စာရေးသူ၏စာမူပါသော ရေနံချောင်းမြို့၊အမှတ်(၁) အခြေခံပညာအထက်တန်းကျောင်း ရာပြည့်မဂဇင်း တစ်အုပ်ကို ရာပြည့်မဂဇင်းကော်မတီ၏ ဂုဏ်ပြုလက်ဆောင်အဖြစ်ရရှိခဲ့သည်။ မဂဇင်းတွင် ကျောင်းသမိုင်း နှင့်ဖြစ်စဉ်၊ အမှတ်တရစာစုများ၊ ၀တ္ထုတို၊ဆောင်းပါး၊ပန်းချီ၊ ကာတွန်း၊ဓာတ်ပုံစသည်တို့ဝေေ၀ ဆာဆာပါ ရှိသဖြင့် ဖတ်ရသည်မှာကျောင်းနေစဉ် ငယ်ဘ၀ကိုပြန်လည်ရောက်ရှိသွား သယောင်ယောင်ခံစားရမိပါ သည်။စာမူပေါင်းများစွာအနက်မှ ဗိုလ်ချုပ်အောင်ဆန်း၏လက်ရေးစာမူနှင့်ပတ်သက်သော အကြောင်းအရာ အချို့ကို မျှဝေသွားပါမည်။
တက္ကသိုလ်ကျောင်းသား ကိုအောင်ဆန်း၏ ပါဠိဘာသာမှတ်စု
စာရေးသူတို့ကျောင်းသူဘ၀က ကျောင်းစာကြည့်တိုက်တွင်းသို့ဝင်လျှင်ဝင်ခြင်း လေးချောင်း ထောက်ခုံမြင့် ပေါ်ရှိမှန်သေတ္တာအတွင်းတွင်ဖွင့်လျှက်သားပြသထားသော မှတ်စုစာအုပ်ကလေးတစ်အုပ်ကို မြင်တွေ့နေ ကျဖြစ်သည်။ဗိုလ်ချုပ်အောင်ဆန်း၏မှတ်စုစာအုပ်ကလေးတစ်အုပ်ကို မြင်တွေ့နေကျဖြစ်သည်။ ဗိုလ်ချုပ် အောင်ဆန်း၏လက်ရေးမူရင်ဟု ကမည်းတပ်ထားသဖြင့်မကြာခဏကြည့်ဖြစ်ပါသည်။သို့သော် ပါဠိဘာသာ ကိုအင်္ဂလိပ်လိုရေးသားထားသဖြင့် ရေးသားထားသောမှတ်စုစာအုပ်ဟုသာသဘောထားခဲ့ပါသည်။ သို့သော် မဂဇင်းပါဆရာတော်ဦးရေ၀တ(ဓမ္မ၀ါစကပဏ္ဍိတ)၏ဗိုလ်ချုပ်၏ပါဠိမှတ်စုကို ဖတ်ရှုလေ့လာခြင်း ဆောင်းပါး ကို ဖတ်ရှုရမှ တန်ဖိုးကြီးမားလှသည်ကို သိရှိလိုက်ရသည်။
ထိုမှတ်စုစာအုပ်မှာ ဗိုလ်ချုပ်အောင်ဆန်း တက္ကသိုလ်ကျောင်းသားဘ၀ ၁၉၃၃ခုနှစ်က ပါဠိဘာသာကို အင်္ဂလိပ်လိုရေးမှတ်ထားသောမှတ်စုဖြစ်ပါသည်။ စာအုပ်အမည်ကိုလည်း Note of Paliဟု ရေးထားပြီး စာမျက် နှာ (၁)မှ (၆၁)အထိပါရှိပါသည်။ မှတ်သားထားသောအကြောင်းအရာများမှာ-
၁။ပဉ္စနန္တိယကံငါးပါး၊
၂။ အရိယာပုဂိုလ်များ၊
၃။ ဘုရားအလောင်း၏မယ်တော်တို့၏ဓမ္မတာ
၎။ ဓမ္မစက္ကပ၀တ္တနသုတ်၊
၅။ ပါဠိဘာသာမှ အင်္ဂလိပ်ဘာသာသို့ ပြန်ဆိုထားချက်များ
၆။ ပါဠိဘာသာနှင့်စပ်လျဉ်းသော ဗိုလ်ချုပ်၏ရင်တွင်းမှတ်ချက်များ စသည်တို့ဖြစ်ကြသည်။
ဆောင်းပါးရှင်ဆရာတော်ကမူ ဗုဒ၀င်ဖွားတော်မူခန်းမှစကာ ဓမ္မပဒ၀တ္ထုအလယ် ဓမ္မစကြာအဖွင့်ခန်းနှင့် နိဗာန်အဆုံးမှတ်သားထားသဖြင့် ယနေ့စသင်တိုက်များတွင် သင်ကြားပို့ချနေသောအခြေပြုမူလတန်း မှသည် ဓမ္မာစရိယနှင့်ပရိယတ္တိ တက္ကသိုလ်အဆင့်သင်ရိုးများပါဝင်နေကြသည် ဟုဖော်ညွှန်းပါသည်။ ယင်း အပြင်“ ထိုပါဠိ ဘာသာမှတ်စုကိုကြည့်ရှုလေ့လာခြင်းဖြင့် ဗိုလ်ချုပ်၏ ဗုဒဘာသာအပေါ်ယုံကြည်သက်ဝင်မှု၊ ပါဠိသဒ္ဒါဥာဏ်နှင့်ပါဠိစာပေနှံ့စပ်ပုံ၊ဗုဒဘာသာတရားတော်များမှ နိုင်ငံရေး၊လူမှုရေး၊စီးပွားရေးစသော အသိ ပညာဗဟုသုတရအောင်သင်ယူအားထုတ်ခဲ့ပုံတို့ကိုလေ့လာသုံးသပ်နိုင်သောကြောင့်အဖိုးမဖြတ်နိုင်သော မှတ်စု ”ဟု မှတ်ချက်ပြု ပါသည်။
စာအုပ်တွင် ဗိုလ်ချုပ်အောင်ဆန်းက The teachings of the Buddha are indeed wounderful. ဟု မှတ်သားထားသဖြင့် ဆောင်းပါးရှင်ဆရာတော်၏သုံးသပ်ချက်မှာ-
ပါဠိဘာသာတတ်ကျွမ်းနားလည်သူသည် ပါဠိ(ဘာသာ)စာပေမှရရှိသော အသိဥာဏ်ကို မှန်ကန်စွာ အသုံး မချတတ်သော လူယုတ်မျာသာဖြစ်ခဲ့ပါမူ မိမိကိုယ်ကိုသာမက တိုင်းပြည်နှင့်လူမျိုးကိုပါ ဒုက္ခရောက် အောင်ချောက်တွန်းနိုင်သကဲ့သို့ သူတော်ကောင်းစိတ်ဓာတ်ရှိသော ဗိုလ်ချုပ်ကဲ့သို့သော အာဇာနည် ပုဂိုလ် မျိုးသာဖြစ်ခဲ့ပါမူ အမှန်တကယ်လွတ်လပ်ရေးရအောင်ဆောင်ရွက်နိုင်ကြောင်းဖြစ်ပေရာမှတ်သားစရာ ဥာဏ် အလင်းဖြာခဲ့ရပေသည်။
ဖော်ပြပါ မှတ်စုစာအုပ်နှင့်ပတ်သက်သည့်ဆောင်းပါးတစ်ပုဒ်ကိုလည်း ဖတ်ရှုရပြန်ပါသေးသည်။ ထိုဆောင်းပါးမှာ ဆောင်းပါးရှင် ကျော်လွင် (ရေနံ့သာ)၏ “သမိုင်းဝင်စာအုပ်နှင့် သမိုင်းတင်ရန် ရှာပုံတော်” ဖြစ်သည်။ ထိုစာအုပ်သမိုင်းကြောင်းကိုဖော်ထုတ်နိုင်ရန် အငြိမ်းစားဆရာကြီးများ၊ဗိုလ်ချုပ်အောင်ဆန်းနှင့် ကျောင်းနေဖက်သူငယ်ချင်းများ၏မိသားစုဝင်များ၏ပြောကြားချက်များ၊အထောက်အထားစာရွက်စာတမ်းလက်မှတ်များ၊ဗိုလ်ချုပ်နှင့်ပတ်သက်သောစာနယ်ဇင်းများကို အခြေပြုကာ ရေးသားထားသော ဆောင်းပါး ရှင်၏ လေ့လာအားထုတ်မှုကို လေးစားမိပါသည်။
ဗိုလ်ချုပ်အောင်ဆန်းလောင်းလျာမောင်အောင်ဆန်းသည် နတ်မောက်မြို့ ဦးသောဘိတကျောင်းမှ မြန်မာ (၆)တန်းအောင်မြင်ပြီးနောက် ၁၉၂၈ခုနှစ်ဇွန်လတွင်ရေနံချောင်းမြို့ အမျိုးသားအထက်တန်းကျောင်း တွင် ဆက်လက်ပညာသင်ကြား ခဲ့သည်။ ၁၉၃၂ခုနှစ်တွင် မြန်မာ(၁၀)တန်းကို မြန်မာစာနှင့်ပါဠိဘာသာ(၂)ဘာ သာဂုဏ်ထူးဖြင့်အောင်မြင်သည်။ မောင်အောင်ဆန်း၏ ခုံအမှတ်မှာ (၁၂၈၃)ဖြစ်ပြီး သူငယ်ချင်း မောင်ကြည်စိန် ၏ ခုံအမှတ်မှာ (၁၂၈၈)၊မောင်အောင်ဆန်းညီဝမ်းကွဲမောင်အောင်၏ခုံးအမှတ်မှာ (၁၂၈၉)ဖြစ်သည်။ ထိုနှစ်မှာပင် အထက်တန်းအောင်လက်မှတ်ကိုချီးမြှင့်ရာ မောင်ကြည်စိန်၏ အောင်လက်မှတ် အမှတ်စဉ်မှာ(၆၂၇)ဖြစ်ပြီး၊မောင်အောင်ဆန်း၏အောင်လက်မှတ်အမှတ်စဉ်မှာ(၆၃၁)ဖြစ်သည်။ထိုလက် မှတ်ကိုမောင်အောင်ဆန်းကလာရောက်မထုတ်ယူသဖြင့်ကျောင်းကိစ္စကျောင်းစာမေးပွဲကိစ္စများကို ကျောင်း အုပ်ဆရာကြီးဦးပုနှင့်တွဲဖက်ဆောင်ရွက်ရသူ မောင်အောင်ဆန်းတို့၏ ဆရာဦးဘအုန်းက သိမ်းထားခဲ့ရ သည်။ ထိုလက်မှတ်ကို တပ်မတော်မော်ကွန်းတိုက်သို့ လှူဒါန်းထားပြီးဖြစ်သည်။
၁၉၃၂ခုနှစ်တွင် ကိုအောင်ဆန်းနှင့် ကိုကြည်စိန်တို့ ရန်ကုန်တက္ကသိုလ်ပဲခူးဆောင်တွင် အခန်းချင်းကပ် လျက်နေထိုင်ကာ စားအတူ သွားအတူရှိခဲ့ကြရသည်။ တစ်ယောက်နှင့်တစ်ယောက်အပြန်အလှန်ဖေးမကာ စာအုပ်ငှားရမ်းမှုများရှိခဲ့သည်။ ကိုအောင်ဆန်းသည် စာအုပ်ငှားရမ်းပြီးပြန်ပေးသည့်အခါ “ကိုကြည်စိန်-ခင်ဗျားဆီက ငှားထားတဲ့စာအုပ်ပြန်ပေးလိုက်ပြီ”ဟု စာတိုရေးပြီး လက်မှတ်ထိုးလေ့ရှိသည်။
ကိုအောင်ဆန်းသည် အမျိုးသားအထက်တန်းကျောင်းသားဘ၀ကတည်းကပင် ပါဠိဘာသာ ထူးချွန်သဖြင့် ကိုကြည်စိန်သည် ကိုအောင်ဆန်းထံမှ ပါဠိဘာသာမှတ်စုစာအုပ်ကို မကြာခဏငှားရမ်းကြည့်ရှု ခဲ့ရသည်။ ယခုကျောင်းရှိစာအုပ်မှာ ကိုကြည်စိန်က ကိုအောင်ဆန်းထံမှ ငှားရမ်းခဲ့သော စာအုပ်ဖြစ်ပြီး ကိုအောင်ဆန်း က ပါဠိဘာသာသည် သူ့အတွက် အပမ်းမကြီးသောဘာသာဖြစ်ကာ သူငယ်ချင်းလေ့လာရန် အပြီး အပိုင်ပေးထားခဲ့ခြင်းဖြစ်ပါသည်။
၁၉၃၈ခုနှစ်တွင် ကိုအောင်ဆန်းနှင့်ကိုကြည်စိန်တို့ ၀ိဇာဘွဲ့ရရှိကြသည်။ ကိုအောင်ဆန်းက ဘီအယ်လ် ဆက်တက်ရ်ျ ကိုကြည်စိန်က ရေနံချောင်းသို့ပြန်လာခဲ့သည်။ ကိုကြည်စိန်၏ ဆရာဘ၀သည် အထက(၁)ဖြစ် လာမည့် နိုင်ငံတော်အစိုးရအထက်တန်းကျောင်းတွင် အထက်တန်းပြဖြင့် ၂၅.၇.၁၉၄၇မှစတင်ခဲ့ပြီး ကျောင်းအုပ်ကြီးအဖြစ် အငြိမ်းစားယူခဲ့ပြီး ၁၉၇၃ခုနှစ်တွင် ဆုံးခန်းတိုင်ခဲ့သည်။
ဦးကြည်စိန်ကျောင်းအုပ်ကြီးအဖြစ် တာဝန်ထမ်းဆောင်စဉ် ၁၉၆၂-၆၃ပညာသင်နှစ်တွင် ပညာရေးပြပွဲ တစ်ရပ်ကို ကျောင်းဝန်းအတွင်းတွင် ခမ်းနားကြီးကျယ်စွာ ပြုလုပ်ခဲ့သည်။ထိုပြပွဲတွင် ဘာသာရပ်ဆိုင်ရာပြ ခန်း များကို အပြိုင်အဆိုင်ခင်းကျင်းပြသခဲ့ကြရာတွင် သမိုင်းဘာသာရပ်ပြခန်းတွင် ဗိုလ်ချုပ် အောင်ဆန်း ၏လက်ရေးစာမူမှတ်စုစာအုပ်ကိုပြသခဲ့သည်။ ပြပွဲပြီးသည့်နောက် ကျောင်းစာကြည့်တိုက်တွင် ထား ရှိရန် ဆရာကြီးဦးကြည်စိန်က လှူဒါန်းခဲ့ခြင်းဖြစ်ပေသည်။
ငယ်စဉ်ကျောင်းသူဘ၀ကကျောင်းစာကြည့်တိုက်အတွင်းဝင်ထွက်ရင်း အမှုမဲ့အမှတ်မဲ့ရှိနေခဲ့သော မှတ်စု စာအုပ်အဟောင်းလေးက ပြောပြသည့် အာဇာနည်ခေါင်းဆောင်ကြီး၏ စိတ်နေစိတ်ထားနှင့် ပါဠိဘာသာ တွင်ထူးချွန်ရာမှပါဠိဘာသာမှရရှိသောဥာဏ်အလင်းဖြင့် အမျိုးသားခေါင်းဆောင်ကြီးဖြစ်အောင် စွမ်းဆောင် နိုင်ခဲ့ကြောင်းကို ရာပြည့်မဂဇင်းဖတ်ရှုရာမှ ပြည့်ပြည့်၀၀သိလိုက်ရပေတော့သည်။
ခင်လယ်လယ်ချစ်(မြန်/ဂုဏ်)
စာကိုး- ရေနံချောင်းမြို့၊အမှတ်(၁) အခြေခံပညာအထက်တန်းကျောင်း၊ရာပြည့် မဂဇင်း
