အမိနိုင်ငံတော်အတွက် ကြံ့ခိုင်သော အားဖြစ်ပါသည်….

       

       တပေါင်းလသာ၊ လတကာထက်၊ နှိုင်းရာဖက်ရှောင်၊ လများနောင်ကား၊ တောင်လည်းသာမော၊ တောလည်းသာထွေ၊ ရေလည်းသာလှ၊ ဖြူဆွ သောင်ပြင်၊ငှက်ပေါင်းရွှင်စဉ်၊ သဘင်အညီ၊ သဲစေတီဟု၊ မြှောက်ချီးရွှင်ပ၊ လှူဒါန်းကြလျက်…ဟု စာဆိုဦးအောင်ကြီးက တပေါင်းလသည် လတကာတို့ ထက်သာ လွန်တင့်တယ်သောလဟု စပ်ဆိုထားသည်ကိုတွေ့ရပါသည်။ တပေါင်းသာခေါင်၊ လများနောင်ဆိုသကဲ့သို့ တောတောင်သဘာဝက နှစ်သက်ဖွယ်ကောင်းသကဲ့သို့ ဆောင်းရာသီဆုတ်ခွာပြီး နွေရာသီဝင်လုချိန် နေ့ပူလို့ ညချမ်း၊ တပေါင်းလသရမ်းဟုဆိုသည့်အတိုင်း ဆောင်းရာသီနှုတ်ဆက်ချိန်မို့ အအေးဓာတ်မကုန် သေးသော် လည်း နွေရာသီဝင်စမို့ နေ့လည်နေ့ခင်းဆိုလျှင်ဖြင့် နွေရဲ့အရသာကိုခံစားကြရပါပြီ။

       သည်အခါသည်သမယသည် အခြေခံပညာအထက်တန်းစာမေးပွဲဖြေဆိုရတော့မည့် အချိန်အခါ ကောင်း ဖြစ်ပါသည်။နေ့မှာ နွေရဲ့အရသာကြောင့်စာကြည့်ရသည်ကို စိတ်ကမပါ။တစ်ခါတစ်ရံဆိုလျှင်ဖြင့် လေပြေက နော့နေတတ်သဖြင့် ရွက်ဟောင်းလေးတွေကြွေကျမြေခနေသည်ကိုကြည့်ပြီး ဘယ်ဆီ ဘယ်ဝယ် မျှော်ကာလွမ်းရမှန်းမသိ။သစ်ရွက်ကလေးများက လေခမြေသက် ဈာန်ဝိတက်ဖြစ်နေစဉ် စာရေးသူတို့ ၏ စိတ်ကလေးများမှာလည်းကစဥ့်ကလျားဖြစ်လို့နေတတ်ပါသည်။ 

       နေ့မှာရာသီဥတုကိုယ့်ဘက်ပါသည့်အတွက် ညမှာစာကြည့်မည်ဟု အားခဲထားပြန်ပါသော်လည်း တပေါင်းလရာသီ၏ချမ်းစိမ့်စိမ့်အအေးလေးကြောင့် အိပ်ယာဝင်ဖို့သာ စိတ်ဆောနေမိတတ်ပါသည်။ ရသေ့ သူတော်တောင်မှ ဥာဏ်မခိုင် ဈာန်ယိုင်လျှောရလောက်အောင် တပေါင်းလရာသီသည် လတကာလများ ထဲတွင် အသာယာဆုံးလဖြစ်သည့်အတွက် ပုထုဇဉ်လူသားများအဖို့ဆိုလျှင်ဖြင့် ဆိုဖွယ်မရှိပါပြီ။

       သို့သော်…ကျောင်းသားသည် စာကြည့်ရမည့်တာဝန်မှာ သမိုင်းပေးတာဝန်ဖြစ်ပါသည်။ ဟိုဟိုဒီဒီဖြင့်ရှောင်လွှဲလို့မရပါ။ စာသင်ချိန်မှာစာကိုကြိုးစားသင်ယူမှသာ ထူးချွန်ထက်မြက်သည့် လူတော်လူ ကောင်းများဖြစ်လာမှာအမှန်ပါ။ ယနေ့လူငယ်နောင်ဝယ်လူကြီးဆိုသည့်အတိုင်း တက်ကြွလန်းဆန်းသည့် လူငယ်မောင်မယ်လေးများသည် အချိန်တစ်ခုကိုကျော်ဖြတ်ပြီးသကာလ လူကြီးဖြစ်လာပါတော့မည်။ ကိုယ်စိုက်သည့်သစ်ပင် ကိုယ်တိုင်ရိတ်သိမ်းကြရမှာ ဓမ္မတာပင်။ မိမိသည်ငယ်ရွယ်စဉ်အခါတွင် အတွေးမှန် အလုပ်မှန်ဖြင့် ကြိုးစားမည်ဆိုပါလျှင် တစ်နေ့မှာ မိမိနှင့်ထိုက်သင့်သည့် ဆုလာဘ်ရရှိလာမည်မှာ အမှန်ပင်။

       ကျောင်းသားလူငယ်လေးများအနေဖြင့် အမှန်တကယ် ကောင်းအောင်လုပ်ချင်တယ်ဆိုလျှင်ဖြင့် ကိုယ်တိုင်းကြိုးစား လေ့လာသင်ယူပြီး ကိုယ်အလှည့်ရောက်ရင် အကောင်းဆုံးဖြစ်အောင် လုပ်မယ်ဆိုသော စိတ်ဖြင့် ယခင်ကအားနည်းချက်များကို တွေ့အောင်ရှာပါ။ မြင်အောင်ကြည့်ပါ။ ဗိုလ်ချုပ်အောင်ဆန်း သည်ပင်လျှင် ကျွန်ပညာရေးစနစ်မှာ ကျိုးစား သင်ယူ ကိုယ်တိုင်လေ့လာပြီး သူလုပ်နိုင်ပြီဆိုမှ နိုင်ငံကို ဘယ်လို လွတ်လပ်ရေးရအောင် လုပ်မယ် ဘယ်လို ထူထောင်ရမလဲ စဉ်းစားပြီးမှ လုပ်ခဲ့တာပါ။ မူလတန်း ကလေးက မူလတန်းအတွေးပဲရှိကာ အလယ်တန်းကလေးကအလယ်တန်းအတွေး ပဲရှိပြီး အထက် တန်း အတွေးက အထက်တန်းအတွေးပဲရှိမည်။ ကျောင်းသား အတွေးက ကျောင်းသား အတွေး။ပါမောက္ခက ပါမောက္ခ အတွေး။ ဒေါက်တာက ဒေါက်တာအတွေး မတူကြပါဘူး။ သူများပြောတိုင်း မယုံဘဲ ကိုယ်တိုင် လေ့လာသင့်တယ် ကြိုးစားသင့်ပါသည်။ အနာဂတ်မှာ ထွန်းလင်းတောက်ပမည့် ကြယ်ကလေးများကို နိုင်ငံရေးလုပ်စားသည့် သူများ၏ လက်အောက်မှာ လောင်းရိပ်မမီစေချင်ပါ။ လောင်းရိပ်မိရင် သစ်ပင်တွေ တောင် အတက်နှေးပြီး အပင်ကိုင်းတတ်တာမို့ အထူးသတိပြုစေလိုပါသည်။ လှေလှော်ရင်းတက်မကျိုး မသွားဖို့က မိမိ၏စဉ်းစားတွေးခေါ် မြော်မြင်တတ်မှုကလည်း အထိုက်အလျောက် အရေးပါသည်ကို သိဖို့လို ပါ လိမ့်မည်။

       နိုင်ငံတော်သမ္မတကြီးဦးသိန်းစိန် (၂၀၁၅ခုနှစ်၊ မတ်လတွင်ပြောကြားခဲ့သည့် ရေဒီယိုမိန့်ခွန်းတွင်      အမျိုးသားခေါင်းဆောင်ကြီးဗိုလ်ချုပ်အောင်ဆန်းရဲ့အဆိုအမိန့်များ၊ကိုယ်ကျင့်တရားနဲ့တိုင်းပြည်အပေါ်ထားရှိ တဲ့ အာဇာနည်စိတ်ဓာတ်ကိုချီးမွမ်းနေရုံ၊ လေးစားအားကျရုံ၊ဖော်ကျူးနေရုံမျှနဲ့ တာဝန်ကျေပြီလို့မယူဆ ကြဘဲ လိုက်နာလုပ်ဆောင်ဖို့လိုကြောင်းကိုလည်း မီးမောင်းထိုးပြလိုပါတယ်။ ဗိုလ်ချုပ်ရဲ့အဆိုအမိန့်များကို လက် တွေ့ကျင့်သုံးနိုင်ဖို့နဲ့ ဗိုလ်ချုပ်ရည်မှန်းခဲ့တဲ့ ဒီမိုကရေစီအရေး၊ တန်းတူရည်တူရှိရေးနဲ့ ကမ္ဘာ့အလယ် မှာ တင့်တယ်တဲ့ ပြည်ထောင်စုကြီး တစ်ရပ်အဖြစ်ရောက်ရှိအောင် နိုင်ငံရေးခေါင်းဆောင်များအားလုံးနဲ့ နိုင်ငံသားတစ်ဦးချင်း စီကအားလုံးတည်ဆောက်မှသာလျှင် တာဝန်ကျေပြီး ကျေးဇူးတပ်ရာရောက်တယ်လို့ ခံယူထားကြရမှာဖြစ်ပါ တယ်။ တိုင်းပြည်ရဲ့အနာဂတ်အနှစ်၁၀၀ကိုရည်မှန်းကြည့်တဲ့အခါ ထိုအချိန်မှာရှိ နေကြမယ့် တိုင်းပြည်ရဲ့ အနာ ဂတ်လူငယ်တွေက တမ်းတကြ၊ လေးစားကြ၊ အားကျရတဲ့ ခေါင်းဆောင် တွေဖြစ်ဖို့ ဒီကနေ့လူငယ်တွေ အနေနဲ့ ကြိုးပမ်းကြဖို့လည်း တိုက်တွန်းပါကြောင်း…”ထည့်သွင်းပြောကြား ချက်သည် လူငယ်လေးများအတွက် လိုက်နာသင့်၊ နာယူမှတ်သားသင့်သည့် မှာကြားချက်တစ်ခု ပင်ဖြစ်ပါ သည်။

       လူဦးရေ သန်း(၅၀)ကျော်ရှိသည့် မြန်မာနိုင်ငံတွင် လူငယ်များမှာ (၁၆)သန်းရှိသဖြင့် နိုင်ငံ၏(၃၀)%ရှိသော လူငယ်များသည် အနာဂတ်ဖွံ့ဖြိုးတိုးတက်မှုနှင့် ဒီမိုကရေစီအသွင်ကူးပြောင်းရေးအတွက် အဓိကအခန်းကဏ္ဍမှပါဝင်နေသည်ဖြစ်ရာ အနာဂတ်နိုင်ငံတော်သည် လူငယ်လေးများ၏လက်ထဲတွင်ရှိ နေပါသည်။ မိမိတို့အနေဖြင့် အနာဂတ်ကာလမှာ ပန်းမွေ့ယာရွှေကော်ဇောခင်းထားသည့် လမ်းပေါ် တွင် လျှောက်လှမ်းမည်လား။ ခရောင်းလမ်းကိုလျှောက်လှမ်းမည်လားဆိုသည်ကို ကိုယ်တိုင် စဉ်းစား တွေးခေါ် မြော်မြင်ပြီးမှသာ လုပ်ဆောင်ဖို့လိုအပ်ပါသည်။ အပြုနှင့်အဖျက်၊ အကြောင်းအကျိုးအကောင်းအဆိုးဟူသည် အမြဲဒွန်တွဲနေတတ်ပါသည်။ မိမိလုပ်ရပ်သည် မိမိအတွက်အကျိုးရှိစေသော်လည်း အများအကျိုးထိခိုက်မည် ဆိုပါက မကောင်းပါ။ ၄င်းလုပ်ရပ်မျိုးသည် ဒီမိုကရေစီစံနှုန်းနှင့်မကိုက်ညီပါ။ ဒီမိုကရေစီသည် နိုင်ငံရေးစနစ် သက် သက်မဟုတ်ဘဲ လူသားများအားလေးစားသည့်စိတ်ဓာတ်ဖြစ်ကာ မိမိနှင့်ထပ်တူ အခြားသူများ၏ လွတ်လပ်မှုကို အလေးထားသည့်စိတ်စေတနာ၊ ချစ်ကြည်ရင်းနှီးမှုမေတ္တာ၊ တာဝန်ယူမှုများနှင့် အရာရာကို လုပ်ဆောင်ခြင်းပင်ဖြစ်ရာ ၄င်းစိတ်ဓာတ်သည် လူငယ်လေးများ၏နှလုံးသားတွင်ကျယ်ကျယ်ပြန့်ပြန့် စိမ့်ဝင်လာစေ ရမှာဖြစ်ပါသည်။ စစ်မှန်သည့်ဒီမိုကရေစီဆိုသည်မှာ နန်းတော်များ၊ လွှတ်တော်များစသည့် ခန်းနားထည်ဝါသည့် အဆောက်အဦများထဲမှ ဖန်တီးပြုလုပ်ခြင်းမဟုတ်ဘဲ ပြည်သူများ၏ နှလုံးသားထဲမှာ ဖန်တီးခြင်းဖြစ်သည့်အတွက် လူငယ်လေးများအနေဖြင့် မိမိတို့၏နှလုံးသားထဲမှဒီမိုကရေစီကိုဖန်တီးခြင်း သည်သာလျှင် စစ်မှန်သည့် ဒီမိုကရေစီလမ်းကြောင်းပေါ်သို့ရောက်ရှိမည်ဖြစ်ပါသည်။

       အတိတ်၊ပစ္စုပန်၊အနာဂတ်ဟူသည့်ကာလသုံးပါးကိုလူတိုင်းမလွဲမသွေကြုံတွေ့ရမှာဖြစ်ပါသည်။ မည်သူမဆို အတိတ်မှာ မှားကောင်းမှားနိုင်သော်လည်း ပစ္စုပန်တွင်မမှားဖို့လိုပါသည်။ပစ္စုပန်မှာ အကောင်းဆုံး လုပ်ဆောင်နိုင်ပါမှ အနာဂတ်မှာလှပမှာဖြစ်ပါသည်။ ယနေ့အချိန်အခါတွင် ကိုယ်ကျိုးရှာ အတ္တ သမားများ အနေဖြင့် လူငယ်မောင်မယ်များကို သွေးထိုးသွေးမြောက်လုပ်ပေလိမ့်မည်။ က်ျသည်ကို သတိသမံဥာဏ်မြေကတုတ်ဖြင့် စိတ်ဆင်ရိုင်းကိုချွန်းအုပ်ထားဖို့လိုပါလိမ့်မည်။ နိုင်ငံတော်ရဲ့အားများသည် နိုင်ငံတော်အတွက်ကျားမဖြစ်စေရန် အထူးသတိပြုကြရမှာဖြစ်ပါသည်။

                                                                                         ခင်လယ်လယ်ချစ်(မြန်/ဂုဏ်)