတ် ၈ ဦး စုစုပေါင်း ၃၁ ဦး ပါဝင်သည်။

မဟာသမယအခါတော်နေ့

 မဟာသမယအခါတော်နေ့

၁၂.၆.၂၀၁၄ရက်နေ့သည် နယုန်လပြည့်နေ့ဖြစ်ပါသည်။ နယုန်လပြည့်နေ့သည် မဟာသမယ အခါတော်နေ့ဖြစ်ပါ သည်။ မဟာသမယ ဟူသည်  အစည်း အဝေးဟုအဓိ ပါယ် ရ ရှိကာ ထိုတွင်ဟောကြားတော်မူသော တရားမှာ နတ်ဗြဟ္မာအပေါင်းတို့၏ အမည်ကိုဖော်ပြခြင်းဖြစ်၏။ ငါးရာသော ရဟန္တာမထေရ်မြတ်တို့နှင့်တကွ အစည်း အဝေးကိုလာရောက်သော နတ်ဗြဟ္မာအပေါင်းတို့ ၏ အမည်များကို ဖော်ပြရာဖြစ် သော မဟာသမယသုတ္တာန် တရားဒေသနာတော်ကို မြတ်စွာဘုရားသခင်သည် သက္ကတိုင်း ကပိလ၀တ် နေပြည်တော်၏အနီး မဟာ ၀ုန်တော အရပ်တွင် အကြောင်းအလုံးစုံကို သိပြီးဖြစ်သောမဟာသမယသုတ္တာန်ကို ဟောကြား တော် မူခဲ့ခြင်းဖြစ်ပါသည်။
 ၄င်းသုတ်တော်ကိုအမြဲ မပြတ်ရွတ်ဖတ်သရဇ္ဈာယ်ပါလျှင်  နတ်ဗြဟ္မာများချစ်မြတ်နိုးကာ စည်းစိမ်ချမ်းသာ ရာထူး ဂုဏ်ရှိန်တိုးတက်မြင့်မားကြသည်ဟု ယုံကြည်ကြပါ သည်။ သက်သတ်လွတ်စားကာ ရွတ်ဖတ်လျှင်ဖြင့် ပိုမို တန်ခိုးအာနိသင်ထက်မြက်သည်ဟု လည်းဆိုကြပါ သည်။ သို့သော်...အကြောင်းအမျိုးမျိုးကြောင့် နေ့စဉ် မရွတ်ဖတ်နိုင်လျှင်သော်မှ နယုန်လပြည့်နေ့တွင် မဟာသမယသုတ်ကို ရွတ်ဖတ် ပူဇော်ခြင်းဖြင့် ကုသိုလ်သဒ္ဓါ ပွားများနိုင်ကြပါစေ…..

နယုန်မိုးသေး မြက်သားမွေးဟုဆိုသည့် မိုးတွင်းကာလတွင် မိုးရွာသွန်းခြင်းမရှိ

 နယုန်မိုးသေး မြက်သားမွေးဟုဆိုသည့် မိုးတွင်းကာလတွင် မိုးရွာသွန်းခြင်းမရှိသည့်အတွက် မလှိုင်မြို့ မြို့ပေါ်ကျောင်းတိုက် ၁၁ကျောင်းတိုက်မှ ဆရာတော်ကြီးများ ၈.၆.၂၀၁၄ မှ ၁၀.၆.၂၀၁၄နေ့ထိ
'မိုးကမ္မဝါစာတမ်းနင့်ငါးရံ့မင်းပရိတ်တော်များ'ရွတ်ဖတ် ပူဇော်မည်ဟု သိရသည်။

ဖမ်းဆီးခံ နိုင်ဂျီးရီးယား ကျောင်းသူအား မွတ်ဆလင် အကြမ်းဖက်သမား ၁၅ ဦးမှ တစ်နေ့ ၁၅ ကြိမ် မုဒိန်းကျင့်ခဲ့

ဖမ်းဆီးခံ နိုင်ဂျီးရီးယား ကျောင်းသူအား မွတ်ဆလင် အကြမ်းဖက်သမား ၁၅ ဦးမှ တစ်နေ့ ၁၅ ကြိမ် မုဒိန်းကျင့်ခဲ့

ဘိုကိုဟာရမ်အစ္စလမ္မစ်စစ်သွေးကြွအဖွဲ့ကဖမ်းဆီးသွားသည့် ကျောင်းသူလေးများထဲမှချီဘော့အမျိုးသမီးငယ် ကျောင်းသူလေးမှ သူမ၏ ရင်နင့်ဖွယ်ဖြစ်ရပ်အား ပြန်ပြောပြခြင်းဖြစ်သည်။ အဆိုပါ ကျောင်းသူလေးမှာ မွတ်ဆလင်အကြမ်းဖက် သမား များ လက်ထဲက မလွတ်မြောက်ခင်အထိ အစ္စလမ္မစ်  ၁၅ ယောက်က သူမကို တစ်နေ့ ၁၅ ကြိမ် နေ့စဉ် မုဒိမ်းကျင့်တာကို ခံခဲ့ရသည်ဟု ဆိုသည်။

လွန်ခဲ့သည့် ရက်သတ္တသုံးပတ်က မိန်းကလေးများ ဖမ်း ဆီး ခံခဲ့ရခြင်းမှာ ၎င်းအဖွဲ့၏လက်ချက် ဖြစ်ပြီး ဖမ်းဆီး ထားသည့် မိန်းကလေးများကို ကျွန်အဖြစ်ရောင်း စားမည် ဟုဘိုကိုဟာရမ်အဖွဲ့ ခေါင်းဆောင်အဘူဘာကာရှီကာယူ က ခြိမ်းခြောက်ပြောဆိုခဲ့ပြီးနောက် ဖမ်းဆီးခံရသည့် မိန်းကလေးများ၏ ကံကြမ္မာအတွက် စိုးရိမ်ပူပန်မှုများ မြင့် တက်လာခဲ့သည်။

ထို့ပြင် ဘိုကိုဟာရမ်အဖွဲ့သည် ဒေသတွင်း၊ သို့မဟုတ် နယ်ပယ်တစ်ခုရှိ အဆိုးရွားဆုံး အကြမ်းဖက် အဖွဲ့အစည်း များထဲမှ တစ်ဖွဲ့ဖြစ် ကြောင်း အိုဘားမား က ပြောကြား ခဲ့သည်။ဧပြီလ၁၄ရက်နေ့ နိုက်ဂျီးရီးယားနိုင်ငံအရှေ့
 မြောက်ပိုင်း ချီဘို့ခ်မြို့ရှိ ကျောင်းတစ်ကျောင်းမှ က ဖမ်းဆီးသွားခဲ့သော အသက် ၁၆ နှစ်နှင့် ၁၈ နှစ် အကြား ကျောင်းသူ ၂၂၀ ကျော်ကို ချက်ဒ် နျင့် ကင်မရွန်း တို့ကဲ့သို့အိမ်နီးချင်းနိုင်ငံများသို့ဘိုကိုဟာရမ်အဖွဲ့က ရောင်း စား လိုက်ခြင်းနှင့် ပတ်သက်ပြီး စိုးရိမ်ပူပန်လျက် ရှိကြောင်း အမေ ရိကန်အရာရှိများကပြောကြားခဲ့သည်။

သို့သော်အဆိုပါမိန်းကလေးများကိုယင်းတို့၏နိုင်ငံများသို့   ရောင်းစားခဲ့ခြင်း မရှိကြောင်းချက်ဒ်နှင့်ကင်မရွန်း အစိုးရတို့ က ပြောကြားခဲ့သည်။ နိုက်ဂျီးရီးယားနိုင်ငံ၌ မိန်းကလေးများ အဓမ္မဖမ်းဆီးခံရခြင်း နှင့် ပတ်သက်ပြီး တစ်ကမ္ဘာလုံး စိုးရိမ်မှုများ မြင့်တက်နေသည့်အချိန်နျင့် လုံခြုံ ရေးပိုင်းစိုးရိမ်ရသည့် အခြေအနေတွင် ကမ္ဘာ့ စီးပွားရေးဖိုရမ်ကို ယင်း၏မြိုကတော်ဖြစ်သော အဘူဂျာ ၌ မေလ ၇ ရက်နေ့ က စတင်ကျင်းပခဲ့သည်။

တပ်မတော်သားအားလုံး မတ်တတ်ရပ် ကန့်ကွက်သော်လည်း ပီအာရ်စနစ်ကျင့်သုံးရန် အမျိုးသားလွှတ်တော် အတည်ပြု

တပ်မတော်သားအားလုံး မတ်တတ်ရပ် ကန့်ကွက်သော်လည်း ပီအာရ်စနစ်ကျင့်သုံးရန် အမျိုးသားလွှတ်တော် အတည်ပြု

အမျိုးသားလွှတ်တော်တွင်လာမည့် ရွေးကောက်ပွဲ၌အချိုး ကျကိုယ်စားပြု ရွေးကောက်ပွဲ(PR)စနစ် ပြောင်းလဲကျင့်သုံး ရန် ရွေးကောက်ပွဲကော်မရှင်အား တိုက်တွန်းကြောင်း အဆိုကို တပ်မတော်သား လွှတ်တော်ကိုယ်စားလှယ်များ ကန့်ကွက်သော်လည်း ထောက်ခံသူများသည့်အတွက် အဆိုအတည်ဖြစ်သွားပြီဖြစ်သည်။

အဆိုကိုမဲခွဲဆုံးဖြတ်ရာ၌တပ်မတော်သားလွှတ်တော်ကိုယ် စားလှယ် အားလုံးနှင့် အခြားလွှတ်တော်ကိုယ်စားလှယ် များကမတ်တတ်ရပ်၍ကန့်ကွက်သော်လည်း  ပြည်ထောင်
စုကြံ့ခိုင်ရေးနှင့် ဖွံ့ဖြိုးရေးပါတီ လွှတ်တော် ကိုယ်စား လှယ်များ က ထောက်ခံခဲ့သည့်အတွက် ထောက်ခံမဲ ၁၁၇ မဲ၊ ကန့်ကွက်မဲ ၈၅ မဲဖြင့် အဆို အနိုင်ရရှိ သွားခြင်းဖြစ်သည်။

အဆိုအနိုင်ရရှိသော်လည်း ရွေးကောက်ပွဲစနစ်အရေးကြီး သည့်အတွက်လွှတ်တော်အနေဖြင့်  ကော်မရှင်ဖွဲ့၍   ပြည်ထောင်စုရွေးကောက်ပွဲ ကော်မရှင်နှင့် ညှိနှိုင်းဆွေးနွေး ရန် လိုအပ်ကြောင်း အမျိုးသား လွှတ်တော်ဥက္ကဋ္ဌ ဦးခင်အောင်မြင့်က ပြောကြား လိုက်သည်။

လူမှုရေး လုပ်ငန်းမှာ ဦးဆောင်နေတဲ့ အင်ဂျလီနာဂျိုလီ

လူမှုရေး လုပ်ငန်းမှာ ဦးဆောင်နေတဲ့ အင်ဂျလီနာဂျိုလီ
********************************
လက်တလော ရုံတင်လျက် ရှိတဲ့ Maleficent ရုပ်ရှင် ရဲ့ အောင်မြင်မှုနဲ့ အတူ အင်ဂျလီနာ ဂျိုလီဟာ အနုပညာ လောကမှာ ပြန်လည် နေရာ ရရှိလာ ပါပြီ။

တစ်ဖက်မှာ သူမှ ဦးဆောင်လုပ်ကိုင်နေတဲ့ ပရဟိတ လုပ်ငန်း များလည်း ပိုမိုလို့ တိုးချဲ့ လာပါတယ်။ လက်တလော လေးတင် ဆင်းရဲမွဲတေ တဲ့ နိုင်ငံနဲ့ စစ်ဘေးဒုက္ခခံစား ကြုံတွေ့ နိုင်ငံများမှာ အမျိုးသမီးများ ငြင်းပန်း အနှိပ်စက် ခံရမှုနဲ့ ပက်သက်လို့ တားမြစ် ကာကွယ် လှုံ့ဆော်မှု အစီအစဉ်ကို စတင်လိုက်ပြီ ဖြစ် ပါတယ်။ ကုလသမဂ္ဂ လက်အောက် ပရဟိတ လုပ်ငန်း များစွာရဲ့ သံတမန် ရာထူးကို ရယူ ထားပြီး ကမ္ဘာ ပတ်လို့ ကြိုးစား လုပ်ကိုင်လျက် ရှိပါတယ်။

အသက် ၃၉ နှစ် ရှိပြီ ဖြစ်တဲ့ အင်ဂျလီနာ ဂျိုလီဟာ အနုပညာလုပ်ငန်းနဲ့ လူမှုရေး လုပ်ငန်းကို ပူးတွဲ လုပ်ကိုင်နေခြင်း ဖြစ်ပါတယ်။ လန်ဒန်မှာ ကျင်းပ ပြုလုပ်မယ့် The End Sexual Violence in Conflict ထိပ်သီး အစည်းအဝေးမှာလည်း ဦးဆောင် ပါဝင် ခဲ့ကြောင်း သိရပါတယ်။

မျိုးချစ်လူငယ်တစ်ဦးမှ အင်းစိန်မြို့ရှိ NLD ဆိုင်းဘုတ်အား ဆွဲဖြဲပစ်ခဲ့

မျိုးချစ်လူငယ်တစ်ဦးမှ အင်းစိန်မြို့ရှိ NLD ဆိုင်းဘုတ်အား ဆွဲဖြဲပစ်ခဲ့


ရန်ကုန်တိုင်းဒေသကြီး အင်စိန်မြို့နယ်တွင် မေလ ၃၀ ရက်နေ့က အမျိုးသားဒီမိုကရေစီ အဖွဲ့ချုပ်ဆိုင်းဘုတ် ဗီနိုင်စအား ဆွဲဖြဲသွားသူတစ်ဦးကို အင်းစိန်မြို့နယ် ရဲစခန်းက ပြစ်မှုပုဒ်မ ၂၉၄၊ ၅၀၀ ဖြင့် အမှုဖွင့်ထားကာ ဖမ်းဆီးစစ်ဆေးလျှက်ရှိကြောင်း အဆိုပါရဲစခန်းမှ သတင်းရရှိသည်။ ဖြစ်ပွားပုံမှာ အင်းစိန်မြို့နယ် ရွာမအနောက်ရပ်ကွက် မြို့ပတ်လမ်း သောင်းထိုက် လက်ဖက်ရည်ဆိုင်ရှေ့တွင် ချိတ်ဆွဲထားသော အလျား သုံးပေ အနံ သုံးပေခန့်ရှိ အမျိုးသားဒီမိုကရေစီ အဖွဲ့ချုပ် အနီရောင် ဗီနိုင်းစအား စိုးလင်းထွန်း (၄၃) နှစ် ယာဉ်မောင်း (ရွှေဧည့်သည်ယာဉ်လိုင်း) အင်းစိန်မြို့ နယ် နေသူ "----" ဆိုကာ ဆွဲဖြဲသွားကြောင်း သိရသဖြင့် အဆိုပါ မြို့နယ် NLD မှ အလုပ်အမှုဆောင် တွဲဖက်အတွင်းရေးမှူး ဦးမျိုးမင်းဦးက ယင်းနေရာသို့ သွားရောက်ခဲ့စဉ် စိုးလင်းထွန်းအား မတွေ့ရှိရတော့ပဲ ကြိုက်တဲ့နေရာရှင်းမယ်ဟု ပြောဆိုကာ ထွက် သွားကြောင်း ပတ်ဝန်းကျင်နေသူများက ပြောပြသဖြင့် အရေးယူပေးရန် ဦးမျိုးမင်းဦးက တရားလိုပြု တိုင်ကြား ခဲ့ခြင်းဖြစ်သည်။

ယခုအခါ အမျိုးသားဒီမိုကရေစီ အဖွဲ့ချုပ်နှင့် ၈၈ ငြိမ်းချမ်းရေးနှင့် ပွင့်လင်းလူ့အဖွဲ့အစည်းတို့ ပူးပေါင်းဆောင်ရွက်နေသည့် ဖွဲ့စည်းပုံအခြေခံဥပဒေ ပုဒ်မ ၄၃၆ အား ပြင်ဆင်နိုင်ရေးအတွက် လူထုဆန္ဒသဘောထားလက်မှတ်များကို တစ်နိုင်ငံလုံး အတိုင်းအတာဖြင့် ကောက်ခံနေချိန်ဖြစ်ပြီး ပြည်သူအများအပြားမှ ဆန့်ကျင်ဆန္ဒပြမှုများလည်း ဖြစ်ပေါ်လျက်ရှိသည်။

MiG 29 အမောင်းသင်လေယာဉ် UB တစ်စင်း လေ့ကျင့်ပျံသန်းစဉ် မတော်တဆမှုဖြစ်

MiG 29 အမောင်းသင်လေယာဉ် UB တစ်စင်း လေ့ကျင့်ပျံသန်းစဉ် မတော်တဆမှုဖြစ်

ယနေ့ နံနက်ပိုင်းက တောင်တွင်းကြီးခရိုင် မြိုသစ်မြို့နယ် ၊နင်းဂျန်းရွာအနီးယနေ့နံနက်၁၀နာရီခွဲခန့်က မြို့သစ် အနောက်တောင်ဘက် နင်ကြမ်းကျေးရွာအနီး တွင်MiG 29 အမောင်း သင်လေယာဉ် UB တစ်စင်းလေ့ကျင့်ရင်း ပျက်ကျ ခဲ့ကြောင်း သိရသည် ။
ယာဉ်ပေါ် ပါ လေယာဉ်မှူး ဒုမှူးကြီး နှင့် ဗိုလ်ကြီးတစ်ဦး အရေးပေါ် ထွက်နိုင် ခဲ့ပြီး ထိခိုက်ဒဏ်ရာရ ရှိမှု မရှိကြောင်း သိရသည်
Myanmarexpressမှဖော်ပြသည်။

ဘယ်ပန်းသာလို့ယဉ်

ဘယ်ပန်းသာလို့ယဉ် 

“ဟောဒီက ခရေပန်း”ဟု တစာသာအော်ကာ တစ်လမ်း ၀င်တစ်လမ်းထွက်နဲ့ခရေပန်းရောင်းနေ ရရှာသော အဖွား အို ဒေါ်မြင့်မေ။ ဒုတိယအရွယ်ကိုကျော်ကာ တတိယ အရွယ်ကိုရောက်နေပြီဆိုတော့ အရင်လို စိတ်သွားတိုင်း ကိုယ်မပါနိုင်တော့။ မိမိတစ်ဝမ်းတစ်ခါးအတွက်ဆိုလျှင် ဖြစ်သလိုဘ၀ကိုရင်ဆိုင်နိုင်သော်လည်း မြေးလေးနှစ်ယောက်ရဲ့ဘ၀ရှေ့ရေးကြောင့်သာ အံကိုခံမာန်ကိုတင်းနေရသည်။တစ်ခါတစ်ခါတော့  ဖြစ်ချင် ရာဖြစ် ဟဲ့ဆိုပြီး စိတ်ကိုဒုံးဒုံးချလိုက်ချင်သော်လည်း ပညာတော်ကာ လိမ္မာရေးခြားရှိလှ သည့် မြေးနှစ် ဦး၏ မျက်နှာကို မြင်ရပြန်တော့် ဒေါ်မြင့်မေ၏စိတ်ကူးဟာ မှုန်ဝါးပျောက်ကွယ်သွားရစမြဲ….။

ဒီနေ့..ခရေပန်းတွေကလည်း ရောင်းရတာအဆင်ကိုမပြေ ဘူး။ တော်တော်ကျန်သေးတာပဲ။ ဟင်း… ဒီခရေ ပန်း ကုန်အောင်ရောင်းနိုင်မှဖြစ်မယ်။ ပြီးရင်ါ နေ့လည်မှာ မုန့်ဟင်းခါးဆိုင်ထွက်ရဦးမယ်။ဒီလိုအချိန်တိုင်းမှာ ရောင်းနိုင်  ပါမှ ကလေးနှစ်ယောက်နဲ့ ဒေါ်မြင့်မေတို့ အဆင်ပြေရုံရှိ တာ။ ကလေးတွေကျောင်းစားရိတ်နဲ့ အိမ်စ ရိတ်က တစ်နေ့တစ်နေ့မလွယ်။ ငွေစက္ကူတွေအတောင်ပံမပါလို့သာ တော်သေးသည်။အတောင်ပံပါလို့က မလွယ်ရေးချမလွယ်ပါ…။

“ဟော..ဘုရားဖူးကားတစ်စင်းပါလား။ ဒီခရေပန်း ကလေးတွေ ကုန်အောင်သွားရောင်းလိုက်ဦးမှ။“ခရေ ပန်းတွေနော်…ခရေပန်းတွေဝယ်ပါဦး။ ဝေလည်းမွှေး ၊ကြွေလည်းမွှေးတဲ့ ခရေပန်းတွေကို ဘုရားပဲတင် တင် ခေါင်း မှာပဲ ဆင်ဆင်၊ လည်မှာပဲဆွဲဆွဲ..တစ်ကုံးမှ တစ်ဆယ်ထဲရယ်ပါ..”

“အဖွား ခရေပန်းဘယ်နှစ်ကုံးရှိလဲ။ ကျွန်တော်တို့ အကုန် ယူမယ်နော်..”

“သြော်..သားရေ.. (၃၂)ကုံးရှိတယ်ကွဲ့။ ၃၀၀ကျပ် ပဲပေးနော်။ ကျေးဇူးတင်လိုက်တာ လူလေးတို့ရယ်။ အဖွားကိုလှူတယ်လို့သဘောထားလိုက်ပါတော့။  ရော့. .ရော့..လူလေးတို့ကျန်းမာချမ်းသာကြပါစေတော်..”

ဒေါ်မြင့်မေသည် ရင်ထဲမှ လှိုက်လှိုက်လှဲလှဲ ဆုတောင်းမိ သည်။ ရင်ထဲမှာလည်းအပျော်မြစ်ကလေးဖြတ် ဆင်းသွား သည်။ ရောင်း၍ရသော ပိုက်ဆံများရေတွက်နေစဉ်မှာ…

“အဖွားရေ..မေတ္တာလမ်းကိုဘယ်လိုသွားရသလဲခင်ဗျာ..”

“သြော်..လူလေးတို့ရေ..ရှေ့တစ်လမ်းကျန်သေးတယ်။ဒါ ကတော့ သစ္စာလမ်းပေါ့။မေတ္တာလမ်းက တစ်လမ်းကျော် မှာလေ။ ဒါနဲ့ မေတ္တာလမ်းက ဘယ်သူ့ကိုများတွေ့ချင် တာ လဲကွယ်..”

“ဒေါ်မြင့်မေပါခင်ဗျ..”

“အလို…ငါ့ကိုတွေ့ချင်တာပါလား။ ဘယ်သူတွေများပါ လိမ့်။ မြေလေးတို့နဲ့များပတ်သက်နေမလား။ ဘုရား.. ဘုရား..ကောင်းသောသတင်းကိုသာ ကြားပါရစေလို့ ရင်ထဲမှာ အခါခါဆုတောင်းနေမိပါတော့တယ်”

“ဒေါ်မြင့်မေဆိုတာ အဖွားပါကွယ်။ဒါနဲ့ လူလေးတို့ လာ ရင်းကိစ္စလေး တဆိတ်သိခွင့်ရှိမလားကွဲ့..”

ဒေါ်မြင့်မေနှင့်လူငယ်လေးတို့အပြန်အလှန်ပြောနေစဉ်မှာ ပင် ကားရှေ့ခန်းမှ အမျိုးသမီးကြီးတစ်ဦး ဆင်းလာ သည်။ ဒေါ်မြင့်မေသည် မိမိနှင့်ရွယ်တူလောက်ရှိသည့် အမျိုးသမီးအားတွေ့သောအခါရင်ထဲမှာဒိန်းကနဲ  ဆောင့် ခုန်သွားသည်။ မထင်ပါ။ ဒေါ်မြင့်မေ လုံးဝမထင်ထားပါ။ ရှယ်လီကို ဒီလိုအချိန်မျိုးမှာ တွေ့ရလိမ့်မယ်လို့ လုံးဝမျှော် လင့်မထားပါ။

“မေ..မင်း..မေ ဟုတ်ပါတယ်နော်။အမလေးသူငယ်ချင်း ရယ်..တွေ့မှတွေ့ပါ့မလားလို့ တို့မှာစိတ်ပူလိုက် ရတာကွာ..”

“ဟုတ်ပါတယ် ရှယ်လီ..ကိုယ်..မေပါ။ ဒါပေမယ့် ဟိုတစ် ချိန်တုန်းက မေမဟုတ်တော့ပါဘူး။ အခုတော့ အရာ ရာပြောင်းလဲကုန်ပါပြီကွယ်။ ..”

“မေရယ်..ဘယ်လိုက ဘယ်လိုဖြစ်ရတာတုန်း..အင်း.. မင်းကိုတွေ့ချင်လွန်းလို့ အောင်လံကနေ တကူးတက လာခဲ့တာတွေ့မယ်တွေ့တော့လည်း ၀မ်းသာဝမ်း နည်းကြီး ပါလားမေရယ်။ ကြည့်ပါဦးကွယ်။ မင်းအိုစာ သွားလိုက်တာ မင်းသာမပြုံးခဲ့ရင်မင်းအပြုံးကို အမြဲမှတ် ထားတဲ့သူမဟုတ်ရင် မင်းဟာမေပါဆိုတာ ဘယ်သူမှယုံ မျာမဟုတ်ဘူး။ ကဲ..ကဲ..မင်းရဲ့အဖြစ်သနစ်အစုံအလင် ကို ပြောပြပါဦးလားမေရယ်…”

“ပြောပြချင်ပါတယ် ရှယ်လီရယ်… ကိုယ့်မှာ ရင်ဖွင့်စရာ မရှိလို့ မျိုသိပ်ထားရတာ နှစ်ပေါင်းမနည်းတော့ ဘူး။ရင်ထဲ မှာ အစိုင်အခဲကြီးတောင်ဖြစ်နေလောက်ရောပေါ့။ ကဲ.. လာကွာ ကိုယ့်အိမ်ကိုလိုက်ခဲ့ပေတော့..”

ဒေါ်မြင့်မေသည် မမျှော်လင့်ဘဲ သူငယ်ချင်းကိုတွေ့ လိုက်ရ သည့်အတွက် ရင်ထဲမှာ ဖော်မပြနိုင် လောက်အောင် ၀မ်း သာနေမိသည်။ စိတ်တို့တက်ကြွကာ ပြောလိုက်တဲ့စကားတွေကလည်းရေ ပက်မ၀င်တော့။ “သူငယ်ချင်းရေ ကိုယ်တို့အိမ်ကတော့ တဲသာသာရယ်နော်။ မင်းကို ခေါ်လာရတာတော့ ကိုယ် အရမ်းအားနာပါ တယ်ကွယ်။ သူငယ်ချင်းနဲ့ စကားအေးအေးဆေးဆေးပြောပြချင်လို့သာ အိမ်ကိုခေါ် ခဲ့ရတာ။ အင်း…ခက်တာက ကိုယ့်မှာ သူငယ်ချင်း လာလို့မှ ဆိုင်ကြီးကနားကြီးမှာ ဧည့်မခံနိုင်တဲ့အဖြစ်..”

“အမလေး မေရယ် ကိုယ်ကမင်းကိုတွေ့ရရင်ပဲ ကျေနပ် လှပါပြီ။ကိုယ့်အတွက်ဘာမှမလိုအပ်ပါဘူးကွယ်။  မေဘာ မှ စိတ်အနှောင့်အယှက်ဖြစ်မနေပါနဲ့ကွာ။ ကိုယ်အရာ အားလုံးကို နားလည်ပါ တယ်။ ကဲ..ကဲ…မင်းရဲ့ အဖြစ်သနစ်တွေ ကို ဇာတ်စုံခင်းပါဦး ကွယ်…”

သူငယ်ချင်းဖြစ်သူက မေးလာတော့လည်း မေသည် မဖြေ မဖြစ်ဖြေရတော့မည်။ အတိတ်အကြောင်းကို မေ မတွေး ချင် ပါ။တွေးနိုင်အောင်လည်းအင်အားမရှိလှပါ။ အတိတ် သည်ဒဏ်ရာဒဏ်ချက်တွေနဲ့သာပြည့်နှက်နေတာမို့ မေ့ ထားလိုက်ချင်ပါပြီ။သို့သော်…ခံစားချက်သည် နှလုံးသား အပိုင်းဖြစ်၍ မေ့မရခြင်းသည် ဦးနှောက်၏အ ပိုင်းဖြစ်လေ သည်။

“ဒီလိုသူငယ်ချင်းရေ…ကိုယ်မင်းနဲ့ကွဲပြီး (၂)နှစ်အကြာမှာ အိမ်ကသဘောတူတဲ့ ကိုသက်ဦးမောင်နဲ့ လက်ထပ် ခဲ့တယ်။ ကိုသက်ဦးမောင်ကရိုးသားကြိုးစားပြီး သစ္စာရှိ တဲ့ ယောက်ျားတစ်ယောက်ဆိုတော့ ကိုယ့်ဘ၀ အေးချမ်း ခဲ့တယ်လေ။ ကိုယ်တို့အိမ်ထောင်ကျပြီး တစ်နှစ်အကြာ မှာတော့ သမီးလေးသက်ထားကိုမွေးခဲ့တယ်။ ကိုသက်ဦးမောင်ဟာ ဇနီးနဲ့သမီးကိုချစ်လိုက်တာမှ တုန်နေတာပဲ။ အဲဒီအချိန်တွေက ကိုယ့်ဘ၀ ရဲ့ရွှေရောင်နေ့ ရက်တွေပဲပေါ့ကွယ်..”

“ဒါပေမယ့်..ကံကြမ္မာဆိုတာ ဘယ်လိုမှ ကြိုတင်တွက် ဆလို့ရတဲ့ အရာမှမဟုတ်တာ။ ကိုယ်တို့ဘ၀လေး သာယာပျော်ရွှင်နေတုန်းမှာ ရွှေတောင်ကြီးပြိုခဲ့ရတယ်လေ။ ကိုသက်ဦးမောင်ဟာ စီးပွားရေးကိစ္စတစ်ခုနဲ့ ခရီး ထွက်ရင်းလမ်းမှာ ကားမှောက်ပြီးဆုံးခဲ့တယ်လေ။

“အို..ဖြစ်ရလေ..သူငယ်ချင်းရယ်..”

“ကိုယ်လဲ သမီးလေးဘ၀ရှေ့ရေးအတွက် ကြံ့ကြံ့ခံရင် ဆိုင်နိုင်အောင်ကြိုးစားခဲ့ပါတယ်။ သွားလေသူ ကလည်း ကိုယ်တို့အတွက် ပစ္စည်းအတော်များများထားခဲ့ပါတယ်။ သမီးလေးမျက်နှာမငယ်ရအောင် ကိုယ်လည်း အားတင်း ခဲ့ပါတယ်။ဒီလိုနဲ့သမီးလေးလည်းအရွယ်ရောက်လာခဲ့တယ်။ ဒါပေမယ့် သမီးလေးဟာ ပညာကို ဆုံးခန်းတိုင်အောင် မသင်ဘဲ ချစ်သူနောက်ကောက်ကောက်ပါအောင် လိုက် သွားခဲ့တယ်လေ။အင်း..မေ့ဘ၀မှာပထမဦးဆုံးထွက်သွား တာက ကိုသက်ဦးမောင်။ ဒုတိယကသမီးလေး။ ကိုယ်လည်းအထီးကျန်ဘ၀နဲ့ပဲ ယောင် ချာချာဖြစ်ခဲ့ ရတာပေါ့လေ..”

“အဲ..နှစ်နှစ်လောက်အကြာမှာ သမီးလေးဟာ ကလေး တစ်ယောက်နဲ့ အိမ်ကိုပြန်ရောက်လာပါလေ ရော။ သူ့ခင်ပွန်းကရှာဖွေမကျွေးတဲ့အပြင် အရက်သောက်၊ ဖဲရိုက်၊အိမ်ကပါသွားတဲ့ ပစ္စည်းတွေလည်းကုန်ရော သမီးကို နှိပ်စက်တော့တာပဲ။လင်ဆိုးမယားတဖားဖားဆိုသလိုပေါ့ကွယ်။ သမီးလည်း သူနဲ့ဆက်ပြီး မနေနိုင်တော့တာနဲ့ကိုယ့် ဆီကိုရောက်လာတယ်။ ကိုယ်လည်း သမီးကိုချစ် တဲ့စိတ် ရယ်၊ သနားတဲ့စိတ်ရယ်ကြောင့် သမီး ကိုပြန်လက်ခံခဲ့ ပါတယ်။ သမီးလေးဟာ သူ့ခင်ပွန်းရဲ့နှိပ်စက်ဒဏ်ကြောင့် စိတ်ထောင်းလို့ ကိုယ်ကျေကာ ကျန်းမာ ရေးချို့တဲ့ လာ တယ်။ ကိုယ်လည်းတတ်နိုင်သလောက်သမီးလေး ကိုပြုစုစောင့်ရှောက်ခဲ့ပါတယ်..”

“အဲ..သမီးလေးဟာ မိခင်ရဲ့စေတနာနဲ့နွေးထွေး တဲ့ အကြင်နာ မေတ္တာတွေကြောင့်ကျန်းမာရေး  ကောင်းပြီးစို စိုပြေပြေဖြစ်လာတယ်။ မကြာပါဘူး။သမီးယောက်ျားဟာ သမီးလေးကိုချော့လို့တစ်မျိုး ခြောက်လို့တစ်ဖုံ ပြန်လာခေါ် တယ်။ သမီးလေးကလည်း အတင်းငြင်းပါတယ်။ ဒါပေမယ့် နောက်ဆုံးတော့ သူ့ ခင်ပွန်းလက်ထဲကို ပြန်ပါ သွားခဲ့တယ်။ဒုတိယကိုယ်ဝန်လွယ်နေတုန်းမှာ သူ့ယောက်ျားနောက်အိမ်ထောင်ထပ်ပြု ပြန်ပါလေရော။ သမီးလေးလည်းယောက်ျားဆိုးရဲ့နှိပ်စက်တဲ့ဒဏ်ကို ကြာရှည်မခံနိုင်တော့ဘဲ သားလေးကိုဖြိုး မွေးပြီး ဆုံးသွားတယ်လေ။ ကိုယ်လည်းမြေးနှစ်ယောက်ကိုရင်ခွင်ပိုက်ရတော့တာပေါ့။ မြေးလေးတွေလည်း လိမ္မာကြပါတယ်။ ပညာကိုကြိုးစားပြီးသင်တယ်။ အကြီးမ ပန်းခရေ ဆယ်တန်းဖြေထားတယ်။ အငယ်လေး ကိုဖြိုး ကရှစ်တန်းတက်ပြီလေ..။

“သမီးပန်းခရေနဲ့သားလေးကိုဖြိုးရေ..အမေကြီးဆီကိုလာ ပါဦးကွယ်။ မြေပဲဆားလှော်ပါတစ်ပါတည်းယူ ခဲ့နော်။ ရှယ်လီကမြေပဲဆားလှော်သိပ်ကြိုက်တာကွဲ့..”

ပန်းခရေသည် မြေပဲဆားလှော်ပန်းကန်နှင့် ရေနွေးကြမ်း အိုးလေးကိုင်ကာ ထွက်လာသည်။ ဖြူစင်သန့်ရှင်းကာ လှပ၍ ချစ်စရာကောင်းသော ဒေါ်ရှယ်လီမြင်လိုက်ရာ တွင် ….

“ဟယ်…မေရေ…မင်းရဲ့မြေးမလေးက မင်းနဲ့တထေရာ တည်း ပါလား..”

“ဟုတ်ပါ့ရှယ်လီရယ်..သမီးပေးခဲ့တဲ့အမွေတွေပေါ့..ဟင်း…ဟင်း”

“ကဲ…မေရေ..အခုကစပြီး ကျွန်မသူငယ်ချင်းဘာမှ စိတ်အားမငယ်နဲ့တော့သိလား။ မင်းရှေ့မှာ ကိုယ် တစ်ယောက်လုံးမားမားမတ်မတ်ရှိတယ်လို့ စိတ်ထဲမှာ သဘောထား။ မင်းခရေပန်းမရောင်းနဲ့တော့ လိုအပ် တဲ့ အရာမှန်သမျှ ရှယ်လီကိုပြော မေ..အခု ကစပြီး  အေးအေးချမ်းချမ်းနေပါတော့ကွယ်..”

“ဘယ်ဟုတ်ပါ့မလဲရှယ်လီရယ်…တို့ရှာနိုင်ပါသေးတယ်..”

“တော်ပြီမေ..ရှင့်ကိုယ်ရှင်ပြန်ကြည့်ဦး…မေရဲ့မိဘတွေ သာဒီပုံစံမြင်ရင် ရင်ကျိုးရချည်ရဲ့ကွယ်။ သူတို့ တွေက သူတို့ရဲ့သမီးကို ခြေမွှေးမီးမလောင် လက်မွှေးမီး မလောင်ထားခဲ့တာ အခုတော့ မေရယ်..”

“ဘယ်တတ်နိုင်ပါ့မလဲ သူငယ်ချင်းရယ်။ ဘ၀ပေး ကုသိုလ်ပေါ့။ တစ်ချိန်ကရွှေထီးစောင်းခဲ့ရတဲ့နေ့ရက် ကလေးတွေကို ပြန်တမ်းတလွမ်းဆွတ်နေတော့ရော ဘာဝမှာ အရာအားလုံးပြီးပြည့်စုံသွားတာမှမဟုတ်တာပဲ ကွယ်။မြေးလေးနှစ်ယောက်အတွက် လောကဓံကိုကြံ့ကြံ့ခံ ရင်ဆိုင်သွားရမှာပေါ့…မဟုတ်ဘူးလား..”

“ဟုတ်တော့ ဟုတ်ပါတယ်ကွယ်။အဲဒီတာဝန်ကို ကျွန်မကိုလည်း ထမ်းခွင့်ပြုပါနော်..”

………………………………

မေသည် သူငယ်ချင်းရှယ်လီ၏အကူအညီကို မယူမဖြစ်ယူ ရပေတော့မည်။

မြေးမလေးပန်းခရေသည် ဆယ်တန်းကို ဘာသာစုံဂုဏ် ထူးဖြင့် အောင်မြင်ခဲ့လေပြီ။ မြေးမလေး၏ ကြိုးစား မှုကြောင့် ရရှိလာသော အောင်မြင်မှုအတွက် ၀မ်းသာ ဂုဏ်ယူမဆုံးဖြစ်မိသော်လည်း အပျော်မြစ်သည် ခဏသာ စီးဆင်းနိုင်ခဲ့သည်။ မြေးမလေးသွားချင်သည့် ဆေးတက္က သိုလ်မေ့အနေဖြင့် ပို့နိုင်မည်မထင်ပါ။ ၀မ်းရေးတောင် အနိုင်နိုင် ရုန်းကန်နေရသည့် မေသည် မြေးမလေး အတွက်မည်သို့မည်ပုံဖန်တီးပေးရမည်မသိ။ အကြပ် အတည်းများကြားမှ မေသည် သူငယ်ချင်းဖြစ်သူ ကို သတိရ မိသည်။“ပူမနေပါနဲ့မြေးရယ်။ အဖွားသူငယ်ချင်း ရှယ်လီကိုအကူအညီလှမ်းတောင်းလိုက်ရင်ရပါတယ်။ မြေးလေးသာ ဆရာဝန်ကြီးဖြစ်အောင် ကြိုးစား..ကြားလား..”

“ဟုတ်ကဲ့ပါ အဖွားရယ်..”
 ဒေါ်မြင့်မေသည် မြေးမလေးကို ဖြေသိမ့်ပြီး သူငယ်ချင်း ရှယ် လီပေးထားသည့် ဖုန်းနံပါတ်ကလေးကို ယူကာ လမ်းထိပ်သို့ထွက်လာခဲ့သည်။

“ဟယ်လို..ရှယ်လီလား..မေပါသူငယ်ချင်းရယ်..”

“အိုး…မေ..မင်းကိုယ့်ဆီကိုဖုန်းဆက်တယ်၊ကိုယ်ဝမ်းသာ လိုက်တာကွယ်…”

မေသည် သူငယ်ချင်းဖြစ်သူ၏လှိုက်လှိုက်လှဲလှဲရှိမှုကို သိရတော့ ၀မ်းသာမိသည်။ မြေးလေးအတွက် အကူ အညီတောင်းရန်လည်း အားတက်မိသည်။

“ဒီလိုပါရှယ်လီရယ်။ သမီးကြီးပန်းခရေလေ ဆယ်တန်း ကို ဘာသာစုံဂုဏ်ထူးနဲ့အောင်တယ်ကွ။အဲဒါ..”

“အိုကေ..သိပြီသူငယ်ချင်း..ပန်းခရေလေးကို သူတက်ချင်တဲ့ဆေးတက္ကသိုလ်ကိုတက်ခိုင်း၊ ကိုယ်အား လုံးကူညီမယ်..ဟုတ်ပလား..”

ဒေါ်ရှယ်လီသည် သူငယ်ချင်းဖြစ်သူကို ကူညီခွင့်ရ သည့် အတွက် ရင်ထဲမှာအပျော်ကြီးပျော်မိသည်။ မိမိ၏မြေးများ ကိုလည်း ပန်းခရေကဲ့သို့တော်စေချင်သည်။ တတ်စေ ချင်သည်။ လိမ္မာရေးခြားရှိစေချင် သည်။ခက်တာကသမီး၊ သမီးသည် သူမ၏သားသမီးများကို အချစ်လွန်ကာ အလို လိုက် လွန်းသည်။ မိမိကဆုံးမ သည့်အခါများတွင်လည်း သူမ၏သားသမီးများရှေ့မှကာဆီးကာဆီးလုပ်တတ်လေ သည်။ ကြာလျှင် မြေးများသည် လူ့မလှိုင်များဖြစ် လာတာ့ မည်။ အဆင်းလှဆန်းလူ့ပေါက်ပန်း ကလေးများဖြစ် လာတော့မည်။ အခုလည်း ပန်းခရေကဆယ်တန်းကို ထူးချွန်စွာအောင်မြင်ခဲ့ပြီး ၀တ်မှုန်ကတော့ မအောင်ခဲ့ပေ။

“သမီး ၀တ်မှုန်..သမီးကိုအကောင်းဆုံးကျောင်းတွေ မှာထားတယ်။ သမီးလုပ်ချင်တာမှန်သမျှ ဖွားဖွားနဲ့ သမီးမေမေကလိုလေသေးမရှိရအောင် ဖြည့်ဆည်းပေး တယ်။ ဖွားဖွားတို့ဘက်က တာဝန်ကျေပွန်ခဲ့ပါလျက်နဲ့ သမီးကတာဝန်မကျေပါလားကွယ်။  မေရဲ့မြေးလေးပန်း ခရေဆိုရင်အလုပ်တစ်ဖက်ကျောင်းစာတစ်ဖက်နဲ့ဘ၀ကို ရုန်းကန်နေရတဲ့ကြားက ဆယ်တန်းကိုထူးချွန် စွာအောင် ခဲ့တယ်။ သမီးအားမကျဘူးလား..”

“အို..ဖွားဖွားကလည်း မီးကို အဲဒီလိုအောက်တန်း စားတွေနဲ့နှိုင်းပြီး မပြောပါနဲ့။ မီးသိက္ခာကျတယ် သိလား။ မီးတို့က ကိုယ့်အဆင့်အတန်းနဲ့ကိုယ်နေလာတာ။ မီးစာမေး ပွဲမအောင်လည်း မီးတို့မှာ ဥစ္စာစည်း စိမ် တွေတစ်ပုံကြီးရှိတယ်။ ဖွားဖွားဘာမှစိတ်မူပါနဲ့..”

“မာမီနော်..ဒေစီသားသမီးတွေကို သိပ်မနှိမ်ပါ နဲ့။သူတို့ အားကိုးစရာမိဘနှစ်ပါးရှိတယ်။ဒီနှစ်မအောင် တော့နောက်နှစ်ထားရလည်း ဒေစီတို့ကထားနိုင်ပါတယ်.။ ပြီးတော့ ဒေစီသားသမီးတွေကို မာမီကဟိုခေါ်ဒီခေါ် ခေါ် မသွားပါနဲ့ ဒေစီတို့က အဆင့်အတန်းရှိရှိနေလာ တာ၊ ဒေစီသားသမီးတွေကို ကိုယ်နဲ့အဆင့်အတန်းတူတဲ့ သူ တွေနဲ့ပဲပေါင်းစေချင်တယ်။ တော်ကြာ သားတို့ သမီး တို့ အောက်တန်းစား စိတ်ဓာတ်တွေဝင်သွားပါဦးမယ်။..”

ခရေပန်းဟာ တန်ဖိုးမကြီးလှပေမယ့် လူတိုင်းမြတ်နိုး တန်ဖိုးထားတယ်။ ဝေလည်းမွှေး ကြွေလည်းမွှေး တယ်။ လောကကို သူရဲ့ရနံ့လေးနဲ့အလှဆင်တယ်။ ထပ်တရာပန်းက လှတော့လှပါရဲ့။ ဒါပေမယ့်…ခူးမယ့် ပန်မယ့်သူမရှိ။ တန်ဖိုးထားသူမရှိတဲ့ပန်းမျိူး။ အဲ..ပန်းချင်း တူပေမယ့် မတူညီတဲ့အချက်တွေရှိတယ်ဆိုတာ သမီး နဲ့မြေးလေးတွေသိစေချင်ပါရဲ့။ရှယ်လီရဲ့မြေးလေးတွေလောကကြီးမှာ ခရေပန်းလေးတွေပဲဖြစ်ပါစေတော့ ဟု ဆုတောင်းရုံမှ တပါး အခြားမရှိပါပြီ…။

              ခင်လယ်လယ်ချစ်(မြန်/ဂုဏ်)