Who is the Leader of Democracy (ဒီမိုကရေစီခေါင်းဆောင်ဆိုတာ ဘယ်သူလဲ..)

Leader do not make democracy people do ဒီမိုကရေစီကို ပြည်သူလူထုကသာ ဖော်ဆောင်နိုင်တယ်။ ခေါင်းဆောင်တစ်ဦးတစ်ယောက်ထဲက မဖော်ဆောင်နိုင်ဘူးဆိုတဲ့ စာသားလေးကို သဘောကျမိပါတယ်။ ဒီမိုကရေစီကို လူတစ်ဦးတစ်ယောက်ထဲက အကောင်အထည်ဖော်နိုင်သည်မဟုတ်ဘဲ ပြည်သူလူထုကသာ ဒီမိုကရေစီကျင့်စဉ်ကို စည်းကမ်းနည်းလမ်းကျနစွာ ကျင့်ကြံမှသာလျှင် ဒီမိုကရေစီ၏ အနှစ်သာရကို အမှန်တကယ်ရရှိမှာဖြစ်ပါသည်။

Mobocracy(လူအုပ်စုဖွဲ့ အနိုင်ကျင့်မှုမျိုး)၊ 

Anarchy(အကြမ်းဖက်နည်းနဲ့ယူသည့် မင်းမဲ့ဝါဒမျိုး)၊

 Electocracy( မဲဆန္ဒရှင်ပြည်သူများကို မဟုတ်မမှန်မက်လုံးတွေပေး၊ လိမ်ညာမဲဆွယ်ပြီးယူရင်တဲ့ ရွေးကောက်ပွဲအဓိက၀ါဒ)၊

Autocracy(လူတစ်ဦးတစ်ယောက်ကို ဗဟိုပြုပြီးမှီခိုလွန်းတဲ့သဘော)၊

Polyarchy(လူထုကို မဲထုတ်စက်လိုသဘောထားပြီး လူနည်းစုရေပေါ်ဆီ လူတတ်၊ လူလည်တစ်သိုက်က အုပ်စိုးဖို့ကြိုးစားမှု) 

တို့သည် ဒီမိုကရေစီမဖြစ်နိုင်တော့ပါ။ တကယ်တော့ ဒီမိုကရေစီဆိုတာ ပြည်သူ့အတွက် ပြည်သူကိုယ်တိုင် တင်မြှောက်တဲ့အစိုးရလို့အဓိပါယ်ဖွင့်ဆိုထားကြသည့်အတွက် ဒီမိုကရေစီ၏ခေါင်းဆောင်သည်ပြည်သူ သာဖြစ်ပါကြောင်း……………….

လူငယ်များနှင့် ပါတီနိုင်ငံရေး

                                                                                       ခင်လယ်လယ်ချစ်(မြန်/ဂုဏ်)

“ သမိုင်းဘီးသည်ရပ်၍မနေ။ခုတ်မောင်းနေသည် ”ဆိုသကဲ့သို့ ပြောင်းလဲမှုတိုင်းတွင် အကျိုးအပြစ်များစွာရှိ ပါ သည်။ မည်သည့်အရာတွင်မဆို အဆိုးချည်းရှိမနေတတ်သလို အကောင်းချည်းလည်းမဖြစ်နိုင်ပါ။ အမြဲ တမ်းမှားနေသည်လည်းမရှိသလို အမြဲတမ်းမှန်နေသည်လည်း မရှိတတ်ပါ။ သို့သော် အမှန်တရားဆိုသည် ချန်ထား၍မရပြန်ပါ။ 

မြန်မာ့သမိုင်းကြောင်းကိုပြန်ပြောင်းကြည့်မည်ဆိုလျှင် ရွှေထီးဆောင်းခဲ့ရသည့် ကာလများရှိသကဲ့သို့ ခေတ် ဆိုး စနစ်ဆိုးများနှင့်လည်း ကြုံတွေ့ခဲ့ရဘူးပါသည်။မြန်မာနိုင်ငံသည် ပဒေသရာဇ်ခေတ်၊ နယ်ချဲ့ ကိုလိုနီ ခေတ်၊ ပါတီဝါဒစွဲ ပြင်းထန်သော နိုင်ငံရေးခေတ်၊ ပါတီစုံပါလီမန်ဒီမိုကရေစီခေတ်၊ တော်လှန်ရေး ကောင်စီ ခေတ်၊ မြန်မာ့ဆိုရှယ်လစ်လမ်းစဉ်ပါတီခေတ် ၊ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့နှင့်နိုင်ငံ တော် အေးချမ်း သာယာရေးနှင့်ဖွံ့ဖြိုးရေးကောင်စီခေတ်ဟူသည့် ခေတ်ကာလများကို ကြုံခဲ့ကြရပါသည်။

ကိုလိုနီခေတ်ဆိုးစနစ်ဆိုးခေတ်မှာ ဒူးမထောက်လက်မမြှောက်ချင်ပါပဲ မြန်မာ့ဇာတိမာန်ညှိုးမှိန်ခဲ့ရ သည်။သူ့ကျွန်မခံနိုင်သော တိုင်းရင်းသားညီအစ်ကိုမောင်နှမများပေါင်းစည်းကာ လွတ်လပ်ရေးကို အရယူ ခဲ့ကြ သည်။ ခေတ်အဆက်ဆက်ကို တာဝန်ယူခဲ့ရသည့် အစိုးရအဖွဲ့များသည် တိုင်းပြည်တိုးတက်စေရန်နှင့် တည်ငြိမ်အေးချမ်းအောင် အတတ်နိုင်ဆုံးဆောင်ရွက်ခဲ့ကြသော်လည်း ပြသနာမျိုးစုံနှင့်ရင်ဆိုင်ကြုံတွေ့ ခဲ့ရ ပါသည်။ခေတ်ဟောင်းစနစ်ဟောင်းကို သင်ခန်းစာယူ ၊အားနည်းချက်များကို ပြုပြင်တည်ဆောက်၊ အကောင်းဖြစ်အောင် ပြုပြင်ပြောင်းလဲရန်ကြိုးစားနေသည့် ယနေ့ခေတ်ကာလတွင် ဒီမိုကရေစီခရီးလမ်း ကို လျှောက်လှမ်းနေသည့် အချိန်အခါကောင်းပင်ဖြစ်ပါသည်။ 

ဒီမိုကရေစီကိုဖော်ဆောင်ရာမှာ နိုင်ငံရေးပါတီများသည် အရေးကြီးသောအခန်းကဏ္ဍမှပါဝင်သည်။ အဆိုပါကာလများတွင် နိုင်ငံရေးပါတီများသည် ပြည်သူ့အကျိုးကို ဆောင်ရွက်နိုင်ရန်အရေးကြီးပြီး နိုင်ငံ တော်နှင့်နိုင်ငံ့အကျိုးကိုလည်းဆောင်ရွက်ကြရမှာဖြစ်ပါသည်။ 

ယနေ့မြန်မာနိုင်ငံမှာပါတီစုံဒီမိုကရေစီစနစ်ကို ဖော်ဆောင်တဲ့နေရာမှာ ပါတီပေါင်း(၆၀)ကျော်ရှိနေပါပြီ။ ပါတီတိုင်းသည် မိမိပါတီအတွက် မဲဆွယ်စည်းရုံးရေး လုပ်ငန်း စဉ်များကို လုပ်ဆောင်နေကြသည်ကို တွေ့မြင်နေရသည်။ပါတီတစ်ခုတွင်ခေါင်းဆောင်ချည်းသော်လည်းကောင်း၊နောက်လိုက်ချည်းသော် လည်းကောင်း ရှိနေရုံဖြင့်မရပါ။ခေါင်းဆောင်ကောင်း (Good Leader )ရော နောက်လိုက်ကောင်း( Good Follower)ရောရှိဖို့လိုအပ်ပါသည်။ ပါတီဆိုသည်မှာ Part of the People ပြည်သူလူထု၏ အစိတ် အပိုင်း တစ်ခုဖြစ်သည့်အတွက် လူတိုင်းသည် ပါတီတစ်ခုထဲမှာရှိနေမည်မဟုတ်ပါ။ မိမိသက်ဝင်ယုံကြည်သည့် ပါတီ ထဲ ကိုသာဝင်ကြမှာဖြစ်သကဲ့သို့မိမိယုံကြည်အားထားသည့်ပါတီကိုသာ မဲပေးကြမှာဖြစ်ပါသည်။

ပါတီဝင်ဆိုတာ ကိုယ့်ပါတီရဲ့ အဓိကကျောရိုးပါ။ အချို့ကတော့ ပါတီဝင်အမြောက်အမြားရရှိခြင်းကို အဓိက ထားပြီး အချို့သည် ပါတီဝင်များ၏ သစ္စာရှိမှုနှင့် သက်ဝင်ယုံကြည်မှုအပေါ် အလေးထားကြသည်။ ပါတီဝင် သစ်စုဆောင်းရာတွင်အကောင်းဆုံးနည်းလမ်း သည် ပါတီကိုနှစ်နှစ် ကာကာလက်ခံ ယုံကြည်သူများကို အလေးထားရမှာဖြစ်ပါသည်။ လူအများစုသဘောကျလက်မှတ်ထိုးပြီး ပါတီဝင်ဖြစ်လာအောင် လူအတော် များများမိမိပါတီကိုထောက်ခံအားပေးလာအောင် လုပ်ဆောင်ကြရမှာဖြစ်ပါသည်။ပါတီအခြေခံ အုတ်မြစ်ရှင်း လင်းပြတ်သားခိုင်မာမှ လူတွေက လက်ခံယုံကြည်ကြမှာဖြစ်ပါသည်။ လူတိုင်းပထမအကြိမ် မှာ ယုံကြည်ချင်မှ ယုံကြည်ပါလိမ့်မယ်။ သို့သော် ဒီမိုကရေစီခေတ်မှာ ပြည်သူများအနေဖြင့် ပါတီ တစ်ခု ကို မဖြစ်မနေရွေးချယ်ပြီး မဲပေးရမှာဖြစ်ပါသည်။ ပြည်သူများသည် မိမိတို့အကျိုးကို အမှန်တကယ်လိုလားသည့် ပါတီကိုသာ အမြော်အမြင်ရှိရှိရွေးချယ်ကြမှာဖြစ်သည့်အတွက် မိမိ၏လုပ်ဆောင်ချက်မှန်ကန်နေလျှင် ၄င်းတို့သက်ဝင် ယုံကြည်လာမှာ ဖြစ်ပါသည်။ 

ပါတီတစ်ခုသည် မိမိပါတီသို့ပြည်သူများမှ သက်ဝင်ယုံကြည်လာပြီး ပါတီတွင်းသို့ဝင်ရောက်စေရန် (သို့ မဟုတ်) မိမိပါတီကို မဲပေးစေရန် ပြည်သူကိုမဲဆွယ်စည်းရုံးရမှာဖြစ်ပါသည်။ ထိုသို့စည်းရုံးရာတွင်လည်း လူငယ်အချင်းချင်းစည်းရုံးလျှင် ပိုမိုအောင်မြင်နိုင်ပါသည်။ မိသားစုတစ်စုတွင် မိဘကို စည်းရုံးလျှင် ရချင်မှရ နိုင်မည်ဖြစ်သော်လည်း လူငယ်များ(ရင်နှစ်သည်းခြာသားသမီးများ)ကို စည်းရုံးလျှင်မိဘများပါပါဝင်လာ နိုင်ပါသည်။ စည်းရုံးရေးလုပ်ငန်းစဉ်များတွင် လူငယ်ထုကိုအသုံးပြုခြင်းဖြင့်ရရှိလာမည့် အားသာချက်များ မှာ-

၁။ ငွေကုန်ကြေးကျသက်သာခြင်း။

၂။ မိမိပါတီအတွက်ပါတီဝင်အသစ်များစွာကိုစည်းရုံးနိုင်ခြင်း။

၃။ လူငယ်မဲဆန္ဒရှင်များကိုစည်းရုံးမည်ဆိုပါက ပိုမိုအောင်မြင်နိုင်ခြင်း။

၎။ စိတ်အားလူအားနှစ်မြှုပ်ပြီး လုပ်ဆောင်နိုင်ခြင်း။

၅။ မူဝါဒလမ်းစဉ်များချမှတ်ရာတွင် ပါဝင်ကူညီနိုင်ခြင်း။ 

၆။ မူဝါဒဖော်ဆောင်ရာတွင် သုတေသနလုပ်နိုင်ခြင်း။

၇။ မူဝါဒများနှင့်ပတ်သက်ပြီး သတင်းစကားများပါးနိုင်ခြင်း။

၈။ မူဝါဒမျယဒချမှတ်ရာတွင် Idea သစ်များပေးနိုင်ခြင်း 

၉။မူဝါဒများချမှတ်ရာတွင် လူငယ်များကိုထည့်သွင်းစေခြင်းဖြင့် လူငယ်ထု၏ လက်ခံယုံကြည်မှုကိုရရှိ နိုင်ခြင်း ။

၁၀။ ပါတီတွင်း/ပ ဆက်ဆံရာတွင် များစွာပါဝင်ကူညီနိုင်ခြင်း။

၁၁။ Social Mediaများတွင် လူငယ်ထုများပါဝင်ကူညီနိုင်ခြင်း။

လူငယ်ထုသည်တက်ကြွသည်။ ဖြတ်လတ်သည်။ရိုးသားဖြူစင်သည်။ လုပ်ချင်ကိုင်ချင်စိတ်ရှိသည်။ အလုပ် လုပ်သည့် နေရာတွင် စိတ်အားကိုယ်အားနှစ်ပြီးလုပ်ဆောင်တတ်သည်။ ထိုအားသာချက်များကို မိမိပါတီ အတွက်အား အဖြစ်အသုံးပြုကြရမှာဖြစ်ပါသည်။ 

လူငယ်တို့၏ စိတ်ကူးစိတ်သန်းများသည် လတ်ဆတ်သည်။ လုပ်ဆောင်ချက်များသည်တက်ကြွဖြတ်လတ် သည်။ ထို့ကြောင့်မိမိပါတီ၏စည်းရုံးရေးလုပ်ငန်းစဉ်များတွင် လူငယ်များကိုတာဝန်ပေးစေခြင်း၊ လူငယ်များ ၏ လိုအပ်ချက်များကိုဖြည့်ဆည်းပေးခြင်းဖြင့် မိမိပါတီဝင်အင်အားတိုးပွားလာနိုင်မည်ဖြစ်ပါသည်။

Who is the Leader of Democracy (ဒီမိုကရေစီခေါင်းဆောင်ဆိုတာ ဘယ်သူလဲ..)

Leader do not make democracy people do ဒီမိုကရေစီကို ပြည်သူလူထုကသာ ဖော်ဆောင်နိုင်တယ်။ ခေါင်းဆောင်တစ်ဦးတစ်ယောက်ထဲက မဖော်ဆောင်နိုင်ဘူးဆိုတဲ့ စာသားလေးကို သဘောကျမိပါတယ်။ ဒီမိုကရေစီကို လူတစ်ဦးတစ်ယောက်ထဲက အကောင်အထည်ဖော်နိုင်သည်မဟုတ်ဘဲ ပြည်သူလူထုကသာ ဒီမိုကရေစီကျင့်စဉ်ကို စည်းကမ်းနည်းလမ်းကျနစွာ ကျင့်ကြံမှသာလျှင် ဒီမိုကရေစီ၏ အနှစ်သာရကို အမှန်တကယ်ရရှိမှာဖြစ်ပါသည်။

Mobocracy(လူအုပ်စုဖွဲ့ အနိုင်ကျင့်မှုမျိုး)၊

 Anarchy(အကြမ်းဖက်နည်းနဲ့ယူသည့် မင်းမဲ့ဝါဒမျိုး)၊

 Electocracy( မဲဆန္ဒရှင်ပြည်သူများကို မဟုတ်မမှန်မက်လုံးတွေပေး၊ လိမ်ညာမဲဆွယ်ပြီးယူရင်တဲ့ ရွေးကောက်ပွဲအဓိက၀ါဒ)၊

Autocracy(လူတစ်ဦးတစ်ယောက်ကို ဗဟိုပြုပြီးမှီခိုလွန်းတဲ့သဘော)၊

Polyarchy(လူထုကို မဲထုတ်စက်လိုသဘောထားပြီး လူနည်းစုရေပေါ်ဆီ လူတတ်၊ လူလည်တစ်သိုက်က အုပ်စိုးဖို့ကြိုးစားမှု) 

တို့သည် အမှန်တကယ် ဒီမိုကရေစီမဖြစ်နိုင်ပါ။ တကယ်တော့ ဒီမိုကရေစီဆိုတာ ပြည်သူ့အတွက် ပြည်သူကိုယ်တိုင်တင်မြှောက်တဲ့အစိုးရလို့အဓိပါယ်ဖွင့်ဆိုထားကြသည့်အတွက် ဒီမိုကရေစီ၏ခေါင်းဆောင် သည် ပြည်သူသာဖြစ်ပါကြောင်း……………….

ကထိန်ပွဲကြီးကျင်းပပြီ

မြောက်လေငယ် သွင်းပါလို့ 

မြူနှင်းငယ်စိုစို

မြင်တိုင်းငယ်ပျိုသည်

ရွှေကျီးညို တာရာနှင့် 

ကြတ္တိကာ ထွန်းတဲ့လတို့လေး။

တန်ဆောင်ငယ်မာသ

ဆယ့်နှစ်လတွင်၊ချမ်းမြအေးရင်

ဗြိစ္ဆာခွင်သို့၊ ရက်ဝင်ပြောင်းခွာ

ခ၀ဲညှာလဲ၊ ခိုင်လွှာဝတ်မှုန်

ရနံ့သာထုံတော့တယ်

ဘုန်းဂုဏ်ကြော့ သမ္ဘိန်မှာ

လှူကထိန် သဘင်ခင်းလို့

ကျင်းကြတယ်လေး။

                                   (မဟာအတုလမင်းကြီး)

ကထိန်ဆိုသည်မှာ ပါဠိစကားလုံး ကထိနမှဆင်းသက်လာခြင်းဖြစ်သည်။မြဲမြံခိုင်ခံ့ခြင်းဟု အနက်ဓိပါယ် ရပါသည်။ သီတင်းကျွတ်လပြည့်ကျော်(၁)ရက်နေ့မှတန်ဆောင်မုန်းလပြည့်နေ့အထိဖြစ်သော်လည်း မြန်မာနိုင်ငံအနှံ့အပြားတွင်အများအားဖြင့်တန်ဆောင်မုန်းလတွင်သာကျင်းပလေ့ရှိပါသည်။ တန်ဆောင် မုန်းလသည် ဗြိစ္ဆာရာသီဖြစ်ပြီး ကြတ္တိကာနက္ခတ်စန်းယှဉ်၏။ ခ၀ဲပန်းပွင့်၏။ ကထိန်ပွဲကျင်းပ၏။ ပါဠိစာပေ တို့ တွင် မာသေသု သရဒံ ရနဏိယံဟု ဆိုလေရာ အဓိပါယ်မှာ လတကာတို့တွင် တန်ဆောင်မုန်းလသည် မွေ့လျော်ဖွယ်ကောင်း၏ဟု သာမညဖလသုတ်တွင် တွေ့ရပါသည်။

လတကာတို့ထက် မွေ့လျော်ဖွယ်ကောင်းသော တန်ဆောင်မုန်းလ၏ထင်ရှားသောအမှတ်လက္ခဏာမှာ ကထိန် ခင်းခြင်းပင်ဖြစ်သည်။ ကထိန်ခင်းရခြင်းနှင့်ပတ်သက်ပြီး မဟာ ၀ဂ်ပါဠိတော်ကထိနက္ခန္ဓကတွင် တွေ့မြင်ကြရ သည်။

မြတ်စွာဘုရားသည် သာဝတ္ထိပြည် ဇေတ၀န်ကျောင်းတွင် သီတင်းသုံးနေတော်မူသောအခါ သုံးကျိပ်သော ပါဝေယျကတိုင်းသားရဟန်းတို့သည် အရညကင်ဓူတင်၊ပဏ္ဍပါတ်ဓူတင်၊ ပံ့သကူဓူတင် ၊ တိစီဝရိတ်ဓူတင် ဆောက်တည်ကုန်၏။ ထိုရဟန်းတို့သည်မြတ်စွာဘုရားကိုဖူးမြော်ရန် သာဝတ္ထိသို့လာကုန်၏။သို့ရာတွင် ၀ါဆိုနေ့နီးကပ်နေပြီဖြစ်သောကြောင့် ၀ါဆိုနေ့မီရန်မတတ်နိုင်ကြသဖြင့် ခရီးအကြားဖြစ်သော သာကေတ မြို့တွင် ၀ါကပ်ခဲ့ရပါသည်။

ထို့နောက်ဝါလကင်းလွတ်သီတင်းကျွတ်အခါသမယသို့ရောက်တော်မူသောအခါတွင် ပ၀ါရဏာပြုပြီးလျှင် မိုးသည်းထန် စွာ ရွာသွန်းသဖြင့် ရေစိုသောသင်္ကန်းနှင့် ရွှံညွှန်များကိုဖြတ်သန်းကာ မြတ်စွာဘုရားကိုဖူးမြော် ရန် ရောက်ရှိလာကြသည်။

ထိုအခါမြတ်စွာဘုရားသည် ထိုရဟန်းတို့ကို “ရဟန်းတို့ ကျန်းမာကြကုန်၏လော၊မျှတကြကုန်၏ လော၊အညီအညွတ်ရှိဝမ်းမြောက်ဝမ်းသာ မငြင်းခုန်ပဲ ချမ်းသာစွာ ၀ါကပ်ခဲ့ကြရကုန်၏လော၊ ဆွမ်းအတွက် လည်းမပင်မပန်းပဲရှိကြကုန်၏လောဟုမေးတော်မူရာတွင်ရဟန်းများက မြတ်စွာဘုရားကိုဖူးမြော်ရန် လာရောက်ခဲ့ကြရာတွင် ၀ါတွင်းကာလဖြစ်သောကြောင့် လမ်းခရီးတွင်ပင်ဝါကပ်ခဲ့ရကြောင်း လျှောက်တင် တော် မူပါသည်။

ရဟန်းတို့သည် အရညကင်ဓူတင်ဆောင်သော တောရပုဂိုလ်များဖြစ်ရာ လူသူလေးပါးနီးသောမြို့ရွာတို့တွင် မနေကြပေ။ ပဏ္ဍိပါတ်ဓူတင်ဆောင်ကြလျက်ဆွမ်းခံစားကြသကဲ့သို့ ပံ့သကူဓူတင်ဆောင်လျှက် လွှင့်ပစ်ထားသော အ၀တ်စုတ်တို့ကိုသာ ကောက်ယူချုပ်ဆိုးပြီးဝတ်ရုံကြသည့်ရဟန်းများဖြစ်ပါသည်။ ပံ့သကူသင်္ကန်းကိုပင် ပိုပိုမိုမိုမထားကြပေ။ ထို့အတွက်ကြောင့် မိုးသည်းထန်စွာရွာသွန်းခဲ့သည့်အတွက် ရေစိုသင်္ကန်းများဖြင့်သာမြတ်စွာဘုရားကိုဖူးမြော်ခဲ့ကြရသည်။

ထိုအခါမြတ်စွာဘုရားသည် ရဟန်းတို့၏အဖြစ်အပျက်များကိုသိရှိခဲ့ရသဖြင့် တရားဟောကြားပြီးလျှင် “ရဟန်းတို့၊ ၀ါကျွတ်သော ရဟန်းတို့အား ကထိန်ခင၈်းခြင်းငှာခွင့်ပြု၏။ ကထိန်ခင်းပြီးသောရဟန်းတို့အား ထင်ရှားရှိသောရဟန်းတို့အား မပန်ကြားပဲ တကာမအိမ်သို့သွားနိုင်ခြင်း၊ တိစီဝရိတ်အဓိဌာန်တင်သော သင်္ကန်းကိုမယူပဲ သွားနိုင်ခြင်း၊ ဂဏဘောဇဉ်ကို စားနိုင်ခြင်း၊ အဓိဋ္ဌာန်ဝိကပ္ပနာ မပြုသောသင်္ကန်းကို အလိုရှိတိုင်း ဆောင်နိုင်ခြင်း၊ ထိုကထိန်ခင်းသော ကျောင်းတွင် သင်္ကန်းဖြစ်ပေါ်လာတိုင်း ကထိန်ခင်းသော ရဟန်းတို့အား ဖြစ်ရခြင်းဟူသော ထိုငါးပါးသောအာနိသင်တို့ကိုရကုန်၏ ဟု မိန့်တော်မူ၏။

မြတ်စွာဘုရားသည် ဓူတင်ဆောင်သော ပါဝေယျကတိုင်းသားရဟန်းများ၏ပင်ပန်းဆင်းရဲခြင်း ကိုကြည့်ပြီး တော်မူပြီးသကာလ ကထိန်ခင်းရန်ခွင့်ပြုတော်မူခဲ့ခြင်းမှ စတင်ကာ ယနေ့ကာလအထိမြန်မာနိုင်ငံအရပ်ရပ် တွင် တန်ဆောင်မုန်းလရောက်တိုင်းကထိန်ပွဲသဘင်ကို ခြိမ့်ခြိမ့်သဲကျင်းပခဲ့ကြပါ သည်။

                                                      ဦးသော်ဇင်၏ ရာသီသဘင်ကိုမှီငြမ်းကိုးကားပါသည်။